वीरगंज । वीरगंज महानगरपालिका–२५ का वडा अध्यक्ष आशुतोष चतुर्वेदी नारायणी अस्पताल कुटपिट प्रकरणमा पक्राउ परेको तीन दिनपछि बिहीबार साँझ रिहा भएका छन् ।
नारायणी अस्पतालमा उपचारका क्रममा एक जनाको मृत्यु भएपछि अस्पतालको आकस्मिक कक्षमा तोडफोड तथा एक चिकित्सकमाथि कुटपिट भएको घटनासम्बन्धी आरोपमा प्रहरीले चतुर्वेदीलाई गत मंगलबार पक्राउ गरेको थियो ।
चतुर्वेदीको पक्राउको विरोधमा स्थानीयवासीले विभिन्न चरणमा प्रदर्शन गरेका थिए । साथै, वीरगञ्ज महानगरपालिकाका ३२ वटै वडाका अध्यक्षहरूले विरोधस्वरूप वडा कार्यालयहरूको सेवा तथा कामकाजसमेत ठप्प पारेका थिए ।
डाक्टरमाथी कुटपिट गर्नेमाथी कारवाहीको माग गर्दै चिकित्सक संघको आव्हानमा देशभरी चिकित्सकहरु पनि आन्दोलित भएका थिए । सरकार र चिकित्सक संंघबिच बुधबार पाँच बुन्दे सहमति भएपछि उनिहरु बिहिबारदेखी काममा फर्किएका थिए ।
