वीरगंज । नेपाल सेवा निबृत स्वास्थ्यकर्मी समाज पर्साको प्रथम साधारण सभा साेमबार वीरगंजमा सम्पन्न भएकाे छ । वीरगंजस्थित जिल्ला समन्वय समिती पर्साको सभाहालमा सम्पन्न साधारण सभाले अरुण कुमार महतोकाे अध्यक्षतामा १३ सदस्यी नयाँ कार्यसमिती चयन गरेको छ ।
नयाँ कार्यसमितिकाे उपाध्यक्षमा ईन्द्रदेव साह, सचिवमा अमलेश्वर मिश्रा, कोषाध्यक्षमा राजकिशोर प्रसाद, सदस्यहरुमा सचितानन्द सिंह, योगेन्द्र पंजियार, राजकिशोर पंडित, यमुना चौरसिया, नरेश कम्मकर, रामाधार तिवारी, मंजु थापा, शुभादारा थापा रहेका छन ।
अध्यक्ष महतोको अध्यक्षतामा भएकाे साधारण सभाकाे नारायणी अस्पतालका मेसु चुमनलाल दासले उद्घाटन गरेका थिए । साधारण सभाकाे उद्घाटन समाराेहलाई सम्बाेधन गर्दै मेसु दासले देशमा मलेरिया, कालाजर तथा खोपका लागी दक्ष जनशक्तिको अभाव रहेको बताए ।
उनले दक्ष जनशक्ति सेवानिबृत हुँदै गएको र नयाँ दक्षजनशक्ती उत्पादन नभएकोले देशमा दक्षजनशक्ति अभाव रहेको बताए । कार्यक्रमका प्रमुख अतिथी समेत रहेका मेसु दासले बेलाबख्तमा देशमा आएको आपतबिपतको समयमा राज्यले सेवानिबृत कर्मचारीबाट सेवा लिएकाे बताए ।
राज्य जुन बेला पनि सेवानिबृत दक्ष जनशक्तिलाई खटाई राज्यको सेवा प्रवाहमा सहयोग लिन सक्ने भएकोले नेपाल सेवा निबृत स्वास्थ्यकर्मी समाज पर्साका अगुवाहरुले डाटा संकल्न गरी सम्बन्धी निकायमा राख्न आग्रह गरे । देशको गहनाको रुपमा सेवानिबृत कर्मचारी रहेको मेसु दासले उल्लेख गरे ।
कार्यक्रमका बिशिष्ठ अतिथी तथा जनस्वास्थ्य प्रमुख मुक्तिनारायण साहले पर्सामा निबृत स्वास्थ्यकर्मी समाजले लिएको पहलकदमी देशभरी नै लागु हुने बताए । सेवानिबृत कर्मचारीहरुले घर निमार्ण गर्न शुरु गरेको र यसै घरमा कुनै कुनै बेला हामी सबै स्वास्थ्यकर्मी आउने बताए ।
उद्घाटन समारोहमा नेपाल ट्रेड युनियन पर्सा तथा मधेश प्रदेशका पुर्ब अध्यक्ष लक्ष्मण प्रसाद कुर्मी, डा. अरुण कुमार सिंह, गैर सरकारी संस्था महासंघ नेपाल पर्साका अध्यक्ष छठु साह, सखुवा प्रसौनी गाउँपालिकाका स्वास्थ्य संयोजक राजेश प्रसाद रौनियार, कान्तिपुर दैनिकका सह सम्पादक शंकर आचार्य, सिनियर अनमी नारायणी देवी चौधरी लगायतकाले शुभकामना मन्तब्य राखेका थिए ।
कार्यक्रममा स्वागत मन्तब्य जनस्वास्थ्य अधिकृत ईन्द्रदेव साहले राखेका थिए भन्ने कार्यक्रम संचालन नेपाल सेवा निबृत स्वास्थ्यकर्मी समाज पर्साका सचिव अमलेश्वर मिश्राले कार्यक्रम संचालज गरेका थिए ।
