Date
मङ्ल, मंसिर १, २०८३
Tue, November 17, 2026
Home Blog Page 563

बारामा आगलगीबाट ६ घर–गोठ जलेर नष्ट

0

कलैया । बाराको सिम्रौनगढमा आज बिहान भएको आगलागीबाट छ घर–गोठ जलेर नष्ट भएका छन् । सिम्रौनगढ नगरपालिका–२ रानीवास बजारमा लागेको आगलागीबाट करिब रु १० लाख बराबरको क्षति भएको इलाका प्रहरी कार्यालय सिम्रौनगढका प्रहरी निरीक्षक सुरेन्द्र साहले जानकारी दिनुभयो ।

रामप्रित हाजराको घुरबाट सल्केको आगोले रामसुरत हाजरा, लालबाबु पासवान, राजेश पासवान, रमेश पासवान र गगनदेव पासवानको घर–गोठ जलेर नष्ट भएको वडाध्यक्ष अरबिन्द मुखियाले जानकारी दिनुभयो ।

आगोले नगद, अन्नपात, लत्ताकपडालगायत घरमा रहेका सामग्री पूर्णरूपमा जलेका छन् । बिहान ३ बजेदेखि लागेको आगो एक घण्टापछि प्रहरी र दमकलको सहयोगमा नियन्त्रणमा आएको थियो । रासस

हिन्दू धर्म संरक्षणका लागि सामूहिक हनुमान चालीसाकाे पाठ

0

वीरगंज । हिन्दू धर्म संस्कृतिको संरक्षणका लागि वीरगञ्जका युवाहरुले चिया पसल अगाडि सामूहिक हनुमान चालीसाको पाठ गरेका छन् ।

वीरगञ्जको केन्द्रमा रहेको महावीरस्थान मन्दिर छेउमा रहेको चिया पसल अगाडि मंगलबार बिहान सनातन धर्म प्रति आस्था राख्ने युवाहरूले सामूहिक हनुमान चालीसाको पाठ गरेका हुन् ।

मंगलबार भगवान हनुमानको लागि विशेष दिन रहेको मान्यता छ । त्यसैकारण मंगलबार बिहान स्वेच्छाले मन्दिर दर्शन गर्न पुगेका युवाहरूको समूहले सामूहिक हनुमान चालीसाको पाठ गरेको युवा समाजसेवी एवम् मानवसेवा आश्रमका प्रतिनिधि देवेश गुप्ताले बताए । 

युवाहरुले अब प्रत्येक मंगलबार यसैगरी नै हनुमान चालिसाको पाठ गर्ने योजना पनि बनाएको गुप्ताले जानकारी गराए । उनले भने, ‘आफ्नो धर्मप्रति सबै जागरुक हुन् भन्ने हाम्रो मुख्य उदेश्य हो, त्यसैले एउटा नौलो प्रयास स्वरूप यसरी जम्मा भएर हनुमान चालिसाको पाठ गर्न सुरु गरेका छौँ ।’

सातामा केहि घण्टा आफ्ना धर्मका लागि खर्च गर्दै साथीभाइसँग भेटघाटको राम्रो माध्यम रहेको अनुभूती भइरहेको पाठमा सहभागी रिसभ राज अग्रवालले बताए ।

हनुमान चालीसा पाठ गर्ने समूहमा श्याम सर्राफ, रिसभ अग्रवाल, बिक्की सर्राफ, ओमकुमार झा, सौर्या सर्राफलगायत विभिन्न संघ संस्थाका युवाहरूको सहभागीता रहेको थियो ।

अतिक्रमण हटाउन वीरगंजका मेयर आफैं पुगे

0

वीरगंज । वीरगंज महानगरपालिकाले मंगलबार २ कट्ठा १० धुर अतिक्रमित जग्गा आफ्नो अधिनमा ल्याएको छ । महानगरपालिकाको वडा नम्बर २४ हुलाकी राजमार्गमा पर्ने सिर्सिया पुल नजिक रहेको अतिक्रमित २ कट्ठा १० धुर जग्गा आफ्नो अधिनमा ल्याएको  हो ।

