वीरगंज । पर्साकाे बहुदरमाई नगरपालिकाकाे एक घरुबाट लागुु औषध गाँजा बरामद भएकाे छ ।
इलाका प्रहरी कार्यालय पाेखरियाबाट खटिएकाे प्रहरी टाेलीले बहुदरमाई नगरपालिकाकाे वडा नं. ९ स्थित असगर देवान भन्ने नैमाेदिन देवानकाे घरबाट ३५ किलाे लागुऔषध गाँजा बरामद गरेकाे हाे ।
सूचना परिचालन र प्रहरी कारवाहीको सिलसिलामा साे ठाउँमा लागु औषध गाँजाको ओसारपसार हुने गरेकाे सूचना प्राप्त भई ईलाका प्रहरी कार्यालय पोखरियाबाट खटिएको टोलीले आइतबार ०३:०० बजे छापा हानेकाे थियाे ।
प्रहरी टोलीलाई देख्नासाथ देवान भागी फरार भएको र निजको घरकोठा रीतपूवर्क खानतलासी गर्दा निज सुत्ने कोठाभित्र जस्ताको बक्सामुनी लुकाइछिपाई राखिएको लागु औषध गाँजा २० के.जी. र भन्साकोठामा राखिएको गाँजा १४ के.जी. गरी जम्मा ३४ के.जी. लागु औषध गाँजा फेला प्रहरीले जनाएकाे छ ।
बरामद उक्त गाँजा ईलाका प्रहरी कार्यालय पोखरियामा ल्याई लागु औषध सम्बन्धी मुद्दामा अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।
साथै निज असगर देवान भन्ने नैमोदिन देवानको तदारुक्ताका साथ खोजतलास भइरहेको उनले जानकारी गराए ।
