वीरगंज । पर्साकाे कालिकामाई गाउँपालिकाले मधेश प्रदेश मै पहिलाे आर्थिक बर्ष २०८२/०८३ काे निति तथा कार्यक्रम प्रस्तुत गरेकाे छ ।
गाउँपालिका अध्यक्ष बशिष्ट कुमार गुप्ताकाे अध्यक्षतामा भएकाे कार्यक्रममा गाउँपालिकाकी उपाध्यक्ष राजमती बरैनीले अगामी आर्थिक बर्षकाे निति तथा कार्यक्रम प्रस्तुत गरेकी हुन् । प्रत्येक बर्ष असार १० गते भित्र ल्याइ सक्नु पर्ने निति तथा कार्यक्रम यस बर्ष कालिकामाई गाउँपालिकाले मधेश प्रदेश मै सबभन्दा पहिला ल्याएकाे प्रमुख प्रशासकीय अधिकृत अमित कुमार गिरीले वताए ।
गाउँपालिका कार्यालयकाे सभा हलमा भएकाे निति तथा कार्यक्रम प्रस्तुतीकरण कार्यक्रमकाे गाउँपालिका अध्यक्ष गुप्ताले उद्घाटन गरेका थिए ।
निति तथा कार्यक्रमलाई सम्बाेधन गर्दै गाउँपालिका अध्यक्ष गुप्ताले यस बर्ष पनि शिक्षा तथा कृषिलाई प्राथमिकतामा राखेर निति तथा कार्यक्रम ल्याइएकाे वताए । उनले यस बर्ष समय मै निति तथा कार्यक्रम ल्याउन सहयाेग गर्ने सबैलाई धन्यावाद समेत दिए ।
प्रस्तुत निति तथा कार्यक्रममा स्थानीय तहका अधिकार कार्यान्वयनका लागि आवश्यक पर्ने निति, कानुन तथा संरचनाहरु निर्माण गरिने, स्थानीय नेतृत्वको विकास गरिने, विकासका लाभहरुलाई सामानुपातिक, समावेशी र न्यायोचित तरीकाले जनतामा वितरण गरिने, स्थानीय तहको सेवा प्रवाहमा जनताको पहुँच अभिवृद्धि गरिने राखिएकाे छ ।
यसैगरी भौतिक पूर्वाधार तथा संरचना विकास तर्फ दिगो नतिजामूलक विकासको लागि आवश्यक गुरुयोजना (Master Plan) तयार गरी अगामी वर्ष आवधिक गाँउ विकास योजना, भु-उपयोग योजना एवं प्रकोप व्यवस्थापन योजना निर्माण गरी कार्यान्वयनमा जोड दिईने उल्लेख गरिएकाे छ ।
गाउँपालिकको हरेक वडालाई जोडने रिङ्ग रोडको सम्भाव्यता अध्ययन गरी सोको निर्माण गर्नयोजना बनाउनले, खानेपानी, विद्युत पोल, ढल र सडकको स्तरोन्नती गरीनुका साथै प्रमुख सडकहरुलाई कम्तिमा ३० (तीस) फिट फराकिलो गरिने, विकास निर्माणमा प्रयोग हुने निर्माण सामाग्री र कच्चा पदार्थ गौउस्तरीय मापदण्ड तोकी सोही बमोजिम मात्र प्रयोगमा ल्याई पूर्वाधार विकासको गुणस्तर कायम गरिने पनि प्रस्तुत निति तथा कार्यक्रममा उल्लेख गरेकाे छ ।
प्रत्येक वर्ष उत्कृष्ट कार्य गर्ने उपभोक्ता समितिलाई पुरस्कृत गर्ने र खराब आचरण भएका उपभोक्ता र सहयोगीहरुलाई दण्ड सजाय गर्ने नीति लिई गुणस्तरीय विकास निमार्णमा जोड दिईने, एक गाँउ एक वह उपयोगी पोखरीको अवधारणा अनुसार यस गाँउको सबै पोखरीलाई रमणिय र धार्मिक तथा पर्यटकीय क्षेत्रको रुपमा विकास गर्न गुरुयोजना बनाई बजेट व्यवस्थापनका लागि सम्बन्धित निकायमा पहल गरिने पनि गाउँपालिकाले जनाएकाे छ ।
यसैगरी शिक्षा तथा खेलकुद मनोरञ्जन तर्फ राष्ट्रिय साक्षरता अभियानलाई प्रभावकारी बनाई यथाशिघ्र निरक्षरता उन्मुलन गरिने, सामुदायिक विद्यालयहरुको भौत्तिक पूर्वाधार विकास र शौचालय निर्माणका लागि आवश्यक अनुदान उपलब्ध गराइने, शिक्षा क्षेत्रको खसकिदो गुणस्तरलाई ध्यानमा राख्दै गाँउका सबै शिक्षण संस्थाहरुको नियमित अनुगमन र नियमन गर्दै गुणस्तरीय शिक्षामा जोड दिईने गाउँपालिकाले जनाएकाे छ ।
गाउँ क्षेत्रका सामुदायिक विधालयहरुमा कक्षा तीन सम्म अनिवार्य रुपमा अंग्रेजी माध्यममा पठन-पाठन गराउन आवश्यक व्यवस्थापन गरिने, शिक्षकहरुकालागि तालिमको व्यवस्था गरिने, छात्राहरुलाई प्रोत्साहन गर्न कक्षा ८ देखि निशुल्क साईकल वितरण गरिनेछ, गाँउका सम्पूर्ण सामुदायिक मा.वि. मा अनिवार्य विधुतीय हाजिरीको व्यवस्था कार्यान्वयनमा ल्याइने, विद्यालयहरुमा कम्प्यूटरर प्रिन्टर उपलब्ध गराइने जस्ता कार्यक्रमहरु पनि गाउँपालिकाले आफ्नाे निति तथा कार्यक्रम समेटेकाे छ ।
यसैगरी कृषि तथा पशु विकास तर्फ निर्वाहमुखि खेती प्रणालीलाई व्यवसायिक कृषि प्रणाली तर्फ उन्मुख गर्न आवश्यक पहल गरिने, आर्गानिक तरकारी खेती तथा प्राङ्गारिक खेति कार्यक्रममा आवश्यक सहयोग गर्दै यस गाँउमा स्वः रोजगार कार्यक्रम संचालन गर्न सम्बन्धित निकायमा पहल गरिने, उन्नत पशुपालन, पशु विमा, बाली बिमा, गोठ तथा भकारी सुधार जस्ता कार्यक्रमहरु संचालनमा विषेश पहल गरिने गाउँपालिकाले जनाएकाे छ ।
