वीरगंज । मधेश प्रदेशको अधिकारिक बिक्रेता नारायणी अटोकर्प प्रा.ली.ले डोंगफेंग इलेक्ट्रिक (ईभी) भ्यानको अग्रिम बुकिङ खुलाएको छ । मधेश प्रदेशको जुनसुकै शहरबाट बूकींग गर्न सकिने बारे नारायणी अटोकर्पका सञ्चालक रजत बजाजले बताए ।

उनका अनुसार नेपालमा त्रिवेणी ग्रुप अन्तर्गत त्रिवेणी मोटरकर्पद्वारा आयात गरिएको डोंगफेंग (ईभी) चीनका शीर्ष तीन कार निर्माताहरू मध्ये एक हो र यो विश्वव्यापी रूपमा ५० देशमा सञ्चालनमा छ । नारायणी अटोकर्पले अहिले ११ सिट र १४ सिट डोंगफेंग इलेक्ट्रिक यात्री भ्यानहरू साथै ४.५ र ५.३ घन मिटर कार्गो भ्यानहरू बिक्री र वितरण गर्ने बारे अर्का संचालक रवि केयालले बताए ।

उनका अनुसार ११ सिटको ईभी माइक्रोमा ५० किलोवाट मोटर र ४२ किलोवाट घण्टा लिथियम-आयन ब्याट्री छ जसले पूर्ण चार्जमा ३०० किलोमिटरको रेन्ज दिन्छ । यसैगरी, १४ सिटको ईभी माइक्रोमा ८० किलोवाट मोटर छ र यसको ५० किलोवाट घण्टा लिथियम-आयन ब्याट्रीले पूर्ण चार्जमा ३०० किलोमिटरको रेन्ज दिन्छ । सबै डोंगफेंग इलेक्ट्रिक भ्यानहरू क्याट ब्याट्रीहरूसंग फिट छन् ।

डोंगफेंगका सवारीसाधनहरू उच्च प्रदर्शन, वातावरणमैत्री र कम सञ्चालन खर्चका लागि विश्वभरि प्रसिद्ध छन् । यी भ्यानहरूले व्यवसायिक उद्देश्यका साथै व्यक्तिगत यात्राका लागि पनि उपयुक्त रहेकाे जनाइएकाे छ । नारायणी अटोकर्पका अनुसार, यी इलेक्ट्रिक भ्यानहरूको मर्मत खर्च पनि कम हुनेछ, जसले गर्दा प्रयोगकर्ताहरूलाई दीर्घकालीन लाभ हुने कम्पनीकाे भनाई छ ।

अग्रिम बुकिङ गर्ने ग्राहकहरूलाई विशेष छुट र अफरहरू पनि उपलब्ध गराइने नारायणी अटोकर्पले जनाएको छ । साथै, मधेश प्रदेशमा ग्राहकहरूको सुविधाका लागि परीक्षण ड्राइभको व्यवस्था समेत गरिनेछ । यो नयाँ सुरुवातले मधेश प्रदेशका बासिन्दाहरूलाई आधुनिक र वातावरणमैत्री यातायातका साधनहरू उपलब्ध गराउने लक्ष्य राखेको अर्का संचालक जयन्त चौधरीले बताए ।

वीरगंज । स्वास्थ्य तथा जनसङ्ख्या मन्त्री प्रदीप यादवले अदालतबाट फैसला भएको २४ घण्टाभित्र उपेन्द्र यादवको दम्भको पत्ता साफ हुने बताएका छन् ।

बुधवार झापामा जनता समाजवादी पार्टीले (जसपा) जिल्ला कार्यसमिति झापाद्वारा आयोजित झापा जिल्ला भेला तथा रूपान्तरण कार्यक्रमलाई सम्बोधन गर्दै मन्त्री यादवले सङ्घीयताका विषयमा उपेन्द्र यादवले खुलेर बोल्न नसकेको र कार्यकर्ताहरूसँग योजना माग्दा कमिसन बिना काम नगरेको हुँदा उनलाई आफूहरू छोड्न बाध्य भएको बताए ।