केही व्यक्तिले वर्षौंदेखि जग्गा अतिक्रमण गरेर व्यक्तिगत प्रयोग गरिरहेको जानकारी पाए लगत्तै नक्सा सहित पुगेको महानगरको टोलीले नापी गरेर सार्वजनिक जग्गा आफ्नो अधिनमा ल्याएको हो ।

सार्वजनिक तथा ऐलानी जग्गा अतिक्रण गरी निजी प्रयोजनमा प्रयोग गर्दै आएको जग्गा खोजी गर्न महानगरको टोलीले अहिले अभियान नै चलाएको छ ।

मंगलबार अतिक्रमण हटाउन महानगर प्रमुख राजेशमान सिंह आफै पुगेका थिए ।

उनले महानगरको ३२ वटै वडामा सार्वजनिक तथा ऐलानी जग्गा खोजी अभियान चलाइएको बताउँदै कहीँकतै अतिक्रमण भएको सूचना भए आफूलाई जानकारी दिन पनि आग्रह गरे ।

आफूहरु सार्वजनिक जग्गा संरक्षणमा कटिबद्ध भएर लागेको भन्दै यसमा सबैको सहयोग जरुरी रहेको वताए । महानगरले गएको फागुनमा मात्रै वडा नम्बर १९ मा करिब १६ विघा जग्गा अतिक्रमण मुक्त गराएको थियो ।

हरेक वडामा रहेका सार्वजनिक जग्गा तथा सम्पत्तिको अभिलेखिकरण गरेर राख्न र आवश्यकता अनुसार प्रयोग गर्न महानगरले यस्तो खोजी अभियान अघि बढाएको महानगरपालिकाका प्रमुख प्रशासकीय अधिकृत लक्ष्मी प्रसाद पौडेलले बताए ।

सञ्चारमाध्यमको समस्या सम्बोधन गर्न माग

0

वीरगंज । नेपाल पत्रकार महासङ्घ मधेस प्रदेश समिति, सामुदायिक रेडियो प्रसारक सङ्घ र टेलिभिजन प्रसारक सङ्घले मधेस प्रदेश सरकारलाई ज्ञापनपत्र बुझाएका छन् ।

मधेस प्रदेश सरकारका सञ्चारसम्बद्ध निकायलाई पूर्णरूपमा स्वायत र अधिकारसम्पन्न बनाउनुपर्ने, विपद्बाट आइपर्ने समस्यासँग जुध्न प्रदेश सरकारले सञ्चारमाध्यमका लागि छुट्टै विपद् व्यवस्थापन कोषको स्थापना गर्नुपर्ने लगायतका मागसहित संयुक्तरूपमा प्रदेश सरकारका मुख्यमन्त्री, अर्थमन्त्री र गृह तथा सञ्चारमन्त्रीलाई ज्ञापनपत्र बुझाएका हुन् ।

नेपाल पत्रकार महासङ्घ मधेस प्रदेशका अध्यक्ष राजेश कर्ण, सामुदायिक रेडियो प्रसारक सङ्घ मधेस प्रदेशका अध्यक्ष मनोज यादव र टेलिभिजन प्रसारक सङ्घ मधेस प्रदेशका अध्यक्ष विष्णु कुँवरद्वारा हस्ताक्षरित ज्ञापनपत्रमा गत वर्ष लोक कल्याणकारी विज्ञापन प्रकाशन तथा प्रसारण गरेका सञ्चारमाध्यमको बक्यौता रकमको भुक्तानी अविलम्ब उपलब्ध गराउन माग गरिएको छ ।

