Date
मङ्ल, मंसिर १, २०८३
Tue, November 17, 2026

स्रोत नखुलेको ५१ लाख ३४ हजार रुपैयाँसहित महतो पक्राउ

spot_img
spot_img

सर्लाही । स्रोत नखुलेको ५१ लाख ३४ हजार रुपैयाँसहित सर्लाही प्रहरीले एक जनालाई पक्राउ गरेको छ । भारतबाट सर्लाहीको वयलबासतर्फ हुण्डी कारोबारको रकम लिएर आउँदै गरेको सूचनाका आधारमा प्रहरीले रकमसहित एक जनालाई नियन्त्रणमा लिएको हो ।

मंगलबार भारतबाट ज.१० प ८६५२ नम्बरको स्कुटरमा रकम लिएर आउँदै गरेको सूचनापछि जिल्ला प्रहरी कार्यालय सर्लाहीबाट खटिएको प्रहरी टोलीले ब्रह्मपुरी गाउँपालिका–२ स्थित राजदेवी मन्दिर अगाडि स्कुटर रोकेर चेकजाँच गरेको थियो ।

चेकजाँचका क्रममा स्कुटरमा सवार व्यक्तिले बोकेको कालो झोलाभित्र लुकाइछिपाई राखेको अवस्थामा विभिन्न दरका नेपाली नोट बरामद भएको प्रहरीले जनाएको छ ।

प्रहरीका अनुसार १ हजार रुपैयाँ दरका ३ हजार ५०० थान, ५ सय रुपैयाँ दरका ३ हजार १०८ थान, १ सय रुपैयाँ दरका ७०० थान र ५० रुपैयाँ दरका २०० थान नोट बरामद भएको हो । बरामद रकमको कुल मूल्य ५१ लाख ३४ हजार रुपैयाँ रहेको छ।

रकमसँगै प्रहरीले ज.१० प ८६५२ नम्बरको स्कुटर र Redmi कम्पनीको एउटा मोबाइलसमेत बरामद गरेको छ । पक्राउ पर्नेमा महोत्तरीको गौशाला नगरपालिका–१२ बस्ने ५७ वर्षीय जगन्नाथ महतो कोइरी रहेका छन् ।

पक्राउ परेका महतो तथा बरामद रकम र अन्य सामग्रीमाथि थप अनुसन्धान भइरहेको जिल्ला प्रहरी कार्यालय सर्लाहीका प्रवक्ता प्रहरी नायव उपरीक्षक वेदप्रसाद गौतमले जानकारी दिए ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

बर्वा छठघाटमा डिजेको आतंक मच्चाउने पाँच जना प्रहरी नियन्त्रणमा

वीरगञ्ज । छठघाटमा ठूलो आवाजमा डिजे बजाएर सार्वजनिक स्थलमा अशान्ति मच्चाएको तथा शान्ति सुरक्षामा खलल पुर्‍याएको आरोपमा पर्सा प्रहरीले पाँच जनालाई पक्राउ गरेको छ...

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...