वीरगंज । पर्साको पटेर्वा सुगौली गाउँपालिका–३ सोनबर्साबाट १०५ किलो लागुऔषध गाँजासहित एक भारतीय नागरिक पक्राउ परेका छन् ।
सोमबार राति करिब ९ बजेको समयमा इलाका प्रहरी कार्यालय पटेर्वा सुगौली र इलाका प्रहरी कार्यालय ठोरीबाट खटिएको संयुक्त प्रहरी टोलीले गाँजासहित भारत बिहार राज्य, बेतिया जिल्ला, उजहरुपरजिलवा भागा श्रीनगर–३ बस्ने अन्दाजी ५० वर्षीय सउरु चौधरीलाई पक्राउ गरेको हो ।
प्रहरीका अनुसार चेकजाँचका क्रममा चौधरीको साथबाट १०५ किलो गाँजा बरामद भएको थियो । पक्राउ परेका चौधरीलाई नियन्त्रणमा लिएर घटनाबारे थप अनुसन्धान भइरहेको प्रहरी प्रधान कार्यालयले जनाएको छ ।
