वीरगंज । वीरगंज महानगरपालिका–१ नैकाटोलास्थित सीमावर्ती क्षेत्रबाट सशस्त्र प्रहरीले करिब ७ लाख रुपैयाँ बराबरको मोबाइल पार्ट्स बरामद गरेको छ ।
सशस्त्र प्रहरी बल, नेपाल बीओपी सिर्सियाबाट खटिएको टोलीले शुक्रबार भारतबाट अवैध रूपमा भन्सार छली नेपालतर्फ ल्याउँदै गरेको अवस्थामा मोबाइल पार्ट्स बरामद गरेको हो ।
सशस्त्र प्रहरीका अनुसार बरामद मोबाइल पार्ट्सको अन्दाजी मूल्य ६ लाख ९८ हजार ४ सय ५० रुपैयाँ रहेको छ । बरामद सामान आवश्यक कारबाहीका लागि सम्बन्धित निकायमा बुझाइएको सशस्त्र प्रहरी बल नेपालले जनाएको छ ।
