Date
सोम, कार्तिक ३०, २०८३
Mon, November 16, 2026

चिकित्सक कुटिएको विरोधमा वीरगंजमा प्रदर्शन, स्वास्थ्यमन्त्रीको राजीनामा माग

spot_img
spot_img

वीरगंज । नारायणी अस्पताल वीरगंजमा चिकित्सकमाथि भएको आक्रमण र आकस्मिक कक्षमा भएको तोडफोडको विरोधमा चिकित्सक तथा स्वास्थ्यकर्मीहरूले आइतबार वीरगंजमा प्रदर्शन गरेका छन् । प्रदर्शनकारीहरूले दोषीमाथि कडा कारबाही गर्न तथा स्वास्थ्य तथा खाद्य स्वच्छता मन्त्रीको राजीनामा माग गरेका हुन् ।

वीरगंजको घण्टाघरमा आयोजित प्रदर्शनमा चिकित्सक तथा स्वास्थ्यकर्मीहरूले विभिन्न नारा लेखिएका प्लेकार्ड बोकेर सहभागी भएका थिए । उनीहरूले “डाक्टर पिट्न पाइँदैन”, “दोषीमाथि कारबाही गर”, “स्वास्थ्य मन्त्री राजीनामा दे” लगायतका नारा लगाएका थिए ।

शनिबार नारायणी अस्पतालमा उपचारका क्रममा वीरगंज महानगरपालिका–२५ निवासी ४५ वर्षीय राजकुमार पटेलको मृत्यु भएपछि आक्रोशित आफन्त र स्थानीयवासी अस्पतालको आकस्मिक कक्षमा प्रवेश गरी तोडफोड गरेका थिए । सोही क्रममा ड्युटीमा रहेका मेडिकल अफिसर डा. प्रमोद राममाथि कुटपिट भएको थियो ।

अस्पतालका अनुसार गम्भीर घाइते भएका डा. रामको आईसीयूमा उपचार भइरहेको छ ।

घटनापछि चिकित्सकहरूको छाता संगठनको आह्वानमा आइतबारदेखि नारायणी अस्पतालसहित वीरगंजका सरकारी, सामुदायिक, निजी अस्पताल तथा मेडिकल कलेजका चिकित्सकहरूले आकस्मिक सेवासमेत बहिष्कार गर्दै अधिकांश स्वास्थ्य सेवा स्थगित गरेका छन् । यसका कारण उपचारका लागि अस्पताल पुगेका बिरामी तथा सेवाग्राही प्रत्यक्ष रूपमा प्रभावित भएका छन् ।

यता मृतक राजकुमार पटेलका परिवारजनले भने अस्पतालको लापरबाहीका कारण उनको मृत्यु भएको आरोप लगाएका छन् । परिवारका अनुसार अक्सिजनमा रहेका बिरामीलाई उपचारका लागि सार्ने क्रममा अक्सिजन आपूर्ति विच्छेद गरिएकाले उनको मृत्यु भएको हो ।

घटनापछि अस्पताल प्रशासनले सहायक प्रमुख जिल्ला अधिकारीको उपस्थितिमा बसेको बैठकबाट छानबिन समिति गठन गर्दै आकस्मिक कक्षमा कार्यरत पाँच स्वास्थ्यकर्मीलाई प्रतिवेदन नआएसम्म जिम्मेवारीबाट अलग राख्ने निर्णय गरेको छ । जिम्मेवारीबाट अलग गरिएकामा डा. प्रमोद राम, डा. रामकिशोर सिंह, प्रह्लाद प्रसाद, नरेशकुमार चौधरी र आस्था यादव रहेका छन् ।

छानबिन समितिमा नारायणी अस्पतालका डा. निरजकुमार सिंह, जिल्ला प्रशासन कार्यालयका प्रशासकीय अधिकृत विनयकुमार गुप्ता, जिल्ला प्रहरी कार्यालय पर्साका प्रहरी निरीक्षक विक्रम सुवेदी, वीरगंज महानगरपालिका–२५ का वडाध्यक्ष आशुतोष चतुर्वेदी, मृतकका आफन्त विकास पटेल तथा अस्पतालका प्रतिनिधि सुनिलकुमार रौनियार सदस्य रहेका छन् ।

यसैबीच डा. निरज सिंहले आफू छानबिन समितिमा नरहेको बताएका छन् । उनले आफ्नो फेसबुकमा लेख्दै आफुलाई जानकारी नदिईकन छानबिन समितिमा राखिएको वताउदै आफ्नो कहिँ पनि हस्ताक्षर नरहेको वताएका हुन् ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...

छठका दिन घाट क्षेत्रमा माछा–मासु र मदिरा बिक्री तथा सेवन गर्न नपाइने

वीरगञ्ज । छठ पर्वलाई सुरक्षित, सभ्य र मर्यादित रूपमा सम्पन्न गर्न जिल्ला प्रशासन कार्यालय पर्साले पटका, आतिसबाजी तथा विस्फोटकजन्य पदार्थको ओसारपसार, बिक्री वितरण र...