Date
सोम, कार्तिक ३०, २०८३
Mon, November 16, 2026

सुनसरी गोलीकाण्डको विरोधमा वीरगंजमा प्रदर्शन, घण्टाघरमा टायर बालेर नाराबाजी

spot_img
spot_img

वीरगंज । सुनसरीको कप्तानगञ्जमा प्रहरीको गोली लागेर एक हिन्दु युवकको मृत्यु भएको घटनाको विरोधमा सोमबार साँझ वीरगंजमा हिन्दु संगठन तथा सर्वसाधारणले विरोध प्रदर्शन गरेका छन् ।

गहवामाई मन्दिर प्राङ्गणबाट सुरु भएको विरोध जुलुस आदर्शनगर चोक, अलखिया मठ चोक, घडीअर्वा हुँदै घण्टाघर चोक पुगेको थियो । प्रदर्शनकारीहरूले घण्टाघरमा टायर बालेर नाराबाजी गर्दै घटनाको निष्पक्ष छानबिन र दोषीमाथि कारबाहीको माग गरेका थिए।

प्रदर्शनका क्रममा सहभागीहरूले “हिन्दुलाई मार्न पाइँदैन”, “सुनसरीमा हिन्दुमाथि गोली चलाउनेलाई कारबाही गर”, “सुनसरीका सीडीओ राजीनामा दे”, “गृहमन्त्री सुधन गुरुङ मुर्दावाद”, “हिन्दु राष्ट्र कायम गर” लगायतका नाराहरू लगाएका थिए ।

प्रदर्शनमा सहभागी हिन्दुवादी नेतृ रमितामाया गुप्ताले नेपाललाई धर्मनिरपेक्ष राष्ट्र घोषणा गरिएयता देशका विभिन्न स्थानमा हिन्दु समुदायमाथि दमन र हिंसाका घटना बढ्दै गएको दाबी गरिन् । सुनसरीको कप्तानगञ्जमा भएको पछिल्लो घटना त्यसैको निरन्तरता भएको उनको भनाइ थियो ।

यस्तै, हिन्दुवादी अगुवा ओमप्रकाश गुप्ताले सुनसरी घटनामा संलग्नमाथि तत्काल कानुनी कारबाही नभए वीरगंजमा आन्दोलनलाई अझ सशक्त बनाइने चेतावनी दिए ।

घण्टाघर चोकमा प्रदर्शनकारीहरूले टायर बालेर सडक अवरुद्ध गर्न खोजेपछि प्रहरीले हस्तक्षेप गरेको थियो । सो क्रममा केहीबेर प्रदर्शनकारी र प्रहरीबीच धकेलाधकेल तथा सामान्य घम्साघम्सी भएको प्रत्यक्षदर्शीहरूले बताएका छन् ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...

छठका दिन घाट क्षेत्रमा माछा–मासु र मदिरा बिक्री तथा सेवन गर्न नपाइने

वीरगञ्ज । छठ पर्वलाई सुरक्षित, सभ्य र मर्यादित रूपमा सम्पन्न गर्न जिल्ला प्रशासन कार्यालय पर्साले पटका, आतिसबाजी तथा विस्फोटकजन्य पदार्थको ओसारपसार, बिक्री वितरण र...