वीरगंज । पर्साकाे बिन्दवासिनी गाउँपालिका वडा नं. ३ झाैवा स्थित सडक खण्डमा आज माेटरसाइकलकाे ठक्करबाट एक बालककाे ज्यान गएकाे छ ।
ना. ६५ प. ६४२९ नम्बरकाे सुपर स्पलेन्डर माेटरसाइकले ठक्कर दिदा साेही ठाउँ निवासी आसमहमद मियाँकाे अढाई बर्षिय छाेरा खुर्सिद आलमकाे मृत्यु भएकाे इलाक प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताए । विहान १०:३० बजे सडक पेटिमा खेलीरहेकाे बालकलाई भारतिय नागरिकले चलाएकाे माेटरसाइकलकाे ठक्करबाट मृत्यु भएकाे सिंहले जानकारी गराए ।
माेटरसाइकलकाे ठक्करबाट गम्भिर घाइते भएका बालकलाई उपचारकाे लागि नारायणी अस्पताल वीरगंजमा लगिदा अस्पतालले मृत घाेषणा गरेकाे थियाे ।
भारत विहार पश्चिम चम्पारण ग्राम पंचायत रमपुरवा थाना मैनपुर बस्ने चालक राजकुमार दास र माेटरसाइकललाई इप्रका पाेखरियाले नियन्त्रणमा लिई जिल्ला प्रहरी कार्यालय पर्सालाई बुझाएकाे छ ।
