वीरगंज । मानवसेवा आश्रम वीरगञ्ज शाखाले आइतबार दिउँसो बारा जिल्लाको नौतन चोकबाट मानसिक अवस्था कमजोर भएका अन्दाजी ४५ वर्षीय ठाकुरजी नाम बताउने पुरुषलाई उद्धार गरी आश्रममा सुरक्षित राखेको छ ।
उद्धारपछि उनलाई आश्रममा सरसफाई तथा नुहाइ–धुहाइ गराई डाक्टर भरत गोईज्यूको निगरानीमा औषधि उपचारको व्यवस्था मिलाइएको छ ।
उद्धारकार्यमा मानवसेवा आश्रम वीरगञ्जका संस्थापक देवेश गुप्ता, सामाजिक अभियन्ता प्रकाश थारु, इलाका प्रहरी कार्यालय प्रसाैनीका प्रहरी निरिक्षक टुपेन्द्र श्रेष्ठ, नगर प्रहरीका समसुलमिया धोबी लगायत स्थानीय व्यक्तित्वहरूको सक्रिय सहभागिता रहेको थियो।
मानवसेवा आश्रम वीरगञ्ज शाखाले समाजमा मानवता र सहायताको सन्देश फैलाउँदै मानसिक अवस्था कमजोर तथा बेवारिसे अवस्थाका व्यक्तिहरूको उद्धार गर्दै आएको छ ।
