[real3dflipbook id=”178″]
बारामा एम.आइ.एस.अपरेटर र फिल्ड सहायकहरुको समिति गठन
वीरगंज । बाराको विभिन्न स्थानिय तहको पंजिकरण शाखामा कार्यररत एम.आइ.एस.अपरेटर र फिल्ड सहायकहरुको भेला सम्पन्न भएको छ ।
कलैया उपमहानगरपालिकाको सभा हलमा भएको भेलाले सुरज कुमारको अध्यक्षतामा १७ सदस्यीय एम.आइ.एस.अपरेटर तथा फिल्ड सहायक समिति बारा गठन गरेको छ ।
जुन समितिको उपाध्यक्ष पिंकी यादव, राजिव यादव, सचिव शेषनाथ पासवान, सह सचिव दिपा ढकाल, कोषाध्यक्ष राजिव यादव, सदस्यहरुमा सुधिर कुशवाहा, सुनिल प्रसाद यादव, महेश चौधरी, विजय राम, रजनिकान्त यादव, सुमित चौधरी, नानीबाबु चौधरी, संजय कुमार यादव, दिपक कुमार साह, श्रीनिवास चौधरी, मनिषा प्रजापती चयन भएका छन् ।
यस्तै, भेलाले ललन यादव, प्रियांका यादव र अरुण कुमार वस्नेत रहेको सल्लाहकार समिति समेत गठन गरेको छ ।
बारामा पनि आ आफ्नो हकहितको लागि एम.आइ.एस.अपरेटर र फिल्ड सहायक साथीहरुले समिति गठन गर्नु भएको एम.आइ.एस.अपरेटर तथा फिल्ड सहायक समिति पर्साका कोषाध्यक्ष जितेन्द्र यादवले जानकारी दिए ।
राष्ट्रिय जनगणना २०७८ को लागि पर्सामा सुपरिवेक्षकहरुको पुनर्ताजगी तालिम संचालन
वीरगंज । कोरोना भाइरस संक्रमणका कारणले प्रभावित राष्ट्रिय जनगणना २०७८ पुनः सुचारु हुने भएपछि पर्सामा सुपरिवेक्षकहरुको पुनर्ताजगी तालिम सोमबारदेखी सुरु भएको छ ।
कालिकामाई गाउँपालिका, पकहा मैनपुर गाउँपालिका, धोबिनी गाउँपालिका र छिपहरमाई गाउँपालिकाको सुपरिवेक्षकहरुको लागि श्री जनता मावि मुडलीमा तालिम संचालन भएको छ ।
तालिमको एक कार्यक्रमका बिच श्री जनता मावि मुडलीका प्रधानाध्यापक राजेश तिवारीले उद्घाटन गरेका थिए ।
तालिमको उद्घाटन गर्दै प्रधानाध्यापक तिवारीले राष्ट्रिय जनगणना २०७८ लाई सफल बनाउन सबैसंग आग्रह गरे । उनले कोई नछुटुन र कोई नदोहोरिउनको हिसाबले १० बर्षमा हुँदै गरेको जनगणना सफल बनाउन सुझाए ।
स्थानिय जनगणना अधिकारी उमेश सहनीले उच्च मनोबलका साथ राष्ट्रिय जनगणना २०७८ लाई सफल बनाउ सुपरिवेक्षकहरुलाई आग्रह गरे । उनले यस अघि पनि सुपरिवेक्षकहरुको लागि २ दिन तालिम संचालन गरिए पनि कोरोना भाइरस संक्रमणका कारण प्रभावित जनगणना कार्य पुनः सुचारु हुने भएपछि पुनर्ताजगीको लागि तालिम संचालन गरिएको वताए ।
तलिममा जिल्ला जनगणना कार्यालय पर्साका प्रतिनिधि खड्क नारायण जोशी र प्रशिक्षक रामयतन प्रसादले प्रशिक्षण दिईरहेका छन् । सो तालिममा चार पालिकाको १८ जना सुपरिवेक्षकहरुको सहभागिता रहेको छ ।
पर्साको ६ ठाउँमा सुपरिवेक्षकहरुको लागि दुई दिने पुनर्ताजगी तालिम संचालन गरिएको जिल्ला जनगणना अधिकारी केशव ज्ञवालीले जानकारी दिए ।
“मेरो गणना मेरो सहभागिता” नाराको साथ हुन लागेको राष्ट्रिय जनगणना २०७८ को लागि जिल्ला जनगणना कार्यालयको समन्वयमा र स्थानिय जनगणना कार्यालयको आयोजनामा तालिम संचालन गरिएको अधिकारी ज्ञवालीले वताए ।
