वीरगंज । वीरगंजमा महानगरपालिकाको घण्टाघर नजिकै आर्मी ब्यारेकको छेउमा बालबालिकाका कपडा तथा महिलाका सामग्री उपलब्ध गराउने उद्देश्यले ‘बेबी एन्ड ममा’ नामक नयाँ शप सञ्चालनमा आएको छ । शपको उद्घाटन शुक्रबार वीरगंज महानगरपालिकाका पूर्व नगरप्रमुख विजयकुमार सरावगीले रिबन काटेर गर्नुभएको हो ।
शपका सञ्चालक तथा प्रोप्राइटर ज्योति सोहनी रहनुभएको छ । शपमा बालबालिकाका लागि विभिन्न प्रकारका गुणस्तरीय कपडा तथा महिलाका लागि आवश्यक विभिन्न सामग्री उपलब्ध हुने सञ्चालकले जनाएका छन् ।
स्थानीय ग्राहकलाई बालबालिका तथा महिलाका सामग्री सहज रूपमा उपलब्ध गराउने उद्देश्यले शप सञ्चालनमा ल्याइएको हो । घण्टाघर क्षेत्रमा नयाँ व्यवसाय सुरु भएसँगै स्थानीय बजारमा व्यावसायिक गतिविधि विस्तार हुनुका साथै ग्राहकले खरिदका लागि थप विकल्प पाउने अपेक्षा गरिएको छ ।
उद्घाटन कार्यक्रममा युवा अभियन्ता कविराज पटेल, सञ्चारकर्मी निरज पिटको टिम मगरलगायत विभिन्न क्षेत्रका व्यक्तिहरूको उपस्थिति रहेको थियो । कार्यक्रममा उपस्थित व्यक्तिहरूले नयाँ व्यवसायको सफलताको शुभकामना दिँदै आगामी दिनमा व्यवसायले थप प्रगति गर्ने विश्वास व्यक्त गरेका थिए ।
वीरगंजकाे घण्टाघर क्षेत्रमा सञ्चालनमा आएको ‘बेबी एन्ड ममा’ ले बालबालिका तथा महिलाका सामग्री खरिद गर्न चाहने ग्राहकलाई लक्षित गर्दै आफ्नो सेवा सुरु गरेको छ ।
