आईसीसी महिला टी–ट्वान्टी विश्वकप एसिया छनोटको पहिलो खेलमा नेपाली महिला क्रिकेट टोलीले आज हङकङको सामना गर्दैछ । दुबईको आईसीसी क्रिकेट एकेडेमीमा नेपालले हङकङ विचको खेल सवा एघार बजे शुरु हुनेछ ।
- Advertisement -
नेपाल आज पहिलो खेलमा जित निकाल्दै प्रतियोगिताको सुखद सुरुवात गर्ने तयारीमा छ । हङकङपनि नेपाललाई स्तब्ध बनाउने योजनामा हुनेछ । पछिल्लो पटक नेपालले २०१९ मा भएको प्रतिस्पर्धामा नेपालले हङकङलाई चार विकेटले पराजित गरेको थियो ।
छनोटमा छ टोली सहभागी छन् । छनोटको विजेता टिमले विश्वकपको ग्लोबल छनोटमा स्थान बनाउने छन् । छनोट अन्तर्गत नै नेपालले मंगलबार भुटान, बिहीबार कुवेत, शुक्रबार मलेसिया र आइतबार युएइसँग प्रतिस्पर्धा गर्दैछ ।
