वीरगंज, १९ कात्तिक ।
जिल्ला प्रहरी कार्यालय पर्साले आज रु ३ लाख ५० हजार मूल्य बाराबरको विभिन्न किसिमको पटकाहरु नष्ट गरेको छ ।
दिपावली (तिहार) र छठ पर्वलाई लक्षित गरी जिल्ला प्रहरी तथा यस कार्यालय मातहतका कार्यालयहरुबाट समेत खटिएको टोलीले नियन्त्रणमा लिएको पटकाहरु स्थानिय भद्रभलादमी तथा संचारकर्मीहरुको रोहबरमा नष्ट गरिएको हो ।
सुरक्षार्थ खटिएको प्रहरी टोलीले वीरगंज रक्सौल सिमा नाकाहरुको विभिन्न स्थानहरुमा चेकजांच गर्ने क्रममा पटकाहरु पक्राउ गरेको थियो ।
वीरगंज,१९ कातिक । वीरगंज पब्लिक कलेजमा अध्ययनरत कक्षा ११ का बिद्यार्थीले मानव सेवा आश्रममा आईतबार खाना खुवाएका छन । कक्षा ११ को व्यवस्थापन संकायमा अध्ययनरत बिद्यार्थीले मानव सेवा आश्रममा रहेका ३० जनालाई एक छाकको खाना खुवाएका छन ।
कक्षा ११ मा अध्ययनतरत बिद्यार्थीले कक्षा भरीका बिद्यार्थी संग रकम संकलन गरी एक छाकको खाना खुवाएको कक्षा ११ मा अध्ययनरत बिद्यर्थी शिवनारायण यादवले जानकारी दिए ।
मानवको सेवा गर्ने उद्येश्यले एक छाकको खाना खुवाएर आशिस लिएको यादवले बताए । खाना खुवाउने कार्यक्रममा बिद्यार्थीहरु राजाबाबु रौनीयार, युवा शैलेश यादव लगायतका गरी २० जना बिद्यार्थीहरुको सहभागीता रहेको थियो
वीरगंंज, १९ कात्तिक ।
वीरगञ्जका युवा पत्रकार तिवारी यादवले २४ औ जन्मदिन मानव सेवा आश्रममा मनाएका छन । पत्रकार यादवले सोमबार मानवसेवा आश्रममा गएर दिउसोको खाजा वितरण गरि मनाएका छन् ।
राष्ट्रिय पत्रिका सौर्य दैनिक र वीरगञ्जको स्थानीय रेडियो नारायणी एफएममा कार्यरत यादवले मानव सेवा आश्रममा आफ्नो २४ औं जन्मदिन साक्षात ईश्वर आमाबुबाको आशीर्वाद लिएर आफ्नो वीरगंञ्ज स्थित मानवसेवा आश्रममा गएर ३० जना वृद्धबृध्दालाई खाजा वितरण गरेका छन् ।
जन्मोत्सव कार्यक्रममा पत्रकार निरज पिठाकोटे मगर, वृजलाल पासवान, सफल खतिवडा, माधुरी महतो, राकेश साह, लियो क्लब अफ वीरगञ्जका सचिव मेराज्ल हवारी, पुर्वअध्यक्ष रिसभराज अग्रवाल,दिपेन्द्र यादव, सरिता खड्गी ,सल्लाहकार ईश्क कुमार, शैलेश यादव, प्रकाश यादव, संजिव यादव लगायतको उपस्थिती रहेको थियो ।
वीरगंज, १९ कात्तिक । वीरगंज ३ छपकैयामा रहेको मदर्सा बरकतुल उलुमका अध्यक्ष प्रयाग अहमदले गैरकानुनी रुपमा संस्था सञ्चालन गरेपछि विवाद बढेको छ । ११४३ दर्ता नम्बर रहेको मदर्सा २०६५ सालमा जिल्ला प्रशासन कार्यालय पर्सामा दर्ता भएकोमा २०७० सालसम्म संस्थागत अध्यक्ष नैमुद्दिन अंसारीले नियमानुसार सञ्चालन गरेका थिए ।
७० सालमा पदावधि सकिएपछि नैमुद्दिनले निर्वाचीत भएका वर्तमान अध्यक्ष रेयाज अहमद भन्ने प्रयाग अहमदलाई जिल्ला प्रशासन कार्यालय पर्सा मार्फत संस्थाको सम्पुर्ण कागजात र हिसाब किताब बुझ बुझारथ गरेका थिए । त्यसयता संस्था सञ्चालन गर्दै आएका प्रयागले संस्थागत नियमलाई लत्याउने र नेपाल सरकारको प्रचलित कानुनलाई समेत धोती लगाएर मनमौजी ढंगले संस्था सञ्चालन गर्दै आएकोले कार्यसमितिकै सदस्यहरु विच नै विवाद बढेको आज वीरगंजमा पत्रकार सम्मेलनमा गरि जानकारी गराइएको छ ।