उनले दएिको जानकारी अनुसार पर्साको पर्सागढी नगरपालिका र सखुवा प्रसौनी गाउँपालिकाको सुपरिवेक्षकहरुको लागि जनता मावि बढनियारमा, बिन्दवासिनी गाउँपालिका, पोखरिया नगरपालिका र बहुदरमाई नगरपालिकाको सुपरिवेक्षकहरुको लागि राधा कृष्ण मावि बहुअर्वा भाठामा, ठोरी गाउँपालिका, पटेर्वा सुगौली गाउँपालिका, जिराभवानी गाउँपालिका र जगरनाथपुर गाउँपालिकाको सुपरिवेक्षकहरुको लागि श्री नेरा मावि सेढवामा तालिम संचालन गरिएको छ ।
यस्तै, वीरगंज महानगरपालिकाको वडा नं. १ देखी सम्म, १५, १६, १७, १९, २४, २५ को सुपरिवेक्षकहरुको लागि सिदार्थ कलेज, वीरगंजमा र वीरगंज महानगरपालिकाको वडा नं. १४, १८, २०, २१, २२, २३ र वडा नं. २६ देखी ३२ सम्मका सुपरिवेक्षकहरुको लागि भोजभगत मावि पारवानीपुरमा तालिम संचालन गरिएको छ ।
जनगणनालाई सफल बनाउन स्थानिय स्तर मै पर्साको ६ ठाउँमा स्थानिय जनगणना कार्यालय समेत स्थापना गरिएको जिल्ला जनगणना कार्यालयका सह जनगणना अधिकारी अमित खड्काले जानकारी दिए ।
नारायणी अस्पताललाई अक्सिजन कन्सनट्रेटर सहयोग
वीरगंज । स्ट्याण्डर्ड चार्टर्ड बैंकको सहयोगमा एक्सनएड नेपाल र दिव्य युवा क्लव पर्साको सहजीकरणमा नारायणी अस्पताललाई अक्सिजन कन्सनट्रेटर सहयोग गरिएको छ ।
कोभिड–१९ संक्रमितहरुको उपचार तथा संक्रमण रोकथामको लागि वीरगंजस्थित रहेको नारायणी अस्पताललाई ४ थान र पकाहाँ मैनपुर स्वास्थ्य चौकीलाई १ थान अक्सिजन कन्सनट्रेटर सहयोग गरिएको दिव्य युवा क्लबका कार्यकारी निर्देशक रामाकान्त प्रसाद कुर्मीले जानकारी दिए ।
सो अक्सिजन कन्सनट्रेटर सोमबार एक कार्यक्रमको बिच संस्थाले नारायणी अस्पताललाई हस्तान्तरण गरेको छ ।
कार्यक्रमका प्रमुख अतिथी वीरगंज महानगरपालिकाका नगर प्रमुख विजय कुमार सरावगीले अक्सिजन कन्सनट्रेटर नारायणी अस्पतालका मेडिकल सुपरीटेण्डेन बिरेन्द्र राज प्रधानलाई हस्तान्तरण गरे ।
अक्सिजन कन्सनट्रेटर हस्तान्तरण गरेपछि कार्यक्रमलाई सम्बोधन गर्दै मेयर सरावगीले भारतसंग खुल्ला सिमाना जोडिएको पर्सा जिल्ला भएकोले कोभिड संक्रमणको उच्च जोजिममा रहेको वताउँदै वीरगंज महानगरपालिकाले कोभिड संक्रमणको रोकथाम गर्न पुर्ण रुपमा तयार रहेको वताए ।
पर्सा जिल्ला कोभिड १९ को संक्रमणको उच्च जोखिममा रहेकोले कोभिडको महामारीको समयमा अक्सिजन कन्सनट्रेटर धेरै नै सहयोग गर्ने नारायणी अस्पतालका मेडिकल सुपरीटेण्डेन प्रधानले बताए ।
मेडिकल सुपरीटेण्डेन प्रधानलको अध्यक्षतामा भएको कार्यक्रममा नारायणी अस्पतालका कोभिड संयोजक उदयनारायण सिंह, स्ट्याण्डर्ड चार्टर्ड बैंक वीरगंज शाखाका प्रबन्धक जयप्रकाश प्रसाद, दिब्य युवा क्लबका अध्यक्ष देवनाथ ठाकुर, पकाहाँ मैनपुर स्वास्थ्य चौकीका प्रमुख राजिव कुमार कर्ण लगायतको उपस्थिती रहेको थियो ।
