वीरगंज । नेपाली कांग्रेसको १५औँ महाधिवेशनअन्तर्गत वीरगंज महानगरपालिका–१२ मुर्लीको वडा अधिवेशन सम्पन्न भएको छ ।
अधिवेशनबाट वडा सभापतिमा जवाहरलाल प्रसाद निर्विरोध चयन हुनुभएको छ । त्यस्तै, उपसभापतिमा मनीर मन्सुरी र महिला उपसभापतिमा अनीता छेत्री चयन हुनुभएको छ ।
यस्तै, सचिवमा सन्तोष कर्ण तथा सहसचिवमा अनिल ओझा चयन हुनुभएको जनाइएको छ । अधिवेशनबाट वडा कार्यसमितिका अन्य आठ जना सदस्यसमेत चयन भएका छन् ।
अधिवेशनले आगामी महाधिवेशनका लागि २३ जना क्षेत्रीय प्रतिनिधि समेत चयन गरेको छ ।
वडा अधिवेशनमार्फत स्थानीय तहमा पार्टीको संगठनात्मक संरचना निर्माण गर्नुका साथै आगामी महाधिवेशनका लागि आवश्यक प्रतिनिधि चयन गरिएको नेपाली कांग्रेसले जनाएको छ ।