प्रदेश सरकारका मुख्यमन्त्री सरोजकुमार यादव, अर्थमन्त्री सञ्जयकुमार यादव र गृह तथा सञ्चारमन्त्री शत्रुधनप्रसाद सिंहलाई बुझाइएको ज्ञापनपत्रमा लोक कल्याणकारी विज्ञापनलाई हरेक वर्ष निरन्तरता दिनुपर्ने, हरेक आर्थिक वर्षको पहिलो महिना (साउन)देखि नै प्रकाशन तथा प्रसारणको हुने गरी व्यवस्था मिलाउनुपर्ने र सोको भुक्तानी सोही महिनाको मसान्तमा हुने व्यवस्था गर्नुपर्ने उल्लेख छ ।

गत वर्षदेखि सुरु भएको पत्रकार स्वास्थ्य बीमा योजनालाई निरन्तरता दिनुपर्ने, झन्डै दुई हजारलाई रोजगारी सिर्जना गरेको मधेस प्रदेशका सञ्चारमाध्यमको सवलीकरण तथा सशक्तीकरणका लागि विषेश योजना लागू गर्नुपर्ने, मधेश सरकारको नीति कार्यक्रम अन्तर्गत परेका विज्ञापनको अनिवार्य स्थानीयकरण गराउन विषेश पहल गर्नुपर्ने, मधेस सरकारको नीति कार्यक्रमअन्तर्गत परेका रेडियोहरूको नेटवर्किङमार्फत प्रसारणको यथाशीघ्र पहल गर्नुपर्ने माग ज्ञापनपत्रमा गरिएको छ । रासस

कालिकामाईमा प्रहरीकाे छापा, १० किलाे चरेश सहित कुर्मी पक्राउ

0

वीरगंज । लागु औषध चरेश सहित एक जनालाई प्रहरीले पक्राउ गरेकाे छ । कालिकामाई गाउँपालिका वडा नं. १ मुडलीमा प्रहरीले छापमारी गरी एक जनालाई पक्राउ गरेकाे हाे ।

 इलाका प्रहरी कार्यालय पाेखरियाबाट प्रहरी निरिक्षक माेहन बिक्रम केसीकाे कमाण्डमा खटिएकाे प्रहरी टाेलीले पर्साकाे कालिकामाई गाउँपालिका वडा नं.१ तिनडाेबिया निवासी ३८ बर्षिय बृजेश प्रसाद कुर्मीलाई पक्राउ गरेकाे प्रहरीले जनाएकाे छ ।

कुर्मीले आफ्नै घरमा लागु औषध चरेश लुकाइ छिपाइ राखेका छन् भन्ने बिशेष सुचनाको आधारमा खटिएको प्रहरी टोलीले साेमबार विहान ०२:३० बजेको समयमा कानूनी रीतपुर्‍याइ निजको घरकोठा खानतलासी गर्दा लागु औषध चरेश ९ केजी ८०० ग्राम बरामद भएकाे जिल्ला प्रहरी कार्यालय पर्साले जनाएकाे छ ।

सो घरको अगाडि बरण्डामा खाटमुनी पहेलो र कालो प्लाष्टिकले बेरिएको ५०० ग्रामको २० पोका गरी जम्मा ९ के.जी. ८०० ग्राम लागु औषध चरेश बरामद भएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले जानकारी दिए । बरामद लागु औषध र घर धनी कुर्मीलाई नियन्त्रणमा लिई पर्सा जिल्ला अदालतबाट ४ दिनकाे म्याद थप अनुमति लिई थप अनुसन्धान भइरहेकाे उनले वताए  ।     

‘चिकेन स्टेसन’लाई कारबाही गर्न मधेशी आयोगकाे पत्राचार

0
 

वीरगंज । मधेसी आयोगले गाईको मासु बेच्ने वीरगंजकाे चिकेन स्टेसनलाई कारबाही गर्न गृह मन्त्रालयलाई पत्र पठाएको छ । 

