वीरगंज । नेपाली कम्युनिष्ट पार्टी (नेकपा) पर्साले जिल्ला एकता समायोजन, शपथ ग्रहण तथा प्रशिक्षण कार्यक्रमको मिति परिवर्तन गरेको छ ।
यसअघि २०८३ असोज ११ गते आयोजना गर्ने तय गरिएको कार्यक्रम मौसम पूर्वानुमानअनुसार असोज ८ देखि १२ गतेसम्म प्रतिकूल मौसमको सम्भावना रहेकाले असोज १४ गते सारिएको नेकपा पर्साका संयोजक जयप्रकाश थारूले जानकारी दिए ।
नेकपा संयोजक एवं पूर्वप्रधानमन्त्री पुष्पकमल दाहाल ‘प्रचण्ड’को प्रमुख आतिथ्यता तथा सहसंयोजक एवं पूर्वप्रधानमन्त्री माधवकुमार नेपालको विशिष्ट आतिथ्यतामा कार्यक्रम आयोजना हुने जनाइएको छ ।
परिवर्तित कार्यतालिकाअनुसार कार्यक्रम असोज १४ गते बिहान १० बजेदेखि वीरगंज नगर सभा गृहमा हुनेछ ।
नेकपा पर्साले पार्टीका सम्पूर्ण केन्द्रीय समिति सदस्य, मधेश प्रदेश समिति सदस्य तथा जिल्ला समिति सदस्यहरूलाई समयमै कार्यक्रममा सहभागी भई कार्यक्रमलाई भव्य र सभ्य रूपमा सफल बनाउन आग्रह गरिएकाे नेकपा पर्साका सह इन्चार्ज मनाेज चाैधरीले वताए ।
