वीरगंज । पर्साको पकाहाँ मैनपुर गाउँपालिका–२ का वडाध्यक्ष पदका लागि दिपेन्द्र चौहानले आफ्नो उम्मेदवारी घोषणा गरेका छन् । उनले आगामी स्थानीय तहको निर्वाचनमा नेकपा एमालेबाट वडाध्यक्ष पदमा उम्मेदवारी दिने तयारी गरेका हुन् ।
चौहानले वडा विकास, स्थानीय आवश्यकता र युवा पुस्ताको सहभागितालाई प्राथमिकतामा राख्दै आफ्नो उम्मेदवारी घोषणा गरेको बताएका छन् ।
उनको उम्मेदवारी घोषणासँगै स्थानीयस्तरमा युवा पुस्ताको राजनीतिक सहभागिता र वडा विकासका विषयमा चर्चा सुरु भएको छ । वडाबासीका अनुसार चौहानले स्थानीय आवश्यकता पहिचान गरी विकास निर्माण तथा जनसरोकारका विषयलाई प्राथमिकतामा राख्ने धारणा जनतामाझ प्रस्तुत गर्दै आएका छन् ।
स्थानीयहरूले चौहानको उम्मेदवारीलाई वडा विकासमा युवाको सहभागिता बढाउने प्रयासका रूपमा लिएका छन् । आगामी निर्वाचनलाई लक्षित गर्दै उनले वडाबासीसँग भेटघाट तथा स्थानीय समस्या र आवश्यकताबारे छलफललाई समेत अघि बढाउने तयारी गरेका छन् ।