हिन्दू परिषद् नेपालका केन्द्रीय सदस्य अरुण झाले सञ्चालन गरेको चिकेन स्टेसनले रमदानको अवसरमा गाईको मासुको परिकारमा विशेष छुटसम्बन्धी सामाजिक सञ्जालमार्फत प्रचार गरेपछि विभिन्न हिन्दू संघसंगठनले मधेसी आयोगमा राष्ट्रिय जनावर गाईको मासु बेच्ने चिकेन स्टेसनलाई कारबाही गर्नका लागि उजुरी दिएका थिए । 

उजुरीका आधार चिकेन स्टेसनलाई कारबाही गर्न पत्राचार गरेको आयोगका अध्यक्ष डा. विजयकुमार दत्तले जानकारी दिए ।

भुलवस आपत्ती जनक समाग्री प्रसारित भएको भन्दै चिकेन स्टेशनद्वारा क्षमायाचना 

चिकेन स्टेशनले आफ्नो समाजिक सञ्जालमा भुलवस आपत्ती जनक समाग्री प्रकाशित भएको भन्दै क्षमायाचना गरेको छ । स्टेशनका संचालक अरुण झाले आइतवार वीरगंजमा पत्रकार सम्मेलनको आयोजना गरी बिज्ञापन गर्ने क्रममा कर्मचारीको लापरवाहीका कारण आपत्ती जनक समाग्री प्रसारित भएको बताउँदै हाम्रो संस्था धर्म, सस्कृतिप्रति प्रतिब्ध रहेको बताए ।

नेपाल पत्रकार महासंघ पर्साको सभाहलमा आयोजना गरिएको पत्रकार सम्मेलनमा चिकेन स्टेशनले सकहारी र मान्सहारी ग्राहकको लागि छुट्टा–छुट्टै भन्साबाट सेवा प्रदान गरी रहेको झाले बताए । पत्रकारहरुको प्रश्नको जवाफ दिदै संचालक झाले बाहिर हल्ला भए अनुसार हामी सोच्नै नसक्ने दावी गरे । प्रचार–प्रसारको लागि गरिएको पोष्टमा आपत्ती जनक समाग्री प्रकाशित भएपछि त्यसको केही मिनेटमै समाग्री सच्याएको तथा चिकेन स्टेशनले आफ्नो अफिसिएल पेजबाटै क्षमायाचना समेत गरिएको पत्रकार सम्मेलनमा झाले बताए ।

पत्रकार सम्मेलनमा झाले बुलवस भएको त्रटीलाई माफ गरी दिन आम ग्राहकवर्ग एवं सम्बन्धित सबै पक्षलाई अनुरोध गरे । उनले भबिष्य यस्तो गल्ती फेरी नदोहरिने समेत दावी गरे ।

पत्रकार सम्मेलनमा वितरण गरिएको प्रेस नोटमा कसैलाई सो सम्बन्धि कुनै आशंका लागेको खण्डमा स्टेशनमै आएर परिक्षण सकिने उल्लेख गरिएको छ । स्टेशन हिन्दु धर्मको मर्यादा प्रति सजक र सचेत रहेको झाद्वारा हस्ताक्षरित प्रेस नोटमा उल्लेख गरिएको छ ।

गुठी संस्थानको ५२ बिगहा जग्गामा माटो उत्खनन

0

वीरगंज । गुठी संस्थानको ५२ बिगहा जग्गामा अवैध माटो उत्खनन र ठेक्काको दुरुपयोग गर्नेमाथी कडा भन्दा कडा कारवाही गर्ने गुठी संस्थान वीरगंजले जनाएको छ । आइतबार वीरगंज महानगरपालिकाले अनुमति वेगर माटो उत्खनन गर्ने स्काभेटरसहित ४ वटा टिपर नियन्त्रणमा लिएको थियो । अवैध उत्खनन गरेको जग्गा गुठी संस्थान को हो ।