प्रत्येक वर्ष संस्थाको वार्षिक वाषलात तयारी पारी आन्तरीक राजश्व कार्यालयमा बुझाई सार्वजनिक गर्ने, वार्षिक साधरण सभा गर्ने र प्रत्येक वर्ष जिल्ला प्रशासन कार्यालय पर्सामा उक्त कागजात पेश गरी नविकरण गर्ने जस्ता कामलाई लत्याएर उनले व्यक्तिगत रुपमा झोलामा संस्था सञ्चालन गरीरहेको सदस्यहरुले आरोप लगाएका छन् ।
संस्थाका अध्यक्ष प्रयाग र कोषाध्यक्ष कलाम मियाँ ठकुराईको मिलोमतोमा चरम लापरवाहि र भ्रष्टाचार बढेपछि कार्यसमितिका सम्पुर्ण सदस्यहरुले मदर्साका कुनै पनि बैठक तथा कार्यक्रममा सहभागिता जनाएका छैन । दुई जनाले मात्रै संस्था सञ्चालन गर्दै आईरहेको पत्रकार समेेलनका सहभाागीलेे आरोप छ ।
कार्यसमितिका पदाधिकारी र स्थानिय अगुवा भद्र भलाद्मी समेतले बारम्बार संस्थालाई नियमपुर्वक चलाउन र हिसाब किताव पारदर्शी राख्न गरेको अनुरोध उनिहरुले लत्याउँदै आउँदा समेत त्यसको नियमनकारी निकाय वीरगंज महानगरपालिका र जिल्ला प्रशासन कार्यालय मुकदर्शक बनिरहेको सहभाागिको भनाई थियो ।
प्रयागको कार्यशैलिको विरोधमा विभिन्न समयमा जिल्ला प्रशासन कार्यालय र वीरगंज महानगरपालिकामा उजुरी परेको भएपनि कुनै कारवाहि हुन सकेको छैन । सम्बन्धीत निकायले कारवाहि नगर्दा गैरकानुनी काम गर्न अझै हौसीएका प्रयागले स्थानिय स्तरमा हुने भेला तथा छलफलमा समेत हिसाव किताव सार्वजनिक गर्न मानेका छैनन् ।
बढि गरिव, अतिविपन्न र अनाथ बालबालिकाहरु अध्ययन गर्ने उक्त मदर्सामा मुस्लीम समाजको तर्फबाट विभिन्न दान र रकमहरु उपलब्ध हुने गर्दछ । हालसम्म ५० आँै लाख भन्दा बढि भ्रष्टाचार भएको संस्थागत अध्यक्ष नैमुद्दिन अंसारीले पत्रकार सम्मेलनमा बताए ।
बालबालिकाहरुको बृत्ति विकास र अध्ययनका लागि आउने यस्ता सहयोग प्रयागले कोषाध्यक्ष कलाम मियाँ सँगको मिलोमतोमा आफ्नो गोजी भर्दै आएका छन् । प्रशासनले नै कारवाहि नगरेर प्रयागलाई भ्रष्टाचार गर्न उक्साईरहेको स्थानियको बुझाई रहेको छ ।
कार्यक्रममा संस्थापक अध्यक्ष नैमुद्दिन अंसारी, सनउल्लाह मंसुरी, कमरुद्दिन हवारी, महमद्दिन अंसारी, अब्बास मंसुरी, एमामुल हक अंसारी, महम्मद नुरुल, सम्सुद हवारी, नैमुद्धिन हवारी लगाएत स्थानियको सहभागिता रहेको थियो ।
वीरगन्ज, १९ कार्तिक । प्रेस संगठन नेपाल पर्साको आयोजना शुभ दिपावली (तिहार), नेपाल सम्बत ११३९ र छठ पर्वको अवसरमा शुभकामना अदान प्रदान कार्यक्रम अाज सप्पन्न भएको छ । वीरगन्जको रोयल पार्टी प्यालेसमा आयोजित कार्यक्रम बक्ताहरुले सुख शान्ति र समृद्धिको कामना गरेका थिए।
