Date
बिहि, मंसिर ३, २०८३
Thu, November 19, 2026

बारामा ईभीको ठक्करबाट स्कुटर चालकको मृत्यु, श्रीमती घाइते

spot_img
spot_img

बारा । बाराको जितपुरसिमरा उपमहानगरपालिका–२२ स्थित ४ नम्बर पुलमा ईभीको ठक्करबाट स्कुटर चालकको मृत्यु भएको छ भने उनकी श्रीमती घाइते भएकी छन् ।

जिल्ला प्रहरी कार्यालय बाराका अनुसार पूर्व–पश्चिम राजमार्गअन्तर्गत उक्त स्थानमा बिहीबार दिउँसो करिब १२ः०५ बजे वीरगन्जबाट काठमाडौं जाँदै गरेको बा.०१–००६ ख ९८३६ नम्बरको ईभीले विपरीत दिशाबाट आउँदै गरेको बा.०२–०३७ प ८५२८ नम्बरको स्कुटरलाई ठक्कर दिएको थियो ।

दुर्घटनामा स्कुटर चालक सिन्धुलीको हरिहरपुरगढी गाउँपालिका–५ निवासी करिब ६० वर्षीय निरबहादुर वाइबा गम्भीर घाइते भएका थिए । उनलाई उपचारका लागि परवानीपुरस्थित एलएस न्युरो अस्पताल पुर्‍याइए पनि चिकित्सकले दिउँसो १ः२१ बजे मृत घोषणा गरेका थिए ।

दुर्घटनामा स्कुटरको पछाडि सवार उनकी ५६ वर्षीया श्रीमती माइलीमाया तामाङ घाइते भएकी छन् । उनको टाउको, हात, खुट्टा र ढाडमा चोट लागेको प्रहरीले जनाएको छ । उनको हेटौँडा अस्पतालमा उपचार भइरहेको र अवस्था मध्यम रहेको जिल्ला प्रहरी कार्यालय बाराका प्रवक्ता एवं प्रहरी नायब उपरीक्षक मीनबहादुर घलेले जानकारी दिए ।

दुर्घटनापछि प्रहरी चौकी अमलेखगञ्जबाट प्रहरी वरिष्ठ नायब निरीक्षक प्रकाश खत्रीको कमाण्डमा चार जनाको टोली घटनास्थलमा खटिएको थियो ।

ईभी चालक झापाको बिर्तामोड नगरपालिका–५ पाथीभरा निवासी करिब ५० वर्षीय रमेश प्रसाईँ रहेको प्रहरीले जनाएको छ । दुर्घटनामा संलग्न ईभी र स्कुटरलाई इलाका प्रहरी कार्यालय अमलेखगञ्जले नियन्त्रणमा लिएको प्रवक्ता घलेले जानकारी दिए ।

spot_img

ताजा अपडेट

spot_img
spot_img
spot_img

LEAVE A REPLY

Please enter your comment!
Please enter your name here

थप समाचार

भारतमा ७६.६६ ग्राम लागुऔषधसहित नेपाली नागरिक पक्राउ

वीरगन्ज । भारतको आदापुरस्थित श्यामपुर चोकबाट ७६.६६ ग्राम स्म्याकजस्तो देखिने लागुऔषधसहित एक नेपाली नागरिक पक्राउ परेका छन् । भारत–नेपाल सीमा क्षेत्रमा लागुऔषध तस्करी नियन्त्रणका लागि...

भीमफेदी सुमो दुर्घटना : तीनको ज्यान गयो, सात घाइते

मकवानपुर । मकवानपुरको भीमफेदी गाउँपालिका–१ भैंसेमा बिहीबार बिहान भएको टाटा सुमो दुर्घटनामा मृत्यु भएका तीनै जना र घाइते सातै जनाको पहिचान खुलेको छ । दुर्घटनामा...

चीनमा पदक जित्नेका तीन खेलाडीलाई महानगरबाट सम्मानित

वीरगन्ज । चीनमा आयोजित अन्तर्राष्ट्रिय तेक्वान्दो प्रतियोगितामा पदक जित्न सफल वीरगन्जका तीन जना खेलाडीलाई वीरगन्ज महानगरपालिकाले सम्मान गरेको छ । चीनको सान्या सहरमा गत सेप्टेम्बर...