जनकपुर । धनुषा जिल्लाको मिथिला बिहारी नगरपालिकामा शुक्रबार साँझ अज्ञात व्यक्तिले गोली प्रहार गर्दा वडा नम्बर–९ का वडाध्यक्ष विन्देश्वर यादवको हत्या भएको छ।
- Advertisement -
धनुषा प्रहरीले दिएको जानकारीअनुसार वडाध्यक्ष यादवलाई अज्ञात ब्यक्तिले नजिकैबाट गोली हानेका थिए। गम्भीर घाइते अवस्थामा उनलाई उपचारका लागि प्रादेशिक अस्पताल जनकपुर पुर्याइएको थियो। तर उपचारका क्रममा चिकित्सकहरूले बचाउन नसकेको जिल्ला प्रहरी कार्यालय धनुषाले पुष्टि गरेको छ।
प्रहरीले घटनालाई अत्यन्त गम्भीर मान्दै हत्या गर्ने व्यक्तिहरूको खोजी तीव्र पारेको जनाएको छ। यसबारे प्रारम्भिक अनुसन्धान भइरहेको र हत्या किन र कसले गरेको हो भन्ने तथ्य खुलाउन प्रहरी सक्रिय रूपमा अघि बढेको समेत जनाएको छ।
