वीरगंज । नेपाली कांग्रेसको १५औँ महाधिवेशनअन्तर्गत पर्साको जगरनाथपुर गाउँपालिकाको अधिवेशन शुक्रबार सम्पन्न भएको छ । अधिवेशनबाट गाउँपालिका सभापतिमा विहारी महतो नुनिया निर्विरोध निर्वाचित भएका छन् ।
त्यसैगरी उपसभापतिमा ओमकार प्रसाद यादव (गुडु) र सीमा देवी, सचिवमा राजेश राम तथा सहसचिवमा नागेन्द्र चौधरी निर्विरोध निर्वाचित भएका छन् ।
गाउँपालिका समितिको सदस्यमा राकेश साह, बृजलाल राय, सीताराम थारु, गणपत साह कानु, आरती कुमारी, मोना देवी र मनोरमा देवीलगायत निर्विरोध निर्वाचित भएको निर्वाचन अधिकृत अशोक साहले जानकारी दिए ।
जगरनाथपुर गाउँपालिका–५ झखरा मसिहानीमा सम्पन्न अधिवेशनमा गाउँपालिका अध्यक्ष एवं नेपाली कांग्रेस पर्सा क्षेत्र नं. ४ का सभापति श्रीकान्त प्रसाद यादव, क्षेत्रीय कोषाध्यक्ष विनय भुषण द्विवेदी, स्थानीय नेता नागेन्द्र चौहानलगायतको उपस्थिति रहेको थियो ।
