Date
सोम, कार्तिक ३०, २०८३
Mon, November 16, 2026

वीरगंज ‘ओपन डिबेट एण्ड इम्प्रोम्प्टु स्पिच च्याम्पियनसिप–२०२६’ सम्पन्न

spot_img
spot_img

वीरगंज । राष्ट्रिय अग्रवाल प्रज्ञा प्रतिष्ठान र वीरगंज टोस्टमास्टर्स क्लबको संयुक्त आयोजनामा ‘ओपन डिबेट एण्ड इम्प्रोम्प्टु स्पिच च्याम्पियनसिप–२०२६’ को फाइनल चरण शनिबार वीरगंजमा सम्पन्न भएको छ ।

आदर्शनगरस्थित त्रिशला रेस्टुरेन्टमा आयोजित प्रतियोगितामा समाजसेवी तथा उद्योगपति जगदीश अग्रवाल प्रमुख अतिथिका रूपमा सहभागी भएका थिए । युवाहरूमा सार्वजनिक वक्तृत्वकला, तार्किक सोच, आत्मविश्वास तथा नेतृत्व क्षमता अभिवृद्धि गर्ने उद्देश्यले प्रतियोगिताको आयोजना गरिएको आयोजकले जनाएको छ ।

कार्यक्रमलाई सम्बोधन गर्दै प्रमुख अतिथि अग्रवालले प्रतिस्पर्धात्मक युगमा सफल हुन ज्ञानसँगै प्रभावकारी सञ्चार कला, तार्किक सोच र नेतृत्व क्षमता अपरिहार्य रहेको बताए । यस्ता प्रतियोगिताले विद्यार्थीहरूमा आफ्नो विचार स्पष्ट रूपमा प्रस्तुत गर्ने आत्मविश्वास बढाउनुका साथै भविष्यका सक्षम नेतृत्व उत्पादनमा महत्वपूर्ण भूमिका खेल्ने उनको भनाइ थियो ।

राष्ट्रिय अग्रवाल प्रज्ञा प्रतिष्ठानकी अध्यक्ष ज्योति क्याल र वीरगंज टोस्टमास्टर्स क्लबकी अध्यक्ष खुशी अग्रवालले विद्यार्थीहरूलाई निरन्तर अध्ययन, अभ्यास तथा नेतृत्व विकासमा केन्द्रित हुन आग्रह गर्दै यस्ता सिर्जनात्मक कार्यक्रमले व्यक्तित्व विकासमा सकारात्मक प्रभाव पार्ने विश्वास व्यक्त गरे ।

प्रतिष्ठानले आफ्नो उद्देश्य दूरदर्शी नेतृत्व विकास, आजीवन सिकाइको संस्कार, साहित्य तथा सामाजिक चेतनाको प्रवर्द्धन र उद्यमशीलताको विकासमार्फत नैतिक, समुन्नत र समृद्ध समाज निर्माण गर्नु रहेको जनाएको छ । संस्थाले ज्ञान, नेतृत्व, सेवा र समृद्धिलाई आफ्नो मूल मूल्यका रूपमा अघि बढाउँदै आएको जानकारी पनि कार्यक्रममा दिइयो ।

प्रतियोगिताको फाइनल चरणमा कक्षा ७, ८ र ९ का विद्यार्थीहरूले ‘इन्टरनेटका फाइदा र बेफाइदा’ तथा ‘सामाजिक सञ्जालका फाइदाभन्दा बेफाइदा बढी छन्’ विषयमा खुला बहस गर्दै प्रभावशाली तर्क, विश्लेषण र वक्तृत्व क्षमता प्रस्तुत गरेका थिए । सहभागीहरूको आत्मविश्वासपूर्ण प्रस्तुति र तार्किक विश्लेषणले उपस्थित दर्शकको ध्यान आकर्षित गरेको थियो ।

कार्यक्रममा समाजसेवी तथा उद्योगपति गणेश लाठ, वीरगंज उद्योग वाणिज्य संघका अध्यक्ष हरि गौतम, मानवसेवा आश्रमका देवेश गुप्ता, शिक्षाविद् राजेन्द्र कोइराला, उद्योग वाणिज्य महासंघ मधेश प्रदेशका निवर्तमान अध्यक्ष अशोक टेमानी, मधेश विश्वविद्यालयका उपकुलपति डा. दीपक शाक्यलगायत विभिन्न क्षेत्रका विशिष्ट व्यक्तित्वहरूको उपस्थिति रहेको थियो ।

आयोजकले यस्ता प्रतियोगिताले विद्यार्थीहरूमा आलोचनात्मक सोच, प्रभावकारी सञ्चार कला तथा नेतृत्व क्षमता विकास गर्न महत्वपूर्ण योगदान पुर्‍याउने विश्वास व्यक्त गर्दै आगामी वर्षहरूमा पनि कार्यक्रमलाई निरन्तरता दिइने जनाएको छ ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...

छठका दिन घाट क्षेत्रमा माछा–मासु र मदिरा बिक्री तथा सेवन गर्न नपाइने

वीरगञ्ज । छठ पर्वलाई सुरक्षित, सभ्य र मर्यादित रूपमा सम्पन्न गर्न जिल्ला प्रशासन कार्यालय पर्साले पटका, आतिसबाजी तथा विस्फोटकजन्य पदार्थको ओसारपसार, बिक्री वितरण र...