कार्यक्रममा नेकपाका पोलिटब्युरो सदस्य नागेन्द्र चौधरी ,प्रतिनिधि सभा सदस्य शेख चान्द तारा, प्रदेश सभा सदस्य ओमप्रकाश शर्मा, नेकपा नेताहरु छोटेलाल यादव, प्रभु हजरा, रहबर अन्सारी, नेपाल पत्रकार महासङ प्रदेश २ का अध्यक्ष दीपेन्द्र चौहान, उपाध्यक्ष केसी लामिछाने, पर्साका अध्यक्ष श्याम बन्जारा, पत्रकार महेश दास, बृजलाल पासवान लगायतकाले शुभकामना मन्तव्य राखेका थिए ।
प्रेस संगठन पर्साका अनुप तिवारीको अध्यक्षतामा भएको कार्यक्रमको सहजीकरण प्रेस संगठन पर्साका निरज पिठाकोटेले गरेका थिए ।
पर्सा, १९ कात्तिक ।
जगरनाथपुर गाउँपालिकाको दोस्रो गाउँ सभा सम्पन्न भएको छ । गाउँपालिकाका अध्यक्ष जालिम मियाँको अध्यक्षतामा भएका गाउँ सभाले आ.व. २०७५/०७६ को अनुमानित जम्मा आय ३८ करोड ९१ लाख २७ हजार बराबरको बजेट तथा कार्यक्रम तय गरेको छ । जस मध्य सर्शत तर्फ ११ करोड ९ हजार, पुजिगत तर्फ १७ करोड रहेको प्रमुख प्रशासकिय अधिकृत राज कुशवाहाले वताए । यस्तै शिक्षा तर्फ ५० लाख, समाजिक तथा आर्थिक विकास तर्फ १ करोड ३८ लाख, विपत व्यस्थापन तर्फ ५० लाख, स्वास्थ्य तर्फ ५० लाख बजेट छुट्टयाइएको अधिकृत कुशवाहाले जानकारी गराए ।
यस बर्ष मुख्य गरी दसवता गाउँको छेउमा रहेको नदिमा तटबन्ध निर्माण, गाउँपालिकाको आन्तिरिक आम्दनी बढाउन स्टाभेटर खरिद, दलित समुदायको बस्तीमा सोलार जडान, सामुदायिक भवन निर्माण, गाउँपालिका तथा वडा कार्यालयहरुमा इन्टरनेट जडान, सिचाईमा सहजताको लागि कृषकहरुलाई पम्पीसेट तथा टियुबेल वितरण लगायतको कार्यक्रम तय गरीएको गाउँपालिका अध्यक्ष जालिम मियाँले वताए ।
यस्तै श्री ने.रा. मा.वि. मसिहानीलाई १० प्लस २ बनाइने र गाउँपालिका अन्तर्गतका सम्पूर्ण विद्यालयहरु फर्निचरको व्यवस्था गरिने योजना रहेको अध्यक्ष मियाँले जानकारी गराए । गाउँ कार्यपालिकाको कार्यालय जगरनाथपुरमा भएको गाउँ सभामा गाउँपालिकाकी उपाध्यक्ष बिस्मिल्लाह खातुनले आ.व. २०७५/०७६ को पारित बजेट तथा कार्यक्रम प्रस्तुत गरेकी थिन । आइतबार सांझ अबेर सम्म सम्पन्न गाउँ सभामा गाउँ सभाका सम्पूर्ण सदस्यहरुको सहभागिता रहेको र सर्व सहम्मत गाउँ सभा सम्पन्न भएको वताइएको छ ।
बीरगंज १८ कात्तिक ।
आकाश एफएम १०१.९ मेगाहर्जले नेपालीहरुको चाड पर्वलाई मध्य नजर गर्दै भोलि सोमबार धनबर्षा कार्यक्रम संचालन गर्ने भएको छ । एफएमले धनतेरसको अवसरमा धनवर्षा कार्यक्रमको आयोजना गर्न लागेको र त्यसको सम्पुर्ण तयारी पुरा भएको एफएमका एमडि आशिक अंसारीले बताउनुभयो ।
एफिएमको स्टुडियोमा रहेको टेलिफोन नम्बर ०५१–५२८२० मा सम्पर्क गरी सहभागिता जनाउने सवै श्रोताहरुलाई चांदीका सिक्का, भाडाकुडा, मोबाइलको रिचार्ज कार्ड, पुजाको सामग्री लगायत थुप्रै आकर्षक उपहारहरु प्रदान गर्ने कार्यक्रम रहेको छ ।
