वीरगंज । नेपाली कांग्रेस पर्सा क्षेत्र नम्बर ४ को क्षेत्रीय सभापतिमा श्रीकान्त प्रसाद यादव पुनः सर्वसम्मत चयन भएका छन् । आइतबार जगरनाथपुर गाउँपालिका–५ मसिहानीमा सम्पन्न कांग्रेसको क्षेत्रीय अधिवेशनबाट यादव दोस्रो कार्यकालका लागि सभापतिमा सर्वसम्मत चयन भएका हुन् । यादव जगरनाथपुर गाउँपालिकाका अध्यक्षसमेत हुन् ।
क्षेत्रीय सचिवमा बलिष्टर अहमद र सहसचिवमा सञ्जय चौधरी पुनः सर्वसम्मत चयन भएका छन् । यस्तै क्षेत्रीय समिति सदस्यमा अर्जुन तिवारी, गोपीचन राउत कुर्मी, सरेश प्रसाद कुशवाहा, अरुण कुमार अधिकारी, प्रभु प्रसाद चौहान, रञ्जन कुमार चौरसिया र बालकेश्वर राम सर्वसम्मत चयन भएका छन् ।
अधिवेशनबाट कांग्रेसको १५औँ महाधिवेशनका लागि महाधिवेशन प्रतिनिधिमा पूर्व उद्योगमन्त्री रमेश रिजाल, प्रदेश सरकारका वनमन्त्री शंकर चौधरी, जिल्ला सहसचिव नवीन सिंह, तबरेज अहमद, सहरुम राउत गदी, किशोरी प्रसाद कानु, पञ्चानन्द मिश्र, रेखा चौधरी, गोमा उपाध्याय, गीता विष्ट र शोभा शर्मा सर्वसम्मत चयन भएका छन् ।
निर्वाचन अधिकृत कमलमोहन पोखरेलका अनुसार क्षेत्र नम्बर ४ (क) प्रदेशसभा निर्वाचन क्षेत्रको सभापतिमा जीवनकृष्ण सापकोटा चयन भएका छन् । उपसभापतिमा मनमोहन महतो थारु, सचिवमा मुकेश महतो तथा सहसचिवमा ललिता देवी र सेवालाल महतो कोइरी चयन भएका छन् ।
सोही प्रदेशसभा निर्वाचन क्षेत्रबाट प्रदेश अधिवेशन प्रतिनिधिमा नवराज फुयाँल, नेपाली प्रसाद कुशवाहा, अफताब मियाँ, दीपेन्द्र चौहान, अनोज चौधरी, सुरेन्द्र महतो, केशव खड्का, रुना माझी, बबिता सिंह क्षेत्रीलगायत २४ जना निर्वाचित भएका छन् ।
निवर्तमान क्षेत्रीय सभापति श्रीकान्त यादवको अध्यक्षता तथा पूर्वमन्त्री रमेश रिजालको प्रमुख आतिथ्यतामा अधिवेशन सम्पन्न भएको क्षेत्रीय सचिव बलिष्टर अहमदले जानकारी दिए ।
