वीरगंज । नेपाली कांग्रेसका सभापति एवं पूर्वप्रधानमन्त्री शेरबहादुर देउवाले संविधानसभा सदस्य तथा नेपाली कांग्रेस पर्साका पूर्वसभापति राजेन्द्रबहादुर अमात्यको निवासमा पुगेर उहाँको स्वास्थ्य अवस्थाबारे जानकारी लिनुभएको छ ।
देउवाले अमात्यको स्वास्थ्य अवस्थाबारे जानकारी लिनुका साथै शीघ्र स्वास्थ्यलाभको कामनासमेत गर्नुभएको कांग्रेस वीरगंज महानगर समितिका सभापति मनाेज साहले जानकारी दिए ।
सो अवसरमा पर्सा जिल्ला तथा समग्र मधेश प्रदेशको समसामयिक राजनीतिक अवस्था, पार्टीको संगठन सुदृढीकरण र भावी राजनीतिक दिशाका विषयमा समेत छलफल भएको थियो ।
भेटघाटमा अमात्यका परिवारका सदस्यहरूका साथै नेपाली कांग्रेसको १५औँ महाधिवेशन तयारी समिति, पर्साका संयोजक विजय कर्ण, वरिष्ठ नेता शम्भु चौहान तथा चेम्बर अफ कमर्शका केन्द्रीय सदस्य विश्वनाथ खनाललगायतको उपस्थिति रहेको थियो ।








