वीरगंज । रसुवा जिल्लामा आएको बाढीबाट प्रभावित तथा पीडित परिवारका लागि जेन जि युथ फोर्स पर्साले राहत सामग्री संकलन अभियान सुरु गरेको छ ।
जेन जि पर्साले आजदेखि वीरगंजस्थित माइस्थान मन्दिरको प्राङ्गणमा राहत सामग्री संकलन अभियान सञ्चालन गरेको हो । अभियानमार्फत बाढीपीडितका लागि आवश्यक खाद्यान्न तथा अन्य सामग्री संकलन गरिने जेन जि युथ फाेर्स पर्साका अध्यक्ष विशेष साहले जानकारी दिए ।
उनका अनुसार बाढीबाट प्रभावित परिवारलाई तत्काल राहत पुर्याउने उद्देश्यले अभियान सुरु गरिएको हो । अभियानअन्तर्गत बिस्कुट, चाउचाउ, पानी, चिउरा, जुस तथा ड्रिङ्क पाउडर, औषधि लगायतका आवश्यक खाद्य तथा राहत सामग्री संकलन गरिनेछ ।
जेन जि पर्साले मानवीय सेवाको यस अभियानमा वीरगंज तथा पर्सावासीसहित सम्पूर्ण सहयोगी मनहरूलाई आफ्नो क्षमताअनुसार राहत सामग्री सहयोग गर्न अपिल गरेको छ ।
संकलित राहत सामग्री रसुवा बाढीबाट प्रभावित परिवारसम्म पुर्याइने जनाइएको छ ।