बाराबाट नक्की नाेटकाे काराेबार गर्ने गिराेहका ५ जना पक्राउ
वीरगंज । बारा प्रहरीले एक हाेटलमा छापामारी गरी नेपाली नक्कली नाेटसहित ५ जनालाई पक्राउ गरेकाे छ ।
प्रहरी रौतहट गुजरा नगरपालिका वडा नं.३ बलुवा टोल बस्ने वर्ष २४ को सुनिल कुमार राम, साेही ठाउँमा वर्ष ३६ को रबिन्द्र कुमार चौधरी, बाराकाे करैयामाई गाउँपालिका वडा न. ५ बस्ने वर्ष ३६ को बिशेश्वर प्रसाद चौधरी, कलैया उपमहानगरपालिकाकाे वडा नं.९ रामपुर टोल बस्ने वर्ष २४ को सागर शुक्ला र कलैया उपमहानगरपालिका वडा नं. ९ टेङरहर टोल घर भई हाल बारा कै बिश्रामपुर गाउँपालिका वडा नं. ५ ईटियाही टोल बस्ने वर्ष २५ को राजु कुशवाहालाई पक्राउ गरेकाे हाे ।
इलाका प्रहरी कार्यालय निजगढ बाराबाट खटिएको प्रहरी टोलीले शनिबार दिउँसो २ बजे निजगढ नगरपालिका वडा नं. ८ स्थित रहेको तारा ईन होटलमाबाट पांचै जनालाई नियन्त्रणमा लिएकाे जिल्ला प्रहरी कार्यालय बाराले जनाएकाे छ ।
हाेटलमा कोठा भाडा लिई केही दिनदेखी नेपाली नक्कली नोटहरुको कारोबार भइरहेको भन्ने प्राप्त विशेष सूचनाको आधारमा प्रहरीले उक्त होटलमा खानतलासी गर्दा नक्की नेरु एक सयकाे २५ थान बरामद भएकाे जिल्ला प्रहरी कार्यालय बाराका प्रहरी उपरिक्षक दिपेन्द्र साहीले वताए ।
उक्त होटलको लुम्बिनी कोठाभित्र प्रहरी प्रवेश गर्नसाथ सो कोठामा रहेका पक्राउ परेका व्यक्तिहरू भाग्न खोज्दा निजहरूलाई नियन्त्रणमा लिई खानतलासी गर्ने क्रममा निजहरूले झोलाभित्र लुकाई छिपाई राखेको अवस्थामा नक्कली ने.रू.१०००/- दरको २५ थान नोट फेला पारी निजहरूले प्रयोग गरेको सोही होटलमा पार्किङ गरेको बा ९१ प ७४३५ नं. को मो.सा. थान-१ र बा १४ च ९३८२ नं. को स्कारपियो गाडी थान-१ समेत बरामद भएकाे उनले जानकारी दिए ।
त्यसपछि सोधपुछ गर्दा निजहरू मध्येका सुनिल कुमार रामको घरमा नक्कली नोट बनाउने कागजातहरू लुकाइ छिपाई राखेको भन्ने जानकारी प्राप्त हुनासाथ सम्बन्धित इलाका प्रहरी कार्यालय बिजयपुर लक्ष्मीनिया रौतहटसँग समन्वय गरी तत्काल खानतलासी गर्दा नेरू एक सय दरको नोट अकारको प्रति गड्डी १०० थान भएको जम्मा ९३ गड्डी कागज, नेरु एक हजार दरको नोट थान-३९ र BR 05 Q 4610 नं. को सुपर स्पलेण्डर मोटरसाइकल थाना-१ र प्रदेश २-०३-००१प ४२६५ नं.को २२० CC पल्सर मोटरसाइकल थान-१ समेत बरामद गरिएको प्रहरी उपरिक्षक साहीले वताए ।
संकास्पद औषधि बोकेको ट्रक र चालक पक्राउ
वीरगंज । पर्सा प्रहरीले संकास्पद औषधी बाेकेकाे ट्रकसहित एक जनालाई पक्राउ गरेकाे छ ।
सूचना परिचालन तथा प्रहरी कारवाहीको सिलसिलामा प्रहरीले शनिबार राती ९:३० बजे वीरगञ्ज महानगरपालिकाकाे वडा नं.१६ नगवाबाट ना.३ ख १३३५ नम्बरको ट्रक नियन्त्रणमा लिएकाे हाे ।