गुठी संस्थान वीरगंजका प्रमुख चुडामणि घिमिरे र वीरगंज महानगरपालिका कार्यालयका पदाधिकारीहरुले अबैध उत्खनन भैरहेको जग्गाको सोमबार स्थलगत निरीक्षण गरेका छन् । वीरगंज महानगरपालिकाकाे वडा नम्बर २८ साविक बगही गाविस वडा न ९ दर्दवास्थित गुठीको सार्वजनिक जग्गामा करिब २ महिनाभन्दा अघिदेखि अवैध रुपमा उत्खनन गर्दै आएको स्थानीयले बताए ।

दर्दवास्थित नदिको छेउबाट निरन्तर रुपमा उत्खनन भइरहेको हुँदा यसले भविष्यमा पुरै गाउँनै जोखिममा परेकाे स्थानीय रामाज्ञा राउतले बताए ।

अर्को स्थानीय रामाधार प्रसाद पटेलले साविक एलानी पर्ती र गुठी को करीब ५२ बिगहा जग्गामा छठ घाट, श्मशान घाट, गौचन रहेको र अहिले गुठी संस्थानले सो जग्गा बाली लगाउन ठेक्कामा दिएकोमा आफू खुशी माटो कटान गरि प्रती टिपर १ हजारमा दैनिक २ सय टिपर माटो खनन करीव २ महिना देखि गरिरहेको बताउन्छ्न ।

गुठी संस्थान वीरगंजका कार्यालय प्रमुख चुडामणि घिमिरेले खेती गर्न ठेक्कामा लिएको जग्गाको दुरुपयोग भएको बताउँछन् । उनले करीब ५२ बिगहा जग्गा गुठीको रहेको जसमा माटो कटान गरि गाउँ नै डुवानमा हुने देखिन्छ त्यसैले कडा भन्दा कडा कारवाही गरिने बताए ।

नगर प्रहरी निरीक्षक हरिप्रसाद भुषालकाअनुसार ना ८ ख ४१२५, ना ७ ख ६५९७, ना ७ ख ६६०३ र ना ८ ख५४०३ नम्बरको टिपर र बा २ ख ६२३३ नम्बरको स्काभेटर महानगरले नियन्त्रणमा लिएर वीरगंजकाे आदर्शनगरस्थित बालमन्दिरको परिसरमा राखेको छ ।

सात दिनभित्र सवारी अनुमति पत्र दिने कार्ययोजना बन्दै

0

काठमाडौँ । उपप्रधान एवं भौतिक पूर्वाधार तथा यातायातमन्त्री नारायणकाजी श्रेष्ठले नागरिकलाई सात दिनभित्र सवारी चालक अनुमतिपत्र प्रदान गर्ने तयारी गरिएको बताउनुभएको छ ।

आफूले मन्त्रालय सम्हालेको तीन महिना नाघेका सन्दर्भमा आज आयोजित पत्रकार सम्मेलनमा उहाँले अबको आठ महिनापछि तीनदेखि सात दिनभित्र सवारी चालक अनुमतिपत्र दिने कार्ययोजना निर्माण गरिरहेको जानकारी दिनुभयो ।

हाल सेवाग्राहीले सवारी चालक अनुमतिपत्र लिन झन्डै एक वर्ष कुर्नुपर्छ । मागअनुसार चालक अनुमतिपत्र छाप्न नसक्दा वितरणमा समस्या भएको उहाँको भनाइ छ । अहिले दैनिक छ हजार चालक अनुमतिपत्रको माग छ । तर दैनिक चार हजार अनुमतिपत्र मात्र छपाइ हुँदै आएको छ । अझै आठ लाख अनुमतिपत्र छाप्न बाँकी रहेको यातायात व्यवस्था विभागले जनाएको छ ।

