वीरगंज, २ बैशाख ।
सामाजिक संस्था जिल्ला समन्वय समिति, वीरगंजले सोमबार एक कार्यक्रमका बिच नेपाल रेडक्रस सोसाइटी प्रदेश नं. २ का अध्यक्ष फुलमहमद मियाँलाई सम्मान गरेको छ ।
- Advertisement -
संस्थाको सलाहकार समेत रहेका नव निर्वाचित अध्यक्ष मियाँलाई सम्मान गरिएको सामाजिक संस्थाका हरिन्द्र साहले वताए । वीरगंज राधेमाई स्थित रहेको संस्थाको कार्यालयमा एक कार्यक्रमको आयोजना गरी अध्यक्ष मियाँलाई दोसल्ला ओढाई फुलको माला र अविरको टिका लगाई सम्मान गरिएको उनले जानकारी गराए ।
संस्थाका अध्यक्ष इब्राहिम देवानको अध्यक्षतामा भएको कार्यक्रममा युनिसेफका बृजकिशोर पटेल, संस्थाका उपाध्यक्ष रामाकान्त पटेल, महासचिव रामप्रबेश साह लगायतकाको सहभागिता रहेको थियो ।