उपेन्द्र यादवले कार्यकर्तामाथि गरेको पीडा आफूले बुझेको बताउँदै जसपाका उपमहासचिव समेत रहेका मन्त्री यादवले भने, ‘यो दम्भ सधैँका लागि नासिएर जान्छ ।’ उनले थपे, ‘उपेन्द्रजीले हामीलाई १७ वर्षसम्म झुक्क्याएर राख्नुभयो । प्रत्येक निर्णयहरू एकलौटी रूपमा लिँदै हाम्रो भवनमा ठेस पुर्‍याइरहनुभयो । असह्य भएपछि हामीले उहाँलाई छाडेका हौँ ।’

मन्त्री यादवका अनुसार उपेन्द्र यादवले देशभरमा निर्वाचित जनप्रतिनिधिहरूसँग कमिसन माग्ने, आफ्नो नियन्त्रणमा राखेर पुतली जस्तो नचाउँदै मानसिक रूपमा दुर्व्यवहार गर्नुहुन्थ्यो । ‘वीरगंजका वर्तमान मेयरदेखि पूर्व मुख्यमन्त्रीसम्मबाट उपेन्द्रजीले कमिसन लिएको मसँग प्रमाण छ । समय आए सार्वजनिक गर्छु,’ उनले थपे ।

अशोक राईको शालीन व्यवहारप्रति आफूहरू आकर्षित भएर उहाँको नेतृत्वमा पार्टी गठन गरेको मन्त्री यादवले बताउँदै भने, ‘अशोक राईजीको शालीन व्यक्तित्व, सङ्घीयता स्थापनाका लागि उहाँको योगदान र विभेदमा परिएकाहरू अधिकार प्राप्तिका लागि उहाँ सङ्घर्षबाट हामीहरू आकर्षित भएर उहाँको नेतृत्वमा पार्टी गठन गरेका हौँ । म विश्वस्त छु उहाँले उपेन्द्रजी जस्तो पदको दुरुपयोग गरेर मुद्दासँग धोका गर्दै राष्ट्रलाई क्षति पुर्‍याउने काम गर्नु हुँदैन ।’

त्यस्तै कार्यक्रमलाई सम्बोधन गर्नुहुँदै जसपाका नेता रणधोज कन्दङवाले सङ्घीयता भित्रको पहिचान झुन्ड झुन्डबाट प्राप्त नहुने बताउँदै उपेन्द्र यादवको भरमा परेर पीडित नबन्न सबैलाई आह्वान गरे । त्यसैगरी जसपा नेता आङ् काजी शेर्पाले जनजाती र मधेस मुद्दा एउटै भएको बताए ।

रूपान्तरण अभियानका अध्यक्ष दिपेनवाला राईको सभापतित्वमा भएको कार्यक्रमलाई राजनीतिक समितिका सदस्य रमेश राई, आरसी तुम्सा, प्रदेश सभा सदस्य निर्मला तावालगायतले सम्बोधन गरेका थिए ।

कार्यक्रमले रूपान्तरणअन्तर्गत झापा जिल्लाको नयाँ कार्यसमिति समेत चयन गरेको छ । जिल्ला कार्यसमितिको अध्यक्षमा समर राई, उपाध्यक्षमा सन्तोष गणेश, ज्ञानेन्द्र कुरुम्बाङ, सचिवमा रोम घिमिरे, उपसचिवमा लक्ष्मी सुब्बा, चिजा राई, कोषाध्यक्षमा गीता राई रहनुभएको छ भने सदस्यहरूमा हर्क खालिङ, उदय गुरुङ, रमन राजवंशी, बालकुमार भुजेल, वासुदेव राई, पल्टन ताजपुरीया, विष्णु महतो, सुदिप थुलुङ, प्रेम थुलुङ, चित्रबहादुर राई, राजेश देवान, साम मोहम्मद मियाँ, अमला राई, पूर्णकुमारी मगर राई लगायत रहेका छन् ।