वीरगंज । नेकपा एमालेका नेता रुपेश पाण्डेले अन्तर्राष्ट्रिय युवा दिवसको अवसरमा देश तथा विदेशमा रहेका सम्पूर्ण युवाहरूमा शुभकामना व्यक्त गरेका छन् ।
युवा केवल भविष्य नभई वर्तमानको शक्ति र राष्ट्र निर्माणका मुख्य संवाहक रहेको उल्लेख गर्दै पाण्डेले युवाको ऊर्जा, सोच, क्षमता र सिर्जनशीलतालाई सही अवसर र नेतृत्वसँग जोड्न सके समृद्ध तथा आत्मनिर्भर समाज निर्माण गर्न सकिने बताएका छन् ।
सामाजिक सञ्जालमार्फत शुभकामना व्यक्त गर्दै उनले पर्साका युवाहरूको आवाज, सपना र सम्भावनालाई सम्मान गर्दै युवाको सहभागिता, नेतृत्व र अवसरलाई अझ बलियो बनाउने संकल्प गर्नुपर्नेमा जोड दिएका छन् ।
अन्तर्राष्ट्रिय युवा दिवसले युवाको भूमिका, क्षमता र योगदानलाई थप उजागर गर्दै समाज तथा राष्ट्र निर्माणमा युवाको अर्थपूर्ण सहभागिताका लागि प्रेरणा प्रदान गर्ने उनले बताएका छन् ।
