वीरगंज । पर्साकाे जगरनाथपुर गाउँपालिकामा एकै दिन दुई वटा स्कुल भवन, स्वास्थ्य चाैकी भवन र कृषि तथा पशुपन्छी सेवा केन्द्रकाे उद्घाटन गरिएकाे छ ।
प्रजातन्त्र दिवसकाे अवसरमा जगरनाथपुर गाउँपालिकाकाे वडा नं. ४ स्थित श्री नेपाल राष्ट्रिय आधारभुत विद्यालय सुहपुर र श्री नेपाल राष्ट्रिय माद्यमिक विद्यालय जगरनाथपुर (सिरा) मा निर्माण भएकाे विद्यालय भवन, जगरनाथपुर गाउँपालिका कै वडा नं. ५ मा निर्माण भएकाे स्वास्थ्य चाैकी मसिहानीकाे भवन र कृषि तथा पशुपन्छी सेवा केन्द्रकाे उद्घाटन गरिएकाे हाे ।
छुट्टा छुट्टै कार्यक्रमकाे बिच चार वटै नवनिर्मित भवनकाे पुर्व उद्याेग वाणिज्य तथा आपूर्ति मन्त्री एवं प्रतिनिधि सभा सदस्य रमेश रिजालले उद्घाटन गरेका हुन् । उद्घाटन कार्यक्रमलाई सम्बाेधन गर्दै पूर्व मन्त्री रिजालले विद्यालय भवन, स्वास्थ्य चाैकी र कृषि तथा पशुपन्छी अस्पताल संचालनले गाउँपालिकाबासीलाई सेवा पाउन सहज हुने वताए ।
कार्यक्रमका प्रमुख अतिथी समेत रहेका पूर्व मन्त्री रिजालले गाउँपालिका अध्यक्षकाे सक्रियताकाे कारण विकास निर्माणकाे कामले गति लिएकाे वताउँदै अझै तिब्र रुपमा विकास निर्माणकाे काममा लाग्न आग्रह गरे । उनले भने “विद्यालयकाे भवन निर्माणले विद्यार्थीहरुकाे पठनपाठनमा सहज हुन्छ भने स्वास्थ्य चाैकी र कृषि तथा पशु अस्पतालकाे भवन निर्माणले त्यहाँबाट सेवा प्रवाह गर्न सहज हुन्छ ।”
यसका साथै अब चाँडै नै गाउँपालिका कार्यालयकाे भवन निर्माणकाे कार्य अगाडी बढने पनि उनले वताए । त्यसकाे बजेट व्यवस्थापनकाे लागि आफूले पहल थालिसकेकाे उनले जानकारी समेत गराए ।
गाउँपालिका अध्यक्ष श्रीकान्त प्रसाद यादवकाे अध्यक्षतामा भएकाे उद्घाटन कार्यक्रममा गाउँपालिकाकी उपाध्यक्ष बबिता सिंह क्षेत्री, प्रमुख प्रशासकिय अधिकृत संदेश कुमार यादव, निर्वतमान प्रमुख प्रशासकिय अधिकृत कृष्णनन्दन राय यादव, वडाध्यक्षहरु लक्ष्मी साह तेली, सुभाष यादव, बिहारी महताे नुनिया, नेपाली कांग्रेस मधेश प्रदेशका महामन्त्री बृहस्पतीकृष्ण श्रेष्ठ, पर्सा जिल्लाका प्रवक्ता रमेश पाण्डे, काेषाध्यक्ष प्रेम थापा, महाधिवेशन प्रतिनिधि रामदेव चाैहान, क्षेत्रिय काेषाध्यक्ष विनय द्विवेदी, मंजय गिरी, गाउँपालिकाकाे स्वास्थ्य शाखा प्रमुख प्रभेन्द्र साह, कृषि शाखा प्रमुख दयानन्द चाैहान लगायतकाे उपस्थिती रहेकाे थियाे ।
२ कराेड ७३ लाखकाे लागतमा कृषि तथा पशुपन्छी सेवा केन्द्रकाे निर्माण
ग्रामिण उद्यम तथा आर्थिक विकास काँरिडाेरकाे रु २ कराेड ७३ लाखकाे लागतमा आधुनिक किसिमकाे सुविधा सम्पन्न कृषी तथा पशुपन्छी सेवा केन्द्रकाे भवन निर्माण भएकाे जगरनाथपुर गाउँपालिकाका कृषि शाखा प्रमुख दायानन्द चाैहानले वताए । उनका अनुसार जिल्लामा पहिलाे सुविधा सम्पन्न कृषि तथा पशुपन्छी सेवा केन्द्रकाे निर्माण भएकाे हाे ।
पर्साकाे ग्रामिण भेगमा संचालनमा आएकाे कृषी तथा पशुपन्छी सेवा केन्द्रबाट जगरनाथपुर गाउँपालिकाकाे साथ साथै साे क्षेत्रका कृषकहरु लभान्वित हुने कृषी शाखा प्रमुख चाैहानले वताए ।