कार्यक्रम बिहान १०.०० देखि सांझ ५ बजेसम्म संचालन गरिने भएको छ । कार्यक्रमको शुभरम्भमा पंडित पुरुषोत्तम दुबेले धनतेरस, दिपावलीको बारेमा चर्चा गरिने जानकारी दिनु भयो । विदेशमा रहेका नेपालीहरुकोलागि ह्वाटसएप नं. ९८४५५५५६५५ बाट सहभागीता जनाउन सकिने एमडि अंसारीले बताउनु भयो ।
बिरगंज महानगरपालिका भित्र बिगत केहि वर्षा देखि सवारी साधनको चाप निकै बढेको देखिन्छ । मुख्य बजार छेत्र भित्रक प्राय जसो मुख्य सडक, सहायक बाटो तथा गल्लीहरुमा सवारी साधानको अत्याधिक चाप बढेको छ । त्यहि बढदो सवारी चापको बिचमा इ रिक्सा तथा अटो रिक्शाहरुले झन् त्यहि व्यस्त सडक तथा गल्ली भित्र पसेर सारा बाटो नै अवरोध गरि स्थानिय ब्यापारी तथा पैदल किनमेल गर्नेहरुको लागि ठुलो चुनौती खडा गरेको देखिन्छ ।
रानीघाट देखि घन्टाघरको बाटो, गौशाल्ला देखि पानमण्डीको बाटो , लिंक रोड देखि मिनाबाज़ार र गहवा २ नं. रोडको बाटो, लोहारपट्टी देखि आदर्शानागारको बाटो लगायतका सहयाक सडकहरुको अवस्था एकदमै दैनिया र जतिखेर पनि जाम भएको हुन्छ । अनि जाम पनि यस्तो कि पैदल यात्रुहरुलाई समेत त्यस सहायक बाटो मार्फत आवत जावत गर्न कठिनाइ हुने गारेको छ ।
यी सबै त सधै भरि देखिने सामान्य समस्याहरु हुन् , हरिबिजोग त तब हुन्छ जब चाड बाडको बेला हुन्छ । मुख्य बजार भित्र जहा पस्यो त्यहि अव्यवस्थित पार्किङ्ग, पैदल हिड्ने गल्लीहरुमा इ रिक्शाको भीड, चार चक्के अन्य सवारीसाधनहरुको भिड, त्यहि बीचमा सडक ब्यापारीहरुको चापले गर्दा स्थानिय बजार पूर्ण रुपले प्रभावित भएको देखिन्छ ।
ई सबै समस्याहरुलाई देख्दा , कहिँ न कहिँ हामी लगायत सरोकार वाला निकायहरुले कमसे कम मेला अथवा चाड बाडको बेला साना तथा स्थानिय सार्वजानिक सवारीहरुको व्यवस्थापन गर्न आवस्यक देखिन्छ । बिरगंजको घण्टाघर देखि गिता मंदिर, माइस्थान, मिना बज़ार, लोहारपट्टी, आदर्शनगर, बजार छेत्र भित्रको मेनरोड लगायतका सहायक सडकहरु भित्र इ रिक्सा, अटो रिक्शा लगायतका सवारीहरूलाइ प्रबेसमा रोक लगाई पैदल हिडी किनमेल गर्ने माहोल बनाउन आवस्यक देखिन्छ ।
यसले चाडबाडको बेला व्यस्त बजार एवं सडकमा सवारी साधनको चाप घट्नेछ र स्थानिय बजार समेत प्रवर्धन हुनेछ । आफ्नो किनमेल सकेपछि व्यस्त बजार बाहिरबाट सवारी साधान मार्फत आफ्नो गन्तब्य तर्फ लग्न सकिने छ ।
यस्ता प्रयासहरु नेपालका थुप्रै सहरहरुमा प्रसस्तै देख्न सकिन्छ ।
सराेज चाैरसिया (नेता, नेवि संंघ )
वीरगंज, १८ कार्तिक ।
“मधेसको भ्रमण नगरी नेपाल भ्रमण पुरा हुदैन” भन्ने मुल नाराका साथ भिजिट मेधस नेपालको दुई दिने राष्ट्रिय सम्मेलन वीरगंजमा सम्पन्न भएको छ । कार्तिक १६ गते शुरु सम्मेलन तिन बुंदे घोषणा पत्र जारी गरी सम्पन्न भएको छ । सम्मेलनले तराई मधेसमा पर्यटन प्रवद्र्धनको लागि नयाँ उमंगका साथ उत्साह पुर्ण वातावरण तयार गर्न महा अभियान संचालन गर्ने, पर्यटकिय स्थलहरु/एतिहासिक पुरातात्विक धरोहरहरु तराई मधेसका मौलिक संस्कृति,भाषा एवं तराई मधेसका हरेक किसिमका पर्यटकिय सम्भाववनाहरुलाई विश्वव्यापी रुपमा डिजिटल प्रविद्धिबाट(वेव साईट र मोवाइल एप्सहरु) उजागर गर्ने र यो महा अभियानमा ग्लोबल मधेसीहरु, तिनै तहका सरकारहरु लगायत सम्बन्धित एवं ईच्छुक सवै पक्ष संग सहकार्य र समन्वय गर्ने निर्णय गरेको छ ।
