Date
सोम, कार्तिक ३०, २०८३
Mon, November 16, 2026

वीरगंजमा कुटपिट घटनामा संलग्न एक जना पक्राउ, धार्मिक सद्भाव नबिगार्न प्रहरीको अपिल

spot_img
spot_img

वीरगंज । वीरगंज महानगरपालिका–२ स्थित ईदगाहा चोकमा भएको कुटपिट घटनामा संलग्न एक युवकलाई प्रहरीले पक्राउ गरेको छ ।

जिल्ला प्रहरी कार्यालय पर्साका अनुसार शुक्रबार साँझ करिब ७ः३५ बजे वीरगंज–२ निवासी १८ वर्षीय समिर अन्सारीले पुरानो व्यक्तिगत विवादका कारण वीरगंज–१६ ईनर्वागाउँ निवासी १८ वर्षीय रंजित यादवमाथि कुटपिट गरेका थिए । घटनामा घाइते भएका यादवको ओठ र नाकमा चोट लागेको प्रहरीले जनाएको छ ।

प्रहरीले घाइतेलाई तत्काल प्रभु अस्पताल पुर्‍याई उपचार गराएको तथा घटनामा संलग्न समिर अन्सारीलाई नियन्त्रणमा लिएर थप अनुसन्धान भइरहेको जनाएको छ ।

यसैबीच, उक्त घटनालाई लिएर सामाजिक सञ्जाल तथा केही सञ्चार माध्यममा सामाजिक तथा धार्मिक सद्भाव खलबलिने किसिमका सामग्री सम्प्रेषण भएको भन्दै जिल्ला प्रहरी कार्यालय पर्साले गम्भीर ध्यानाकर्षण भएको जनाएको छ ।

जिल्ला प्रहरी कार्यालय पर्साका प्रवक्ता तथा सूचना अधिकारी प्रहरी नायब उपरीक्षक चक्रबहादुर मल्लद्वारा जारी प्रेस विज्ञप्तिमा घटनाको सत्यतथ्य अनुसन्धान गरी कानुनबमोजिम कारबाही प्रक्रिया अघि बढाइसकिएको उल्लेख गर्दै अपुष्ट तथा भ्रामक सूचना नफैलाउन आग्रह गरिएको छ ।

प्रहरीले सञ्चारकर्मी तथा सर्वसाधारणलाई सत्य तथ्यमा आधारित समाचार सम्प्रेषण गर्न तथा सामाजिक एवं धार्मिक सद्भाव कायम राख्न सहयोग गर्न हार्दिक अपिल गरेको छ ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...

छठका दिन घाट क्षेत्रमा माछा–मासु र मदिरा बिक्री तथा सेवन गर्न नपाइने

वीरगञ्ज । छठ पर्वलाई सुरक्षित, सभ्य र मर्यादित रूपमा सम्पन्न गर्न जिल्ला प्रशासन कार्यालय पर्साले पटका, आतिसबाजी तथा विस्फोटकजन्य पदार्थको ओसारपसार, बिक्री वितरण र...