पर्सा । नेपाल रेडक्रस सोसाइटी उप शाखा पोखरियाको सभापतिमा पुन भगवान प्रसाद कुर्मी सर्ब सहमत चयन भएका छन । उप शाखा पोखरियाको शनिबार सम्पन्न २९ औं अधिबेशनले कुर्मीको सभापतित्वमा ९ सदस्यि समिति चयन गरेको हो । जुन समितिमा विनोद गिरी, राजेश्वर रौनियार, पर्वत ठाकुर, हिमाञ्चल साह, विजय कुर्मी, चन्द भुषण प्रसाद, प्रयाज्ञ महतो, गोरख साह रहेका छन । यस्तै मनोनित सदस्यमा सुभ्रदा थापा सर्बसहमत चयन भएकी छिन ।
श्री जिल्ला उचांगल रामदेव कलवार मा.वि. पोखरियामा भएको अधिबेशनको उदघाटन सत्रमा आर्थिक बर्ष २०७४/०७५ को रु १७ लाख ६८ हजार ६ सय ४० बराबरको आय व्यय प्रस्तुत गरिएको थियो । समाहरोहमा पूर्व सांसद प्रधुमन चौहान, रामेश्वर रौनियार, पोखरिया नगरपालिकाका मेयर दिपनारायण रौनियार, नेपाल रेडक्रस सोसाइटी प्रदेश नं. २ का संयोजक फुलमहमद मियाँ, पर्सा शाखाका मन्त्री बिरेन्द्र राज कडेल, कोषाध्यक्ष महन्थ यादव, उप सभापति भागवती चौधरी लगायतकाले मन्तव्य राखेका थिए ।
कार्यक्रममा पत्रकार लालबाबु बानियाँलाई सम्मान समेत गरिएको थियो । पर्साको ग्रामिण भेगमा क्रियाशिल भई पत्रकारिता गर्दै आएका बानियाँले रेडक्रस उप शाखा पोखरियालाई सहयोग गरेको भन्दै दोसल्ला ओढाई प्रमाण पत्रले सम्मान गरिएको थियो ।