सवारी अनुमतिपत्र वितरण सहज बनाउन सरकारले अर्को ‘मास प्रिन्टर’ खरिद गर्ने तयारी गरेको छ । “अब हामी छिट्टै मास प्रिन्टर खरिद गर्ने तयारीमा छौँ, बोलपत्र आह्वान भइसकेको छ”, उपप्रधानमन्त्री श्रेष्ठले भन्नुभयो, “आठ महिनापछि तीनदेखि सात दिनभित्र सवारी अनुमतिपत्र प्राप्त गर्ने वातावरण बनाउन हामी प्रतिबद्ध छौँ, आठ महिनामा लाइसेन्स छपाइको सम्पूर्ण समस्या समाधान हुन्छ ।” सम्बन्धित प्रदेशमा चालक अनुमतिपत्रको मागअनुसार प्रिन्टर खरिद गर्न प्रदेश सरकारसँग पनि छलफल गरिरहेको उहाँको भनाइ छ ।

अहिले बागमती र लुम्बिनी प्रदेशमा चालक अनुमतिपत्रको माग उच्च छ । “मागअनुसार लाइसेन्स उपलब्ध गराउन नसकी सेवाग्राहीले भोगेको सास्ती, कठिनाइ दृष्टिगत गरी छपाइसँग सम्बन्धित स्मार्ट कार्ड, प्रिन्टर खरिद प्रक्रियाको कार्यायोजना मन्त्रालयले अगाडि बढाएको छ”, मन्त्री श्रेष्ठले भन्नुभयो । बाह्र लाख स्मार्ट कार्ड आपूर्तिका लागि अन्तर्राष्ट्रिय बोलपत्रमार्फत छनोट भएको जर्मनीको कम्पनीसँग गत फागुन १० गते सम्झौता भई शीघ्र आपूर्तिको पहल भइरहेको उहाँले जानकारी दिनुभयो ।

विभागले सवारी अनुमपतिपत्र छपाइमा देखापरेको समस्याको स्थायी समाधान नभएसम्म विदेश जाने कामदार, विद्यार्थी, शान्ति मिसनमा जाने सेना, प्रहरी र कूटनीतिज्ञलाई अनलाइन निवेदन दिएको तेस्रो दिनभित्र स्मार्ट कार्ड छपाइ गरी उपलब्ध गराउँदै आएको छ ।

इम्बोस्ड नम्बर नेपालीमा

उपप्रधानमन्त्री श्रेष्ठले इम्बोस्ड नम्बर नेपालीमा राख्ने योजना बनाइरहेको बताउनुभयो । “इम्बोस्ड अङ्ग्रेजी भाषामा छ, यो नेपाली भाषामा पनि राख्नुपर्छ भनेर बहस भइरहेको छ”, उहाँले भन्नुभयो, “मन्त्रालयले इम्बोस्ड नम्बरलाई नेपाली राख्ने योजना अगाडि बढाइएको छ ।”

इम्बोस्ड नम्बर ‘रिड’ गर्न दुई स्थानमा ‘गेट’ निर्माण गरिने छ । उक्त नम्बर जडान गर्दा लाग्ने शुल्क पनि कम गर्ने तयारी गरिएको उपप्रधानमन्त्री श्रेष्ठको भनाइ छ । “नम्बर जडान गर्दा लाग्ने शुल्क केकति उपभोक्ताबाट लिने भन्नेबारेमा छलफल भइरहेको छ”, उहाँले भन्नुभयो । रासस

नेत्रज्योति संघद्वारा निशुल्क आँखा शिविर सम्पन्न

0
वीरगंज । नेपाल नेत्रज्योति संघ पर्सा शाखाको आयोजनामा साेमबार वीरगंजमा नि:शुल्क आँखा जाँच शिविर सम्पन्न भएको छ ।
वीरगंजकाे माइस्थान मन्दिर परिसरमा भएको शिविरकाे उद्घाटन संघका केन्द्रिय वरिष्ठ उपाध्यक्ष श्याम कुमार पोखरेलले आफ्नो आँखा जाँच गराइ गरेका थिए ।
 
