Date
सोम, कार्तिक ३०, २०८३
Mon, November 16, 2026

सुबोध स्मृति पत्रकारिता पुरस्कार गौतमलाई, अन्य पाँच जना पनि सम्मानित हुने

spot_img
spot_img

वीरगंज । प्रतीक दैनिकले प्रदान गर्दै आएको सुबोध स्मृति पत्रकारिता पुरस्कार यस वर्ष वीरगंजका पत्रकार महेशचन्द्र गौतमलाई प्रदान गर्ने निर्णय गरेको छ । प्रतीक प्रकाशन समूहको शनिबार बसेको बैठकले पत्रकारिता क्षेत्रमा गौतमले पुर्‍याएको योगदानको कदर गर्दै उक्त पुरस्कार प्रदान गर्ने निर्णय गरेको हो ।

प्रतीक प्रकाशन समूहको ४०औँ वार्षिकोत्सवका अवसरमा आगामी भदौ १ गते आयोजना हुने समारोहमा गौतमलाई ५१ हजार रुपैयाँ राशिको सुबोध स्मृति पत्रकारिता पुरस्कार प्रदान गरिने जनाइएको छ । गौतम वीरगंजबाट प्रकाशित सर्व राष्ट्रिय दैनिकका प्रकाशक तथा सम्पादक हुन् ।

यसैगरी, प्रतीक दैनिकले गत वर्षदेखि प्रदान गर्न थालेको स्वर्गीय चिरञ्जीवी कोइराला पत्रकारिता पुरस्कार यस वर्ष पत्रकार अर्जुन चौधरीलाई प्रदान गर्ने निर्णय गरेको छ । उक्त पुरस्कारको राशि १५ हजार रुपैयाँ रहेको छ ।

प्रतीक दैनिकले पत्रकारिता तथा सञ्चार क्षेत्रमा योगदान पुर्‍याउने सञ्चारकर्मी तथा व्यक्तित्वलाई सम्मान गर्ने उद्देश्यले विभिन्न पुरस्कार तथा सम्मान प्रदान गर्दै आएको जनाएको छ ।

यसैक्रममा, प्रतीक दैनिकमा नियमित रूपमा स्तम्भ लेखन गर्दै आएका स्तम्भकार राजेन्द्र कोइरालालाई पनि स्तम्भकार पुरस्कार प्रदान गर्ने निर्णय गरिएको छ । त्यस्तै, प्रतीक दैनिकका ठोरी संवाददाता चिरञ्जीवी सापकोटा र सहायक मेसिन अपरेटर विजय श्रेष्ठलाई समेत वार्षिकोत्सव समारोहमा पुरस्कृत गरिने भएको छ ।

आगामी भदौ १ गते हुने ४०औँ वार्षिकोत्सव समारोहमा पुरस्कार तथा सम्मान वितरणसँगै प्रतीक दैनिकको विगत, वर्तमान अवस्था र आगामी योजनाबारे समेत चर्चा गरिने जनाइएको छ । प्रतीक दैनिकले प्रत्येक वर्ष आफ्नो वार्षिकोत्सवका अवसरमा पत्रकारिता तथा विभिन्न क्षेत्रमा योगदान पुर्‍याउने व्यक्तित्वलाई सम्मान गर्दै आएको छ ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...

छठका दिन घाट क्षेत्रमा माछा–मासु र मदिरा बिक्री तथा सेवन गर्न नपाइने

वीरगञ्ज । छठ पर्वलाई सुरक्षित, सभ्य र मर्यादित रूपमा सम्पन्न गर्न जिल्ला प्रशासन कार्यालय पर्साले पटका, आतिसबाजी तथा विस्फोटकजन्य पदार्थको ओसारपसार, बिक्री वितरण र...