वीरगंज । पर्सामा वर्षासँगै परेको चट्याङ लागेर एक युवकको मृत्यु भएको छ । आइतबार बिहान वर्षासँगै परेको चट्याङ लागेर पर्साको बहुदरमाई नगरपालिकाको वडा नं. ३ बैरिया विर्ता निवासी ३५ वर्षीय माधव रामको मृत्यु भएको हो ।
बिहान साढे ६ बजे खेतमा गएको बेला राम चट्याङ लागि गम्भीर घाइते भएको र उनलाई उपचारका लागि वीरगञ्ज हेल्थकेयर पठाइएकोमा उपचारको क्रममा मृत्यु भएको प्रहरीले जनाएको छ । मृतक रामको शव परीक्षणका लागि नारायणी अस्पतालमा राखिएको जिल्ला प्रहरी कार्यालय पर्साले जनाएको छ ।
प्रतिक्रिया लेख्नुहोस