Date
सोम, कार्तिक ३०, २०८३
Mon, November 16, 2026

१३ दिनदेखि शवगृहमा लक्ष्मी सिलवालको शव, माइती पक्षद्वारा पुनः अनुसन्धानको माग

spot_img
spot_img

वीरगंज । पर्साको सखुवा प्रसौनी गाउँपालिका–१ सिद्धपुरमा मृत अवस्थामा फेला परेकी ३७ वर्षीया लक्ष्मी खड्का सिलवालको शव १३ दिनदेखि वीरगंजस्थित नारायणी अस्पतालको शवगृहमा राखिएको छ । पोस्टमार्टम प्रतिवेदनप्रति असहमति जनाउँदै माइती पक्षले शव बुझ्न अस्वीकार गरेपछि शव अझै अस्पतालमै रहेको हो ।

ठोरी गाउँपालिका–३ रामनगर माइती भएकी तथा दुई सन्तानकी आमा लक्ष्मी साउन ६ गते बिहान आफ्नै घर नजिकैको गोठमा झुण्डिएको अवस्थामा फेला परेकी थिइन् । घटनालगत्तै माइती पक्षले उनको आत्महत्या नभई हत्या गरेर घटनालाई आत्महत्याको रूप दिइएको आरोप लगाउँदै आएको छ ।

सोमबार वीरगंजमा आयोजित पत्रकार सम्मेलनमा मृतकका आफन्तले पोस्टमार्टम प्रतिवेदनप्रति गम्भीर असन्तुष्टि जनाउँदै घटनाको निष्पक्ष, पारदर्शी र वैज्ञानिक ढंगले पुनः अनुसन्धान गर्न माग गरेका छन् ।

मृतकका मामा इन्द्रबहादुर बस्नेतले लक्ष्मीलाई उनका पति सुधिर सिलवाल, सासु–ससुरा तथा परिवारका अन्य सदस्यले कुटपिट गरी हत्या गरेको आरोप लगाए । उनका अनुसार घटनास्थलमा फुटेका चुरा, झगडा भएको कोठाबाहिर देखिएको रगतका दाग तथा अन्य परिस्थितिजन्य प्रमाणहरूले घटना आत्महत्या नभई हत्या भएको संकेत गर्ने दाबी गरे । उनले वास्तविक दोषी पहिचान गरी कानुनबमोजिम कारबाही नभएसम्म शव नबुझ्ने अडान दोहोर्याए ।

मृतकका आमा देवकुमारी खड्का र बुवा खडगबहादुर खड्काले पनि मृत्युको वास्तविक कारण खुल्ने गरी पुनः छानबिन तथा दोषीमाथि कारबाही प्रक्रिया अघि नबढेसम्म शव नबुझ्ने बताएका छन् । माइती पक्षले घटनामा मृतकका पति सुधिर सिलवाल, सासु–ससुरा, नन्द तथा नन्दका श्रीमान्को समेत संलग्नता रहेको आरोप लगाएका छन् ।

पत्रकार सम्मेलनमा ठोरी गाउँपालिकाका अध्यक्ष लालबहादुर श्रेष्ठ, उपाध्यक्ष गोकुली रेग्मीलगायत जनप्रतिनिधिको पनि उपस्थिति रहेको थियो । उनीहरूले घटनाको निष्पक्ष अनुसन्धान गरी पीडित परिवारलाई न्याय दिलाउन सम्बन्धित निकायसँग माग गरेका छन् ।

जिल्ला प्रहरी कार्यालय पर्साका प्रवक्ता प्रहरी नायब उपरीक्षक चक्रबहादुर मल्लका अनुसार नारायणी अस्पतालबाट प्राप्त पोस्टमार्टम प्रतिवेदनमा लक्ष्मीको मृत्यु पासो लगाएर आत्महत्या गरेको कारण भएको उल्लेख छ । तर माइती पक्षले उक्त प्रतिवेदनमाथि प्रश्न उठाएकाले अनुसन्धानका सबै पक्षलाई समेटेर प्रक्रिया अघि बढाइएको उनले बताए । उनका अनुसार घटनाको अन्तिम निष्कर्ष अझै आइसकेको छैन ।

प्रहरीले घटनाकै दिन मृतकका पति सुधिर सिलवाललाई नियन्त्रणमा लिएर ज्यानसम्बन्धी कसुरमा मुद्दा दर्ता गरी अनुसन्धान अघि बढाएको जनाएको छ । सासु र ससुरालाई पनि प्रारम्भिक रूपमा नियन्त्रणमा लिइए पनि वृद्ध अवस्थाका कारण मृतकका आफन्तको सहमतिमा तारेखमा रिहा गरिएको प्रहरीले जनाएको छ ।

माइती पक्षका अनुसार सुधिर सिलवाल नेपाली सेनाका अवकाशप्राप्त कर्मचारी हुन् । उनीमाथि लागू पदार्थ सेवन गर्ने, परिवारसँग पटक–पटक विवाद गर्ने तथा श्रीमतीमाथि कुटपिट गर्ने गरेको आरोप पनि लगाइएको छ । प्रहरीले भने ती आरोपबारे समेत अनुसन्धान जारी रहेको जनाएको छ ।

यसअघि साउन ११ गते माइती पक्ष, आफन्त तथा स्थानीयवासीले ठोरीबाट वीरगंजमा आएर प्रदर्शन गरेका थिए । त्यसक्रममा प्रमुख जिल्ला अधिकारी भोला दाहाललाई ज्ञापनपत्र बुझाउँदै घटनाको निष्पक्ष छानबिन, सत्यतथ्य सार्वजनिक गर्न तथा दोषीमाथि कानुनबमोजिम कडा कारबाही गर्न माग गरिएको थियो ।

हाल शव नारायणी अस्पतालको शवगृहमै रहेको छ भने अनुसन्धान जारी रहेको प्रहरीले जनाएको छ । यता, पीडित परिवारले सत्यतथ्य बाहिर ल्याई दोषीलाई कानुनी दायरामा ल्याइनेमा आफूहरू अझै आशावादी रहेको बताएका छन् ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...

छठका दिन घाट क्षेत्रमा माछा–मासु र मदिरा बिक्री तथा सेवन गर्न नपाइने

वीरगञ्ज । छठ पर्वलाई सुरक्षित, सभ्य र मर्यादित रूपमा सम्पन्न गर्न जिल्ला प्रशासन कार्यालय पर्साले पटका, आतिसबाजी तथा विस्फोटकजन्य पदार्थको ओसारपसार, बिक्री वितरण र...