वीरगंज, १६ कात्तिक ।
विद्यालय व्यवस्थापन समिति र शिक्षक अभिभावक संघका पदाधिकारीहरुलाई लैंगिक हिंसा तथा रिपोर्टिङ्ग संयन्त्र सम्बन्धी एक दिने क्षमता विकास तालिम शुक्रबार पर्सागढी नगरपालिकामा सम्पन्न भएको छ । तालिममा शुन्य सहनशिलता कार्यक्रमको संक्षिप्त जानकारी, विद्यालयमा हुन सक्ने हिंसाका प्रकार र न्युनिकरणका उपाय, घटना व्यवस्थापनका चरण र सिद्धान्तहरु, विद्यालयको कार्य योजना, नयाँ गुनासो सुनुवाई कार्यविधि २०७४, लैंगिक मैत्री संरचना, विद्यालयको आचार संहिता, बालबालिका सम्बन्धी ऐन कानुन आदि विषयमा प्रशिक्षण दिइएको थियो ।
सामाजिक संस्था जिल्ला समन्वय समितिद्वारा पर्सा जिल्लाको ५० विद्यालयमा संचालित सम्भव शुन्य सहनशिलता कार्यक्रम अन्तर्गत तालिम आयोजना गरिएको कार्यक्रम संयोज रामनारायण साहले वताए । सामाजिक संस्थाको आयोजनामा भएको तालिममा १७ विद्यालयका ३४ जनाको सहभागीता उनले वताए ।
जनता मा.वि. पकडिया बढनिहारमा भएको तालिममा रेस्टलेस डेभलपमेन्टबाट अर्जुन भटराई, विकास थापा र जिल्ला कानुनी सहायता समिति पर्साबाट अधिवक्ता प्रेम कुमार साहले प्रशिक्षण दिएका थिए । यस अघि आयोजक संस्थाका अध्यक्ष इब्राहिम देवानको अध्यक्षतामा र पर्सागढी नगरपालिकाकाका प्रमुख प्रशासकिय अधिकृत चेत प्रसाद उप्रेतीको प्रमुख आतिथ्यतामा भएको उदघाटन सत्रमा उपाध्यक्ष रामाकान्त पटेल, महासचिव रामप्रवेस साह लगायतकाको सहभागिता रहेको थियो ।
उदघाटन सत्र मै पर्सागढी नपामा अनुमोदन गर्नका लागि अध्यक्ष इब्राहिम देवानले प्रमुख प्रशासकिय अधिकृतलाई गुनासो सुनुवाई कार्य विधि २०७४ हस्तान्तरण गर्नु भयो ।
