पर्सा, १३ पुस ।
पर्सामा प्रारम्भिक कक्षा पढाई कार्यक्रम (ई.जि.आर.पी) ले प्रारम्भिक पढाइसिपमा परिवर्तन ल्याएको छ । कार्यक्रमले कक्षा १, २ र ३ का वालवालिकाहरुको अक्षर चिन्ने, गति, यति र लय मिलाएर शब्द, वाक्य तथा परिच्छेद पढने, पढेको कुरा बुझ्ने लगायतको पढाइसिपमा परिवर्तन ल्याएको कार्यक्रका समुदाय परिचालन अधिकृत मित्रदेव यादवले वताए ।
पहिला प्रारम्भिक कक्षामा अध्ययनरत पढाइसिप सम्बन्धी आधारभुत उपलब्धि अत्यन्तैं न्यून रहेको र कार्यक्रम संचालन भए पछि अहिले आएर सुधार हुदै गएको अधिकृत यादवले वताए । यसका साथै अभिभावकहरु विद्यालयमा गएर आफ्ना वालवालिकाहरुको पढाई अवस्थाको बारेमा बुझन थालेको उनले वताए ।
यस्तै घरमा अभिभावकहरुले पढाई कुनाको व्यवस्था समेत गरेका कारण पढाइसिपमा सुधार आएको पटेर्वा सुगौलीका अभिभावक पुष्पा चौधरीले वताइन । कार्यक्रमले कक्षा १ देखी ३ सम्मका पाठ्य सामग्रीहरु पढ्न र बुझन सक्ने विद्यार्थीहरुको संख्यामा वृधि समेत भएको यादवले दाबी गरे ।
यू.एस.ए.आई.डी. को सहयोमा र नेपाल सरकार मार्फत सामाजिक संस्था जिल्ला समन्वय समिति, पर्साले पर्साको सबै विद्यालयहरुमा प्रारम्भिक कक्षा पढाई कार्यक्र संचालनमा रहेको छ । ६ महिना देखी संचालनमा रहेको कार्यक्रम अन्तर्गत प्रारम्भिक कक्षाका बावालिकाका अभिभावकहरुलाई दौतरी शिक्षा तालिम दिइएको छ ।
यस्तै कार्यक्रम संचालनमा रहेको १ सय १५ विद्यालयहरुलाई रु २ लाखका दरले विद्यालय व्यवस्थापन अनुदान समेत आउने कार्यक्रम व्यवस्थापक अनुरोध साहले वताए । त्यस मध्ये ४८ विद्यालयहरुमा पहिलो किस्ता रु १ लाख ४० हजारका दरले रु ६७ लाख २० हजार आइसकेको साहले जानकारी गराए ।
कक्षा १ देखी ३ भित्रै पढाइसिप हाँसिल गरिसकेका विद्यार्थीहरुको माध्यमिक तहमा उर्तिण हुने सम्भावना ४ गुणाले बढने र पढाइमा राम्रो नतिजा ल्याउने सम्भावना बढेर जाने साहको भनाई थियो ।
