वीरगंज । पर्साकाे छिपहरमाई गाउँपालिका वडा नं. ४ मा राष्ट्रिय स्वतन्त्र पार्टी (रास्वपा) अगुवा कार्यकर्ता भेला सम्पन्न भएको छ । वडा सभापति राज पाण्डेको सभापतित्व र रास्वपा पर्सा क्षेत्र नं. ४ का सभापति जितेन्द्र मिश्र प्रमुख अतिथ्यतामा भेला सम्पन्न भएकाे हाे ।
भेलामा आगामी स्थानीय तहको निर्वाचनलाई लक्षित गर्दै पार्टी संगठनलाई थप सशक्त बनाउने, वडा तहमा संगठन विस्तार गर्ने तथा कार्यकर्तालाई सक्रिय र संगठित बनाउने विषयमा छलफल गरिएको थियो ।
कार्यक्रममा जनताको आवाज, सुशासन र परिवर्तनको अभियानलाई थप मजबुत बनाउँदै वडा तहदेखि नै पार्टी संगठनलाई प्रभावकारी बनाउने प्रतिबद्धता व्यक्त गरिएको थियो ।
भेलामा मुना बर्मा, चुनमुन सिंहलगायत अगुवा कार्यकर्ताहरूको उपस्थिति रहेको थियो । कार्यक्रमले आगामी निर्वाचनका लागि वडा तहमा संगठनात्मक गतिविधि तीव्र बनाउने सन्देश दिएको आयोजकले जनाएको छ ।
