Date
बिहि, मंसिर ३, २०८३
Thu, November 19, 2026
Home Blog Page 784

परवानीपुरमा तीजकाे अवसरमा सांस्कृतिक कार्यक्रम

0

वीरगंज । हिन्दुहरुको महान पर्व हरितालिका तीजको अवसरमा बाराको परवानीपुर गाउँपालीका वडा नं ५ बहुअरी टोलमा सांस्कृती कार्यक्रम सपन्न भएको छ ।

कार्यक्रमका प्रमुख अथिती परवानीपुर गाउँ कार्यपालीका सदस्य सन्जु साहले शुभकामना मन्तव्य ब्यत गर्दैे पर्वले समाजलाई एक ढिका बनाउन मद्दत पुर्‍याईरहेको बताए । उनले तिज पर्वले परिवारमा सुख, शान्ती र समृद्धी ल्याउने हुनाले यस्को खास महत्व रहेको बताए ।

नेता साहले युवाहरुलाई समयको साथ आफुलाई परिर्वतन गर्दै सही दिसामा लाग्न आग्रह गरे । उनले यूवाहरुको हरेक सुख, दु:खमा आफु सधै साथमा रहेको बताए ।

उनले आफु समाजको सेवाको लागी राजनीतीमा आएको बताए । नेता साहले स्थानीय निर्वाचन नजिकीदै गर्दा वडा बासीहरुलाई सही र सक्षम ब्यक्ति छान्न आग्रह गर्दै वडाको बिकासमा साथ दिन सबैलाई आग्रह गरे ।

कार्यक्रममा नृत्य, नाटक, लोकगित लगायतकाे प्रस्तुतीहरु गरिएको थियो ।

कार्यक्रममा सवच्छ समाज यूवा क्लबका अध्यक्ष भुपेन्द्र पटेल, उपाध्यक्ष उमेश साह, कोषाध्यक्ष मुरतुजा आलम, सदस्यहरु प्रमोद यादव, अखिल पटेल, रन्जीत साह, संन्दीप यादव, कृषणा साह, वडा वासी राजेस दास, हरिन्दर पासवान, संन्तोष पटेल, शम्भु राम, महिला सदस्य लगायत समाजसेवी, बुिद्धजिवीहरुकाे उपस्थिती रहेको थियो ।

मेयर सरावगीद्वारा अलाैंमा स्थानिय अगुवाहरुसंग छलफल

0

वीरगंज । वीरगंज महानगरपालिकाका मेयर विजय कुमार सरावगीले महानगरपालिकाकाे वडा नं. १७ अलाैंमा शुक्रबार मुस्लिम समुदायका अगुवाहरुसंग भेटघाट गरेका छन् ।

मुस्लिम समुदायका अगुवाहरुको निमन्त्रणामा मेयर सरावगीले अलौस्थित जामे मस्जिदमा समुदायकाे अगुवासंग भेटघाट गर्दै विभिन्न समस्याहरुको बारेमा जानकारी लिएका हुन् । 

मेयर सरावगीले मुस्लीम अगुवाहरुसँगको छलफलपछि स्थानीय अगुवाहरुसँग पनि छलफल गर्नुकाे साथै वडा नं. १७ मा नगरस्तरीय बजेटबाट निर्माण भईरहेको योजनाहरुको स्थलगत अनुगमन पनि गर्नु भएको उनकाे सचिवालयले जनाएको छ ।

छलफलकाे क्रममा मेयर सरावगीले अलाैंमा इदगाह निर्माणकाे लागि रु १० लाख, कब्रीस्तानको कम्पाउन्ड निर्माणको लागि हरियाली वीरगंज योजनाबाट बजेट छुट्याउने, अधुरो मदर्शा निर्माणकाे लागि समेत बजेटको ब्यबस्थापन गरि निर्माण गर्ने आश्वासन दिए ।

