रौतहट । रौतहटको सदरमुकाम गौरमा दिनदहाडै छुरा प्रहार हुँदा एक युवकको मृत्यु भएको छ।
- Advertisement -
गौर नगरपालिका–८ स्थित गौरीशंकर क्याम्पस नजिकै करिब १८ वर्षीय युवकलाई बुधवार दिउँसो छुरा प्रहार गरी हत्या गरिएको जिल्ला प्रहरी कार्यालय रौतहटले जनाएको छ।
प्रहरीका अनुसार हत्या गर्ने व्यक्तिको पहिचान गौर नगरपालिका–३ निवासी २० वर्षीय सनोज राम रहेको छ । मृतक र आरोपित युवक एकै स्थानमा काम गर्ने साथी रहेको बुझिएको छ।
जिल्ला प्रहरी कार्यालय रौतहटका प्रवक्ता डिएस्पी राजु कार्कीका अनुसार घटनास्थलमा प्रहरी टोली पुगेर अनुसन्धान सुरु गरिएको छ। मृतकको घर फतुवा बिजयपुर नगरपालिका रहेको भए पनि समाचार तयार पार्दासम्म उनको पूर्ण परिचय खुल्न बाँकी रहेको प्रहरीको भनाइ छ।
घटनापछि स्थानीय बासिन्दा त्रासमा परेका छन् भने आक्रोशितसमेत भएका छन्।
