वीरगंज । प्याब्सन पर्सा र प्याब्सन वीरगंजको आयोजनामा सम्पन्न प्याब्सन स्मार्ट माइन्ड्स २०८३ को जुनियरतर्फको उपाधि ओम नेसनल एकेडेमीले जितेको छ ।
फाइनलमा उत्कृष्ट प्रदर्शन गर्दै ओम नेसनल एकेडेमीले कुल १५० अंक प्राप्त गरी प्रथम स्थान हासिल गरेको हो । एसआर ग्यालेक्सी एकेडेमी १४० अंकसहित दोस्रो, गौतम माध्यमिक विद्यालय ७५ अंकसहित तेस्रो भएका छन् ।
त्यस्तै, लिटल एन्जेल्स स्कुल ३५ अंकसहित चौथो तथा मास्कट एकेडेमी ३० अंकसहित सान्त्वना स्थानमा रहे ।
प्रतियोगिताको जुनियरतर्फ कुल २९ विद्यालयको सहभागिता रहेको थियो । फाइनलमा सहभागी पाँचवटै विद्यालयले यसअघि सम्पन्न विभिन्न समूहका क्वालिफिकेसन राउन्डमा समूह विजेता बन्दै फाइनलमा स्थान सुरक्षित गरेका थिए ।
लिटल एन्जेल्स स्कुल, ज्योतिनगरमा आयोजित पुरस्कार वितरण समारोह प्याब्सन पर्साका अध्यक्ष सरोजप्रसाद चौधरी र प्याब्सन वीरगंजका अध्यक्ष राहुल श्रीवास्तवको अध्यक्षतामा सम्पन्न भएको थियो ।
कार्यक्रममा प्याब्सन मधेश प्रदेशका उपाध्यक्ष इमामुद्दिन अहमद, सल्लाहकार लालबाबु पटेल, प्याब्सन पर्साका सल्लाहकार हरिश्याम ठाकुर, वरिष्ठ उपाध्यक्ष सुशीला साह, उपाध्यक्ष वीरेन्द्र यादव, प्याब्सन वीरगंजका नगर सदस्य विजय बललगायतको उपस्थिति रहेको थियो । उनीहरूले विजेता तथा उपविजेता विद्यालयका सहभागी विद्यार्थीलाई पुरस्कार तथा प्रमाणपत्र वितरण गरेका थिए ।
कार्यक्रममा लिटल एन्जेल्स स्कुलका प्रधानाध्यापक सन्नी पाख्रिन तथा प्याब्सन वीरगंजका अध्यक्ष सुरज बाबु पटेललगायतको पनि उपस्थिति रहेको थियो ।
प्रतियोगिताको क्विज सञ्चालन प्याब्सन वीरगंजका सचिव अमित आलोकले गरेका थिए । प्रतियोगिताले विद्यार्थीको ज्ञान, तर्कशक्ति, आत्मविश्वास तथा प्रतिस्पर्धात्मक क्षमताको विकासमा महत्वपूर्ण योगदान पुर्याएको आयोजकले जनाएको छ ।