साे क्रममा जिल्ला समन्वय समिति पर्साका सदस्य अमोद यादव, स्थानिय अगुवा बिरेन्द्र यादव, धर्मदेव यादव, अजय साह लगायत स्थानीय नेता कार्यकर्ताको उपस्तिथि रहेकाे थियो ।

सी.एम.ए. संघकाे स्थापना दिवसको अवसरमा रक्तदान

0

वीरगंज । नेपाल सी.एम.ए. संघ पर्साले आयोजना गरेको रक्तदान कार्यक्रममा ३१ पोका रक्त संकलन भएको छ ।

संघको १८ औं स्थापना दिवसको अवसर पारेर वीरञ्जको घण्टाघरमा शुक्रबार आयोजित रक्तदान कार्यक्रममा ३१ पोका रक्त संकलन भएको हो । रक्त संचार केन्द्र वीरगञ्जमा रक्त अभाव रहेको र रक्त नहुँदा बिरामीलाई समस्या आउन थालेको जानकारी आएपछि आफुहरुले स्थापना दिवसको अवसर पारेर रक्तदान कार्यक्रम आयोजना गरेको संघका अध्यक्ष जोगिन्द्र प्रसाद चौरसियाले बताए ।

संघका अध्यक्ष चौरसियाकाे अध्यक्षता र संघका केन्द्रीय अध्यक्ष रामेश्वर प्रसादको प्रमुख आतिथ्यतामा भएको कार्यक्रममा केन्द्रीय सदस्य रामदयाल महतो, कार्यक्रम संयोजक मनोज पटेल, रक्त संचार केन्द्र वीरगञ्ज प्रमुख शौरभराज पाण्डे लगायतको सहभागिता रहेको थियो ।

रक्त संचार केन्द्र वीरगंजकाे प्राविधिक सहयाेगमा रक्तदान कार्यक्रम भएकाे थियाे ।

एचएसएसद्वारा हिन्दु महिलालाई आत्मनिर्भर बनाउन सिलाई कटाई तालिम

0

वीरगंज । जेहेनदार महिला तथा युवतीहरुलाई आत्मनिर्भर बनाई आर्थिक रुपमा सक्षम बनाउँने उदेश्यले हिन्दु स्वंयसेवक संघ (एचएसएस), सेवा ईन्टरनेशनल नेपालद्वारा बाराको विश्रामपुर र फेटाँगाउँपालिकामा तीन महिने नि:शुल्क सिलाईकटाई प्रशिक्षण शुरु गरिएको छ ।

विश्रामपुर गाउँपालिका वडा नम्बर १ कल्याणपुर र फेटाँ गाउँपालिका ४ बातरामा छुट्टाछुट्टै शुक्रबारदेखी शुरु गरिएको तीन महिने सिलाई कटाई प्रशिक्षण कार्यक्रमको उद्घाटन हिन्दु स्वंयसेवक संघका विभाग संघचालक अशोक बैद्य र उद्योगपति एवं समाजसेवी निखिल चाचानले गरेका थिए ।

प्रशिक्षण कार्यक्रमलाई सम्बोधन गर्दै विभाग संघचालक अशोक बैद्यले आफूलाई सबल बनाउँन शिप सिक्न आवश्यकता रहेको औल्याए । हिन्दु समाजका महिलाहरु अहिले पनि पिछिडिएका छन । उनले भने,‘ शिप नभएका कारण दैनिकी जीवन घर गृहस्तीमै विताई रहेनु परेको छ, जसले गर्दा घरजिवन पनि धाउँन कठिनाई भोग्नु परेको छ । ’

आर्थिक अवस्थामा केहि हिन्दु महिला कमजोर भएपनि काम गरेर आफूलाई सबल व्यक्तिको रुपमा उभ्याउँने मनमा ईच्छा र दृढशक्ती हुदाँ हुदैपनि अवसर नपाएका कारण पछि परेका छन उनले भन्ने , ‘ यस्ता हिन्दु महिला तथा युवतीहरुको उत्थानको लागि हिन्दु स्वयंसेवक सदैव साथ र सहयोग रहने छ ।’

