वीरगंज । दशौं महात्मा गान्धि स्मृती टि २० प्रतियाेगिताकाे फाइनल खेलमा युनाईटेड क्रिकेट क्लब(युसिसि) वीरगंज विजयी भएकाे छ । भारत बिहार पूर्वी चम्पारणकाे बेतियामा जारी प्रतियाेगिताकाे आज भएकाे फाइनल खेलमा भारतकाे सिवान क्रिकेट टिमलाई हराउदै युसिसि वीरगंज विजयी भएकाे हाे ।
टस जितेर पहिलाे वैटिङ्ग गरेकाे सिवानले निर्धारित २० ओभरमा सबै विकेट गुमाई एक सय २८ रन बनाएका थिए । जवाफी वैटिङ्गमा उत्रेका युसिसि वीरगंजले १९ ओभर खेल्दै ६ विकेटकाे क्षतिमा एक सय २९ रनकाे लक्ष्य पुरा गर्दै विजयी घाेषित भएकाे युसिसिका सदस्य राजुल हवारीले वताए ।
युसिसिका तर्फबाट बाबुजान अन्सारीले ४ ओभरमा २६ रन खर्चि ४ विकेट लिएका थिए भने आदिल अन्सरीले ४ ओभरमा २७ खर्चि ३ विकेट लिएका थिए । उक्त खेलकाे म्यान अफ द म्याच र वेस्ट वैटस म्यान युसिसिका संताेष कार्की घाेषित भएका थिए ।
स्पाेर्ट क्रिकेट क्लब बेतियाकाे आयाेजनामा भएकाे प्रतियाेगिताकाे विजेता युसिसिले भारु २० र उपविजेता सिवानले भारु १० हजार नगद सहित कप पुरस्कार पाएका थिए ।