हेटौँडा। झरना साहित्यिक संस्थाको दुई दिने कला साहित्य महोत्सव सम्पन्न भएको छ । महोत्सवमा झरनाले विभिन्न ८ जनालाई सम्मान समर्पण गरेको छ । नन्दादेवी गौतमले आफ्ना छोरा स्व.गोकर्ण गौतमको स्मृतिमा स्थापना गरेका नगद ११ हजार १११ रुपैयाँ राशिसहितको गोकर्ण गौतम स्मृति पत्रकारिता सम्मान–२०८० पत्रकार रामकुमार एलनलाई प्रदान गरिएकाे छ ।

‌एलन समाजवादी प्रेस संगठन नेपालका महासचिव एवम् मधेशदृष्टिका सम्पादक हुन् । 

पुरस्कार समर्पण सत्र बकैया गाउँपालिकाका अध्यक्ष धर्मराज लामिछानेको प्रमुख अतिथ्यतामा भएको थियो । सो सत्रमा साहित्यसेवी नुरप्रसाद गौतमले मातापिताको सम्मानमा स्थापना गरेका नगद २१ हजार १२१ रुपैयाँ राशिसहितको होमनाथ–टीकामाया प्रतिभा सम्मान–२०८० डा. गीता त्रिपाठीलाई प्रदान गरिएको थियाे ।

यस्तै, साहित्यसेवी विनोद सुवेदीले आफ्ना मातापिताको नाममा स्थापना गरेका नगद १५ हजार ५५५ रुपैयाँ राशिसहितको बाबुलाल–भोजमाया स्मृति साहित्य सम्मान–२०८० कवि साम्ब ढाकाललाई प्रदान गरिएको छ ।

यस्तै, साहित्यसेवीहरू अर्पण पराजुली र दर्पण पराजुलीले आफ्ना मातापिताको स्मृतिमा स्थापना गरेका नगद ७ हजार ७७७ रुपैयाँ राशिसहितको खडानन्द–मनमाया युवाप्रतिभा सम्मान–२०८० स्याङ्जाका मिलन समीर, साहित्यसेवी राजन दाहालले आफ्नी दिवंगत छोरीको स्मृतिमा स्थापना गरेका नगद ७ हजार ७७७ रुपैयाँ राशिसहितको सुशीला दाहाल स्मृति सिर्जनशील नारी सम्मान–२०८० गजलकार बिमला कार्की “सुसं”, साहित्यसेवी तुलसी गिरीले स्थापना गरेका नगद ७ हजार ७७७ रुपैयाँ राशिसहितको सञ्जीवनि बुटि साहित्य सेवा सम्मान–२०८० भरतप्रसाद सापकोटा, चन्द्रकुमार राईले स्थापना गरेका नगद ५ हजार ५५५ रुपैयाँ राशीसहितको झरना–बकैया नवप्रतिभा पुरस्कार–२०८० गजलकार अजर फुयाँल, बकैया गाउँपालिकाका उपाध्यक्ष भक्तबहादुर खत्रीले आफ्ना पिताको नाममा स्थापना गरेका नगद ७ हजार ७७७ रुपैयाँ राशिसहितको खिमबहादुर खत्री स्मृति कलाकारिता सम्मान–२०८० बाँसुरीबादक विष्णु घतानी सम्मानित भएका छन् ।

वीरगंज । पर्साकाे जगरनाथपुर गाउँपालिकामा आइतबारदेखि दाेस्राे राष्ट्रपति रनिङ्ग शिल्ड प्रतियाेगिता सुरु भएकाे छ । गाउँपालिकाको वडा नं. ५ स्थित मधुवाहा खेल मैदानमा सुरु भएकाे प्रतियोगिताकाे वीरगंज महानगरपालिकाका उपमेयर इम्तियाज आलमले उद्घाटन गरेका थिए ।

प्रतियोगिताको उद्घाटन गर्दै उप मेयर आलमले प्रतियाेगिताले राष्ट्रिय स्तरकाे खेलाडी उत्पन गर्ने महत्वपूर्ण भुमिका खेल्ने वताए । उनले प्रतियाेतिमा सहभागि गाउँपालिका अन्तर्गतका विद्यालयहरुका विद्यार्थीहरुले सानै उमेर राम्राे प्रस्तुती गरेकाे भन्दै प्रशंसा समेत ब्यक्त गरे ।

उद्घाटन कार्यक्रमका प्रमुख अतिथी समेत रहेका उप मेयर आलमले पर्साकाे ग्रामिण भेगमा रहेका विद्यालयका विद्यार्थीहरुले गरेकाे प्रस्तुती देखेर आफु खुसि भएकाे वताउँदै अगामी दिनमा अझै राम्राे गर्नु पर्ने भन्दै शुभकामना समेत दिए ।

गाउँपालिका अध्यक्ष श्रीकान्त प्रसाद यादवले प्रतियाेगिता अनुसाशित र प्रादर्शित रुपमा सम्पन्न गर्न निर्देशन दिए । उनले खेल अनुशासनकाे प्रतिक भएकाे वताउँदै खेलमा इमन्दारि पूर्वक अनुशासित भएर खेल्नु पर्ने वताए ।

अध्यक्ष यादवले प्रतियोगिताले विद्यार्थीलाई शैक्षिक विकाससँगै खेलकुद क्षेत्रमा पनि अब्बल बनाउन महत्त्वपूर्ण भूमिका खेल्ने र मानसिक, शारीरिक विकासका लागि खेल अत्यावश्यक भएको वताए ।