कार्यक्रममा उद्योगपति एवं समाजसेवी निखिल चाचानले आफूलाई आर्थिक रुपमा सबल बनाई समाज परिर्वतनमा योगदान पु¥याउँन सहभागि प्रशिक्षण कार्यक्रमका महिला तथा युवतीहरुलाई आग्रह गरे । उनले शिक्षाले मात्र अगाडी बढ्न सकिदैन यसको साथ साथ व्यवहारीक रुपमा सिपको पनि आवश्यक रहेको बताए ।

जबसम्म महिला अगाडी बढ्दैन तबसम्म समाज पनि अगाडी बढ्न सक्दैन, उद्योगि चाचानले भने, ‘शिप सिकेपछि आत्मनिर्भर बनाउँन सक्षम बनाउँन, सक्षम बनिसकेपछि अगामी पिडिको लागि फलदायी हुने छ ।’

हिन्दु स्वयंसेवकले आयोजना गरेको प्रशिक्षण कार्यक्रम तीन महिनाको लागि सिमित छैन, अगामी दिनमा पनि यसले समाज परिर्वतनमा उल्लेखनिय सहयोग गर्ने उनले बताए ।

प्रशिक्षण कार्यक्रममा बातराका सिलाई प्रशिक्षक अन्तिमा कुमारी बैठाले हिन्दु महिला तथा युवतीहरुलाई आत्मनिर्भर बन्ने दृढता हुदाँ हुदैपनि आर्थिक अभावले गर्दा अगाडी बढ्न नसकेको बताईन । उनले हिन्दु स्वयंसेवक संघको सहयोगमा शुरु गरिएको तीन महिने सिलाई तथा कटाई प्रशिक्षणले सिप हासिल गरीसकेपछि आफूलाई आत्मनिर्भर बनाउँन ठूलो योगदान पुग्ने विश्वास लिएको बताईन ।

करिब ६० जना प्रशिक्षार्थीहरुको लागि हिन्दु स्वयंसेवक संघले ४ जना प्रशिक्षक सहित ४ वटा सिलाई मेसिन, त्यसका आवश्यक उपकरण उपलब्ध गराएको छ । नियमित रुपमा प्रशिक्षण जारी भएपछि थप सिलाई मेसिन र त्यसको उपकरण उपलब्ध गराउँने संघले जनाएको छ ।

तीन महिने प्रशिक्षणमा उत्कृष्ठ हुने परिक्षार्थीलाई नि:शुल्क रुपमा सिलाई मेसिन समेत उपलब्ध गराउँने घोषणा हिन्दु स्वयंसेवक संघले गरेको छ ।

उद्घाटन कार्यक्रममा हिन्दु स्वंयसेवक संघका स्वयंसेवक तथा फेटाँ गाउँपालिका र विश्रामपुर गाउँपालिका स्थानियहरुको उल्लेखनिय सहभागिता रहेको थियो ।

वीरगंञ्जको चोर्नीमा छात्राहरुलाई साइकल वितरण

0

वीरगञ्ज । वीरगञ्ज महानगरपालिकाकाे वडा नम्बर ३२ चोर्नीस्थित नेपाल राष्ट्रिय आधारभुत विद्यालयमा अध्ययनररत छात्राहरुलाई साइकल वितरण गरिएको छ ।

प्रदेश २ सरकारकाे मुख्यमन्त्री बेटी पढाउ, बेटी बचाउ कार्यक्रम अन्तर्गत  १८ जना छात्राहरुलाई साइकल वितरण गरिएकाे जनता समाजवादी पार्टी (जसपा) पर्साका सचिव तबरेज अहमदले जानकारी दिए ।