जिल्ला प्रहरी कार्यालय पर्साबाट खटिएको प्रहरी टोलीले उक्त ट्रकलाई रोकी जाँच गर्दा ट्रकभित्र तेह्र लाख अड्चालिस हजार सात सय छयहत्तर बराबरको पाेलिबियन २५० एमएलकाे सिरफ ७८६ कार्टुन बरामद भएकाे प्रहरीले जनाएकाे छ ।
ट्रकमा रहेकाे औषधीकाे आयात गर्न आवश्यक पर्ने ईजाजत प्राप्त चिकित्सकको स्वीकृति पत्र लिएको नपाइएकोले उक्त ट्रक, औषधि र चालक वीरगञ्ज महानगरपालिका वडा नं.२ वस्ने वर्ष ३० को सरोज मियाँलाई पक्राउ गरिएकाे जिल्ला प्रहरी कार्यालय पर्साले जनाएकाे छ।
पक्राउ परेका ट्रक, औषधि र चालकलाई आवश्यक कारवाहीको लागि आइतबार औषधि व्यवस्था विभाग शाखा कार्यालय पर्सा वीरगञ्जमा पठाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।
स्राेत नखुलेकाे ५ लाखसहित वीरगंजका अंसारी पक्राउ
वीरगंज । प्रहरीले वीरगंजबाट हुन्डी काराेबार गरेकाे आराेपमा एक जनालाई पक्राउ गरेकाे छ । प्रहरी चाैकी इनार्वाबाट खटिएकाे प्रहरी टाेलीले वीरगंज महानगरपालिकाकाे वडा नं.२ बस्ने ४३ बर्षिय महमद आसिफ अंसारीलाई पक्राउ गरेकाे हाे ।
प्रहरी चौकी ईनर्वाबाट वीरगंज महानगरपालिकाकाे वडा नं. १६ शंकराचार्य गेटमा खटिएको नियमित चेकिङ टोलीले आइतबार विहान १०:३० बजे भारतबाट वीरगञ्जतर्फ आउँदै गरेको ना.२५ प ८७६२ नम्बरको डिस्कभर मोटरसाइकललाई रोकी जाँच गर्दा मोटरसाइकलमा सवार अंसारीकाे हेल्मेट भित्र श्रोत नखुलेको नेपाली रू ५ लाख बरामद भएकाे जिल्ला प्रहरी कार्यालय पर्साले जनाएकाे छ ।
मोटरसाइकलसहित अंसारीलाई नियन्त्रणमा लिई जिल्ला प्रहरी कार्यालय पर्सामा ल्याई बैंक तथा वित्तीय संस्था सम्बन्धी ऐन, २०७३ बिरूद्वको कसूरमा अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।
एपि खबरकाे बार्षिकाेत्समा ५१ जनाद्वारा रक्तदान
जीतपुर । बाराकाे जीतपुर सिमरा उपमहानगरपालिका वडा नं. ७ को जीतपुरमा आइतबार रक्तदान कार्यक्रम सम्पन्न भएकाे छ ।
स्वाती मिडिया प्रालिद्वारा संचालित एपी खबरको वार्षिकाेत्सवकाे अवसरमा भएकाे कार्यक्रममा ५१ जनाले रक्तदान गरेकाे रक्त संचार केन्द्र वीरगंजका प्राविधिक जितेन्द्र कुशवाहाले जानकारी दिए ।
कार्यक्रममा ईलाका प्रहरी कार्यालय जीतपुरकी मञ्जु पहाडी, मुकेश महतो, बिहार रेडियो स्रोता संघका फुलसरिफ अंसारी, ईलाका ट्राफिक प्रहरी कार्यालय जीतपुरका प्रहरी जवानहरु लगयतकाले रक्तदान गरेका थिए ।
स्वाती मिडिया प्रालीका अध्यक्ष अनिल तिवारीको अध्यक्षता र जीतपुर सिमरा उपमहानगरपालिकाकी नगर उपप्रमुख सरस्वती देवी चौधरीको प्रमुख आतिथ्यतामा भएकाे कार्यक्रममा नगर उद्योग वाणिज्य संघका अध्यक्ष संजय साह, स्थानिय समाजसेवि मनोज गुप्ता, शिवजी साह सोनार, युवा संघ नेपालका मनोज साह, अफताब आलम, सोहन शर्मा, सावित्री पिपले, मनिर अंसारी, नेपाल बिहार रेडियो स्रोत संघका जीतेन्द्र साह लगायको उपस्थिती रहेको थियो ।
रक्तदान कार्यक्रम रक्त संचार केन्द्र वीरगंजकाे प्राविधिक सहयाेगमा भएकाे थियाे ।