कार्यक्रमका प्रमुख अतिथी समेत रहेका उपाध्यक्ष पाेखरेलले वीरगंज महानगरपालिकाको वार्ड र ग्रामिण भेग तर्फ पनि आँखाको परिक्षण गराउनु पर्ने र सो वारे आवश्यक पहल भइरहेको वताए ।
 
नेपाल नेत्रज्योती संघ पर्साका सभापति भगवती चौधरीको अध्यक्षतामा भएकाे कार्यक्रममा पत्रकार, मन्दिरका पुजारी, जेष्ठ नागरिक, प्रहरी, सर्वसाधारण गरि ४५ जन्नाले आफ्नो आँखा जाँच गराएकाे संघ पर्साका कार्यसमिती सदस्य राजन श्रीवास्तवले जानकारी दिए ।
 
केडिया आँखा अस्पतालका चिकित्सक डा. रासदेव साह र अन्जली चौधरीले आँखा जाँच गर्नुकाे साथै आवश्यकता अनुसारकाे औषधि समेत वितरण गरेकाे उनले वताए ।
 
शिविर उद्घाटन कार्यक्रममा संघका निवर्तमान सभापति मधु राणा, उपाध्यक्ष मदन गुप्ता, गणेश प्रसाद साह, महन्थ प्रसाद यादव, फुलमहम्मद मियाँ, समिता दास, सन्तोष ज्यासवाल लगायतको उपस्थिति रहेकाे थियाे भने कार्यक्रमकाे संचालन सहसचिव उमेश गुप्ताले गरेका थिए ।

रोजगारी सुनिश्चितताको माग गर्दै आईसिपिका कर्मचारीहरु आन्दोलनमा

0

वीरगंज । वीरगंज स्थित एकीकृत सुरक्षा जाँच चौकी (आई.सि.पि.) का कर्मचारीहरु विभिन्न ३ बुंदे माग गर्दै आन्दोलनमा उत्रेका छन् । एकिकृत जाँच चौकी संचालनको जिम्मा कैलाश टर्मिनल्सले पाएपछि त्यहाँ कार्यरत कर्मचारीहरु बिचल्लीमा परेको भन्दै रोजगारी सुनिश्चितताको माग गर्दै आइतबारदेखि आन्दोलनमा उत्रेका हुन् ।

नेपाल इन्टरमोडेल यातायात विकास समितिले आई.सि.पि. संचालन गर्दै आएकोमा हाल आएर नेपाल सरकारले कैलाश टर्मिनल्सलाई आई.सि.पि. संचालनको जिम्मा दिएपछि कर्मचारी खाईपाई गर्दै आएको सेवा सुविधा सहित रोजगारीको सुनिश्चितताको माग गर्दै आन्दोलनमा उत्रेका हुन् ।

उनीहरुका अनुसार नेपाल इन्टरमोडल यातायात विकास समितिबाट पाउँदै आएको प्रति वर्षको १ महिना बराबरको सेवा सुविधा उपलब्ध गराइनु पर्ने, ठेक्का लिएको कैलाश टर्मिनल्ससँग खाइपाई आएको तलब सहित रोजगारीको सुनिश्चिता गर्नुपर्ने र पहिलो चरणमा नै करार सम्झौता १ वर्षको व्यवस्था हुनुपर्ने उनीहरुको माग छ ।

समिति र टर्मिानल व्यवस्थापक कम्पनीबीच करार सम्झौता गर्दा अन्य शर्तहरु झै एकिकृत जाँच चौकी वीरगंजमा कार्यरत सम्पुर्ण कर्मचारीहरुलाई रोजगारी सुरक्षाको व्यवस्था हुनुपर्ने उनीहरुको माग छ । आफूहरुको माग पुरा नभएसम्म काममा नफिर्किने यसबाट हुने क्षतिको जिम्मेवार स्वयम नेपाल सरकार नै हुने उनीहरुको भनाई छ । उनीहरुका अनुसार आईसिपी संचालनदेखि नै काम गर्दै आएकोले अब रोजगारी गुमे अलपत्र हुने चिन्ताले सताएको बताए ।