नरेन्द्र मण्डलको अध्यक्षतामा र प्रदेश सभा सदस्य जन्नत अन्सारीको प्रमुख आथित्यतामा भएकाे साइकल वितरण कार्यक्रममा जसपा पर्साका उपाध्यक्ष बासुदेव यादव, सचिब तबरेज अहमद, संघीय शिक्षक फोरमका अध्यक्ष हरेन्द्र चौरसिया, जिल्ला सदस्य प्रेम अर्याल, वीरगञ्ज महानगरपालिकाका न्यायिक समिती सदस्य तुफैल अख्तर, समाजवादी युवा संघ प्रदेश नम्बर २ का सचीव मनोज यादव, एमामुल हक वडा नम्ब ३१ का वडा एकाईका अध्यक्ष सुलेमान अन्सारी लगायतको उपस्थिती रहेको थियो ।

कार्यक्रमको सहजीकरण शिक्षक सन्तोष सर्राफले गरेका थिए ।

ईजिआरपी दोस्राे चरणकाे लागि पर्साका ९ पालिका र १० बिज्ञ छनौट

0

वीरगंज । युएसएड र आरटीआईद्वारा संचालित राष्ट्रिय प्रारम्भीक कक्षा पढाई कार्यक्रम अन्तर्ग पर्साको जिल्ला समन्वय समितीको बिस्तारित बैठक साेमबार वीरगंजस्थित भिस्वा होटलमा ४ वटा महत्वपुर्ण निर्णय गरी सम्पन भएको छ ।

शिक्षा विकास तथा समन्वय ईकाई पर्साका प्रमुख फतबहादुर श्रेष्ठको अध्यक्षतामा बसेको बैठकले ईजिआरपी दोस्राेकाे लागी ९ वटा पालिका र १० जना बिज्ञ छनौट गरेको छ ।

छनाैट भएकाे पालिकामा वीरगंज महानगरपालिका, बहुदरमाई नगरपालिका, पर्सागढी नगरपालिका,  बिन्दवासिनी गाउँपालिका, पटेर्वा सुगाैली गाउँपालिका, पकहा मैनपुर गाउँपालिका, जिराभवानी गाउँपालिका, सखुवा प्रसौनी गाउँपालिका र जगरनाथपुर गाउँपालिका रहेकाे छ ।

बिज्ञहरुको टोलीमा फतबहादुर श्रेष्ठ, हरि राउत कुर्मी, अरबिन्दलाल कर्ण, शिक्षक महासंघ पर्साका अध्यक्ष तिर्थराज यादव, धर्मराज थापा, शम्भु साह, राजकिशोर कानु, कपिल लामिक्षने, गोपालजी साह, रामनारयण साह लगायतका रहेका छन् । 

यस्तै, भदौ मसान्त भित्र ९ वटा पालिकाहरुमा कार्यबिधी अनुसार कार्यदल गठन गरी पठाउन पनि बैठकले निर्णय गरेकाे राष्ट्रिय प्रारम्भीक कक्षा पढाई कार्यक्रमका जिल्ला संयोजक रामनारयाण साहले बताए ।

बैठककाे कार्यक्रम सम्बन्धि प्रस्तुती गर्दै शिक्षा संयोजक रामनारयाण साहले पर्साको ४ वटा पालिकाको अवस्था दैनिय रहेको बताए । नेपालको ७ सय ५३ वटा पालिकाको ७ सय ४१ नम्बरमा बिन्दवासिनी गाउँपालिका, ७ सय ३९ औ स्थानमा जिराभवानी गाउँपालिका, ७ सय ३३ औं स्थानमा धोबीनी गाउँपालिका र ७ सय ३२ औं स्थानमा पकहा मैनपुर गाउँपालिका रहेको उनले जानकारी गराए ।

बैठककमा वीरगंज महानगरपालिकाकाे शिक्षा संयाेजक अरबिन्दलाल कर्ण, गैरसरकारी संस्था महासंघ पर्साका अध्यक्ष छठु साह, पत्रकार महासंघ पर्साका उपाध्यक्ष युवराज खड्का लगायतकाे सहभागिता रहेको थियो ।

