Date
शुक्र, मंसिर ४, २०८३
Fri, November 20, 2026

वीरगंज–२७ कुहँडीमा दलित समुदाय त्रसित, घर तोडफोडदेखि खानेपानीको पाइप काट्नेसम्मका घटना

spot_img
spot_img

वीरगंज । वीरगंज महानगरपालिका वडा नं. २७ कुहँडीमा एक समूहको गतिविधिका कारण दलित समुदायका स्थानीय बासिन्दा त्रसित बनेका छन् । छठ पर्वको अन्तिम दिन गत सोमबार भएको सामान्य विवादपछि एक समूहले दलित समुदायका व्यक्तिहरूमाथि पटक–पटक आक्रमणको प्रयास गर्नुका साथै घर तोडफोड, खानेपानीको बोरिङको पाइप काट्ने र गालीगलौज गर्ने गरेको स्थानीयले बताएका छन् ।

स्थानीयका अनुसार सामान्य झगडालाई लिएर सुरु भएको विवादले उग्र रूप लिएपछि दलित समुदायका बासिन्दा असुरक्षित महसुस गरिरहेका छन् । विवादपछि उक्त समूहले दलित समुदायका व्यक्तिहरूलाई लक्षित गरी विभिन्न किसिमका गतिविधि गर्दै आएको उनीहरूको आरोप छ ।

दलित समुदायको बस्ती तुलनात्मक रूपमा कम र अर्को समुदायको बस्ती बढी रहेको कुहँडीमा बहुसंख्यकको आडमा आफूहरूमाथि दबाब र दुर्व्यवहार भइरहेको स्थानीय शेर बहादुर पासवानले वताए । घरमा तोडफोड गर्ने, खानेपानीका लागि प्रयोग हुँदै आएको बोरिङको पाइप काटिदिने तथा सार्वजनिक रूपमा गालीगलौज गर्ने घटनाले दैनिक जनजीवन प्रभावित भएको उनले वताए ।

घटनाका कारण स्थानीय दलित परिवारहरू घरबाहिर निस्कनसमेत डराउनुपर्ने अवस्था सिर्जना भएको रमेशर हजारले वताए । विवादका कारण गाउँमा सामाजिक सद्भावसमेत खल्बलिने जोखिम बढेको स्थानीयको चिन्ता छ ।

स्थानीयले घटनाको निष्पक्ष छानबिन गरी दोषीमाथि कानुनी कारबाही गर्न तथा दलित समुदायका परिवारको सुरक्षा सुनिश्चित गर्न सम्बन्धित प्रहरी प्रशासन माग समेत गरेका छन् । जातीय आधारमा हुने कुनै पनि प्रकारको विभेद, दुर्व्यवहार र हिंसा कानुनविपरीत हुने भएकाले घटनालाई गम्भीरतापूर्वक लिएर तत्काल आवश्यक कदम चाल्नुपर्ने स्थानीयको माग छ ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

पत्रकार सिंहमाथि आक्रमण, दोषीलाई कारबाही गर्न प्रेस चौतारीको माग

वीरगंज । पर्साको वीरगंज महानगरपालिका–१५ भेडियाहीमा दैनिक जागरण पत्रिकाका सम्पादक एवं प्रेस चौतारी नेपाल पर्साका सदस्य राजन कुमार सिंहमाथि कुटपिट भएको घटनाप्रति प्रेस चौतारी...

बालविवाह रोक्न पटेर्वा सुगौलीमा विवाहपूर्व उमेर प्रमाणीकरण अनिवार्य

वीरगंज । पर्साको पटेर्वा सुगौली गाउँपालिकामा बालविवाह रोकथामका लागि लागू गरिएको विवाहपूर्व उमेर प्रमाणीकरण तथा सिफारिस प्रणालीको प्रभावकारी कार्यान्वयनका विषयमा अन्तरक्रिया कार्यक्रम सम्पन्न भएको...

भारतमा ७६.६६ ग्राम लागुऔषधसहित नेपाली नागरिक पक्राउ

वीरगन्ज । भारतको आदापुरस्थित श्यामपुर चोकबाट ७६.६६ ग्राम स्म्याकजस्तो देखिने लागुऔषधसहित एक नेपाली नागरिक पक्राउ परेका छन् । भारत–नेपाल सीमा क्षेत्रमा लागुऔषध तस्करी नियन्त्रणका लागि...