वीरगंज पथलैया औद्योगिक कोरिडोरको कच्चा पदार्थ पनि यही नाका हुँदै जाने गरेको कारण आन्दोलनले उद्योगहरु प्रभावित भएको छ, यसमा सम्बन्धित निकाय नै दोषी छ, छिटो भन्दा छिटो हाम्रो माग पुरा गरे अहिलेदेखि नै काममा फर्किने उनीहरुको भनाई छ । आन्दोलन गर्नु हाम्रो बाध्यता हो, सरकार हामी कर्मचारीहरुको भविष्यसँग खेलवाड गर्न खोजेकोले बाध्य भई काम कार्यवाही बन्द गरिएको छ, चाँडो भन्दा चाँडो माग पुरा भए काममा फर्किने उनीहरुको भनाई छ ।

आईसिपि संचालनदेखि नै यसलाई लक्ष्य बनाई काम गर्दै आएको र लक्ष्य भन्दा पनि बढि आम्दनी भएको अवस्थामा यस सँस्थाले हाम्रो भविष्य सुनिश्चित गर्न नसकेको कारण बाध्य भएर आन्दोलनमा उत्रनु परेको उनीहरुको भनाई छ । एकीकृत सुरक्षा जाँच चौकी (आइसिपी) संचालनका ५ कम्पनीले आशयपत्र दर्ता गराएका थिए । ति मध्ये कैलाश जेभीले ५ वर्षका लागि १ अर्ब ८० करोड ९० लाख १ हजार २ सय रुपैयामा आइसिपी सन्चालनको ठेक्का पाएको हो । जसमा ६० प्रतिशत प्राविधिक र ४० प्रतिशत वित्तिय पक्ष रहेको छ ।

आइसिपीमा ३२ जना अस्थायी कर्मचारी, १० जना माली र १० स्वपरमा कार्यरत छन् । यसका साथै आइसिपीको आन्तरिक सुरक्षाको जिम्मेवारी गोर्खा सेक्युरिटीले हेर्दै आएको थियो । ‘लेबर’ को लागि दैनिक ज्यालादारीको रुपमा १ सय जनाको तिन वटा ठेक्केदारहरुको समूह काम गर्दै आएको छ । यहाँ कार्यरत अधिकांश कर्मचारीहरु स्थानीय रहेका छन । आइसिपीको जग्गा अधिग्रहणको समयमा आईसिपी सञ्चालनमा आएपछि स्थानीयलाई पहिलो प्राथमिकता दिने शर्तमा जग्गा अधिग्रहण गरिएको थियो ।

आइसिपी संचालनको जिम्मेवारी सरकारले ठेक्कामा दिएपछि त्यहाँ कार्यरत सबै कर्मचरीहरु बिच्चलीमा परेका हुन् । समितिको स्वामित्वमा वीरगन्ज र विराटनगरमा २ वटा आइसिपी, भैरहवा, काँकडभिट्टा, तातोपानी, चोभार र सिर्सियामा गरि ५ वटा सुक्खा बन्दरगाह रहेका छन् ।

आइसिपी वीरगन्ज र चोभार सुक्खा बन्दरगाह समितिले आफै संचालन गर्दै आएको थियो । तर अब आइसिपी ठेक्कामा लगेपछि चोभार सुक्खा बन्दरगाह मात्र समितिले संचालन गर्नेछ । चोभार सुक्खा बन्दरगाह पनि निकट भविष्यमै निजी क्षेत्रलाई संचालनको जिम्मा दिने गृहकार्य भइरहेको बताइएको छ ।