बैंकमा चाेरी भएकाे ३ दिनपछि लंगडीकाे मनी ट्रान्सफरमा युवककाे शव फेला

0

वीरगंज । पर्साको धोबिनी गाउँपालिका ४ लंगडी चोकस्थित मारिया मनि ट्रान्सफर रहेको घरको छानामा एक युवक मृत अवस्थामा फेला परेका छन् । जस्तापाताले छाएको छानामा आइतबार बेलुका अंदाजी २१-२२ वर्षका युवकको शव फेला परेको प्रहरीले जनाएकाे छ । शव फेला परेका युवकको पहिचान भने खुल्न सकेको छैन । 

शव पोष्टमार्टमका लागि वीरगन्जस्थित नारायणी अस्पतालमा पठाइएको इलाका प्रहरी कार्यालय पाेखरियाका प्रहरी निरिक्षक दिपक थापाले जानकारी दिए । 

भदौ १७ गते बिहीबार राति लंगडीमै रहेको एनआइसी एसिया बैंकको उपशाखामा चोरी भएको थियो । त्यहि बैंक नजिकको मनि ट्रान्सफर भएको घरको छानामा आइतवार बेलुकी युवकको शव फेला परेको हो । जस्तापाताकाे छाना रहेकाे मनी ट्रान्सफरमा आधि टाउकाे भित्र पसेकाे अवस्थामा शव फेला परेकाे प्रहरी निरिक्षक थापाले वताए ।

उनले भने “रिन्च हाथमा रहेकाे अवस्थामा शव भेटिएकाे हाे । शव फेला परेकाे मानिसकाे गाेजीबाट चक्कु समेत बरामद भएकाे छ । शवकाे प्रकृति हेर्दा चाेरी गर्न छिर्न चाहेकाे हुन सक्छ । हामीले त्यँही अनुसारले अनुसन्धान अगाडी बढाएका छाैं । अनुसन्धानपछि सबै कुरा खुल्छ ।”

शव फेला परेक युवक बिहीबार राति एनआइसी एशीया बैंकमा भएको चोरी गर्ने समूहकै हुनसक्ने स्थानीयले पनि आशंका गरेका छन् ।

बैंकमा चोरी गर्ने समुहले मनी ट्रान्सफरमा समेत चोर्न छानाको जस्तापाता उप्क्याएर भित्र छिर्न लाग्दा करेन्ट लागेर ती युवकको मृत्यु भएको हुन सक्ने स्थानीयकाे आशंका छ । शव सडेर गन्हाउन थालेकाले पनि घटना दुई तीन दिन पहिलकै (बिहीबार राति कै) हुन सक्ने भएकाले थप आशंका उत्पन्न भएको हाे । 

शवको प्रकृति हेर्दा ती युवक मनि ट्रान्सफरमा जस्ता पाताले छाएकाे छतबाट छिर्ने क्रममा करेन्ट लागेर उनको मृत्यु भएको हुन सक्ने प्रहरीको अनुमान छ । 

गत बिहीबार राति लंगडीमै रहेको एनआइसी एशिया बैंकको शाखा कार्यालयमा चोरहरुले बैंकको मुल गेटको सटर नै फोडेर भित्र पसेका थिए ।

बैंकमा जडान गरिएको सिसिटिभी क्यामेरामा कैद भएको भिडियो अनुसार रेनकोट लगाएर आएका दुई जनाले अक्सिजन सिलण्डर सहितको वेल्डिङ मेशीनले सटर काटेर भित्र पसेका थिए ।  

बिहीबार राति बैंकमा भएको चोरी र आइतबार बेलुकी मनि ट्रान्सफरमा युवकको शव भेटिएपछि घटना अझ शंकास्पद देखिएकाले प्रहरीले दुवै घटनालाइ जोडेर अनुसन्धान थालिएकाे जनाएकाे छ ।