जगरनाथपुर गाउँपालिकाकाे आयाेजनामा सुरु भएकाे प्रतियाेगिता तीन दिनसम्म चल्ने छ । प्रतियोगितामा ९ वटा खेल विधामा गाउँपालिका अन्तर्गतका विद्यालयका विद्यार्थीहरु भाग लिएका छन् ।

गाउँपालिका अन्तर्गतका २७ विद्यालयका २ सय ६० जना छात्र/छात्रा खेलमा सहभागी भएकाे ग‍ाउँपालिकाले जनाएकाे छ । प्रा.वि. तहमा १०० मिटर दौड, २०० मिटर दौड, हाई जम्प, लङ्ग तथा आधारभुत तहमा १०० मिटर दौड, २०० मिटर दौड, ४०० मिटर दौड, हाईजम्प, लङ्ग जम्प, सटपुट र मावि तहमा १०० मिटर दौड, २०० मिटर दौड, ४०० मिटर दौड, ८०० मिटर दौड, हाईजम्प, लङ्ग जम्प, सटपुट, ज्याभलिङ्ग थ्रो, कवडी लगायतका खेलमा विद्यार्थीले प्रतिस्पर्धा गरेकाे प्रमुख प्रशासकिय अधिकृत कृष्णनन्दन रायले वताए । 

गाउँपालिकाका अध्यक्ष यादवको अध्यक्षतामा भएकाे उद्घाटन कार्यक्रममा प्रमुख प्रशासकिय अधिकृत किष्णनन्दन राय, वडाध्यक्ष लक्ष्मी साह तेली, नेपाली कुशवाहा, प्रभुनाथ प्रसाद नुनिया, अयाेध्या प्रसाद कुर्मी, लेखा प्रमुख सन्देश कुशवाहा, शिक्षा शाखा प्रमुख अशाेक सिंह, सम्पुर्ण विद्यालयका प्रधानाध्यापक एवं शिक्षक, बिद्यार्थी, अभिभावक, पत्रकार, सुरक्षाकर्मी लगायतकाे उपस्थिती रहेकाे थियाे ।

वीरगंज । शिक्षा विकास तथा समन्वय इकाई पर्साका निमित्त इकाई प्रमुख उमेश कुमार मुखियाकाे लापरवाहीले सेवाग्राही मर्कामा परेका छन् । उनले शिक्षक सेवा आयाेगकाे परिक्षा उर्तिर्ण गरेका नि.मा.वि. तहका सफल उम्मेदवार तथा अन्य सेवाग्राहीहरुलाई दु:ख दिदै गरेकाे गुनासाे प्राप्त भएकाे छ ।

अन्य जिल्लामा सिफारिस भएका उम्मेदवारहरुकाे न्युक्ति भइसकेपनि पर्सामा प्रमुख मुखियाकाे लापरवाहीले अहिले सम्म न्युक्ति पक्रिया अगाडी बढन सकेकाे छैनन् ।

नि.मा.बि.सफल उम्मेदवारहरुलाई स्थानिय तह छनौट गराए पनि नियुक्तिको अत्तोपत्तो छैन् । नि.मा.बि.सफल उम्मेदवारहरु विभिन्न प्रदेश, जिल्ला तथा स्थानिय तहबाट आएकाले पुन घर फर्किन पनि गाह्राे रहेको हुँदा नियुक्ति पाउने आशमा विरगंजको होटलमा बास लिएर बस्न बाध्य भएका छन् ।

यसका साथै अवकाश प्राप्त शिक्षकहरुको अवकाश पत्र तयार गर्नको लागी एक शिक्षकलाई १० दिन देखी दौडाएर काम पनि गरेका छैनन् । 

प्रमुख मुखियाले अरु प्रदेश तथा अन्य जिल्लाको तुलनामा यस जिल्लाका सफल नि.मा.बि. उम्मेदवारहरुलाई कनिष्ठ (जुनियर) बनाउन नीति लिएका छन् । गत माघ २९ गतेदेखी निमित्तको जिम्मेवारी पाएका मुखियाले अन्य जिल्लाहरुबाट यस जिल्लामा सरुवा भएर आउने शिक्षकहरुलाई दिनहुँ बोलाएर काम पनि नगर्ने गरेकाे सेवाग्राहीहरुले वताएका छन् ।

सेवाग्राहीका अनुसार पर्सा जिल्लाबाट अन्यत्र सरुवा भई जाने शिक्षकहरुको जिल्लान्तर सरुवा सहमति पानि नदिई दिनहुँ बोलाएर दुख दिने गरेका छन् । आफु परिक्षणकालमा रहेकोले नियमसम्मत काम पनि गर्न गाह्राे हुने भन्ने अभिव्यक्ति उनको रहेको छ । गत फाल्गुन १० शिक्षक महासंघले नि.मा.बि.नियुक्ति समबन्धमा दिएको ज्ञापन पत्रले आफुलाई केही फरक नपर्ने उनकाे भनाई छ ।

धुनषा जिल्ला बटेश्वर गाउँपालिका निवासी प्रमुख मुखियाले आफुलाई एन कानुनको जानकर भएपनि निति, नियम, कानुनकाे धजिया लत्याउँदै आएका छन् ।