सम्मेलनको सत्रहरुमा यस अभियानका ग्लोबल संयोजक राज सर्राफले यो अभियानको सन्र्दभमा विश्वव्यापी रुपमा जारी बिविन्न गतिबिधिको बारेमा भिडियो कन्फ्रेन्सको माध्यमले सहभागि प्रतिनिधिहरुलाई अवगत गराएका थिए । अभियानका राष्ट्रिय संयोजक ओमप्रकास सर्राफले अभियानको उद्देश्य , योजना र नितिको बारेमा प्रशिक्षण दिएका थिए । सर्राफले मधेसका पर्यटन क्षेत्रहरु ओझेलमा परेको भन्दै त्यसलाई विश्वसामु ल्याउन आफनो अभियान लागि पर्ने बताएका थिए ।
पर्यटन क्षेत्रले आर्थिक ,समाजिक ,साँस्कृतिक क्षेत्रमा महत्वपुर्ण योगदानदिने र तराई मधेसको पहिचानलाई अझ उजागर बनाउने भएकोले यो अभियानलाई विश्वव्यापिकरण गरिएको जानकारी दिए । प्रशिक्षण सत्रमा तराई मधेसका पर्यटकिय बहुआयमको बारेमा बरिष्ठ पत्रकार चन्द्रकिसोर झाले प्रशिक्षण दिएका थिए ।
सम्मेलनको उद्घाटन सत्रमा तराई मधेसका झापा देखि कञ्चनपुर सम्मका २२ जिल्लाका प्रतिनिधिहरुको सहभागिता रहेको थियो । सम्मेलन प्रदेश नम्बर २ का पर्यटन राज्यमन्त्री सुरेश कुमार मण्डलको प्रमुख आतिथ्यमा सम्पन्न भएको थियो । राज्यमन्त्री मण्डलले यो अभियानले तराई मधेसको काय पलट हुन सक्ने सम्भावना रहेकोले यो अभियान संग प्रदेश सरकार सहकार्य गर्न आतुर रहेको बताए ।
पर्सा, १८ कात्तिक ।
नारायणी सिचाई प्रणाली जल उपभोक्ता संस्था ब्लक नं. २, हरिहरपुर कार्यालय भवनको आज उदघाटन भएको छ । कालिकामाई गाउँपालिकाको वडा नं. ३, हरिहरपुरमा निर्माण भएको भवनको आई.डब्लु.आर.एम.टि. का प्राजेक्ट मनेजर शशी बहादुर बिष्टले उदघाटन गर्नु भयो ।
कार्यालय भवनको उदघाटन गर्दै मनेजर बिष्टले ब्लक नं. २ अन्तर्गतका ३ हजार हेक्टर जग्गा र ७० हजार मानवको भरनपोषणको जिम्मेवारी जल उपभोक्त समितिलाई रहेकोले इमन्दारी पूर्वक जिम्मेवारी निभाउन आग्रह गर्नु भयो ।
जल उपभोक्ता समिति बलक नं. २ का अध्यक्ष कुशुम देवी कलवारको अध्यक्षतामा भएको उदघाटन समाहरोहमा कार्यक्रमका विशिष्ट अतिथी उमेश सजकार, इन्जिनियर सुबोद्ध कुशवाहा, सुरेश प्रसाद साह, समितिका उपाध्यक्ष श्याकिशोर चौहान, सचिव मदन ठाकुर लगायतकाले मन्तव्य राखेका थिए ।
कार्यक्रमको संचालन प्रभु पटेलले गर्नु भएको थियो भने कार्यक्रका अतिथीहरुलाई स्वागत दिनेश प्रसाद कलवारले गर्नु भएको थियो । २४ लाखको लागतमा २ तल्ले ३ वटा कोठा र एउटा हल भएको भवनको निर्माण भएको जल उपभोक्ता समितिका सदस्य ताजिन्द्र साहले वताए ।
