काठमाडौं । नेपाल बार एसोसिएसनले प्रतिनिधिसभा विघटनलाई असंवैधानिक र स्वेच्छाचारी कदम भनेको छ । प्रतिनिधिसभा विघटनको सिफारिस र निर्णयपछि तत्काल विज्ञप्ति जारी गर्दै बारले यस कदमले संवैधानिक सर्वोच्चता र संविधानवादमाथि प्रहार भएको निष्कर्ष निकालेको हो ।
बारको विज्ञप्तिमा प्रतिनिधिसभा विघटन गर्ने राष्ट्रपतिको कदम सर्वोच्च अदालतको यस अघिको संसद् पुनर्स्थापना सम्बन्धी निर्णय विपरीत रहेको उल्लेख गरिएको छ । यस प्रकारको अभ्यासले लामो संघर्षपछि स्थापित नेपाली लोकतन्त्र कमजोर पार्ने र संघीयताको उपलब्धि मेट्ने प्रयास गरेको टिप्पणी विज्ञप्तिमा छ ।
नेपाल बार एसोसिएसनले लोकतान्त्रिक संस्थाहरूमा जनविश्वास घटाउने र संवैधानिक व्यवस्थाको जग खतरामा पार्ने कुनै पनि कदम अस्वीकार गर्ने प्रतिबद्धता व्यक्त गरेको छ । कुनै पनि बाहनामा हुने ‘पञ्चगामी’ अभ्यासविरुद्ध एकजुट हुन पनि बारले सबै पक्षलाई आह्वान गरेको छ ।
विघटनको निर्णयको विरोध गर्दै बार अध्यक्ष डा. विजय प्रसाद मिश्र र महासचिव केदारप्रसाद कोइरालाले संयुक्त विज्ञप्ति जारी गरेका हुन् ।
