वीरगञ्ज । रोट्रयाक्ट क्लब अफ वीरगञ्ज मेट्रोपोलिसको रोटरी वर्ष २०२६–२७ का लागि १०औँ पद हस्तान्तरण तथा पदभार ग्रहण कार्यक्रम शनिबार वीरगंजमा सम्पन्न भएको छ।
क्लबका निवर्तमान अध्यक्ष रामबिनय यादवको अध्यक्षतामा आयोजित कार्यक्रममा रोटरी इन्टरनेशनल डिस्ट्रिक्ट ३२९२ का डिस्ट्रिक्ट गभर्नर इलेक्ट रो. अमित गिरी प्रमुख अतिथिका रूपमा सहभागी भएका थिए । कार्यक्रममा नयाँ कार्यसमितिलाई औपचारिक रूपमा पद तथा जिम्मेवारी हस्तान्तरण गरिएको थियो ।
कार्यक्रमलाई सम्बोधन गर्दै निवर्तमान अध्यक्ष यादवले आफ्नो कार्यकालमा साथ, सहयोग र विश्वास गर्ने सम्पूर्ण सदस्य तथा शुभेच्छुकप्रति आभार व्यक्त गर्दै नयाँ नेतृत्वले सामाजिक सेवा, युवा नेतृत्व विकास तथा सामुदायिक हितका कार्यक्रमलाई अझ प्रभावकारी रूपमा अघि बढाउने विश्वास व्यक्त गरे । उनले रोट्रयाक्ट क्लबले युवामा नेतृत्व क्षमता विकास गर्दै समाजमा सकारात्मक परिवर्तन ल्याउने अभियानलाई थप सशक्त बनाउने बताए ।
प्रमुख अतिथि रो. अमित गिरीले रोट्रयाक्ट क्लब युवाहरूको नेतृत्व विकास गर्ने उत्कृष्ट मञ्च भएको उल्लेख गर्दै सेवा, मित्रता र नेतृत्वलाई जीवनको मूल मन्त्र बनाएर अघि बढ्न आग्रह गरे । उनले समाज परिवर्तनमा युवाको सक्रिय भूमिका अपरिहार्य रहेको बताउँदै रोट्रयाक्ट क्लब अफ वीरगञ्ज मेट्रोपोलिसले सञ्चालन गर्दै आएका सामाजिक गतिविधिको प्रशंसा गरे। आगामी कार्यकाल अझ उपलब्धिमूलक हुने विश्वास पनि उनले व्यक्त गरे ।
कार्यक्रममा रामकिशोर प्रसाद, राकेश मिश्रा, संजय जोशी, अनिल जैस्वाल, एनवाईईएफ वीरगञ्जका अध्यक्ष चन्दन सिंह, हरिओम साह, एडीआरआर अमित शर्मा, प्याब्सन नगर अध्यक्ष राहुल श्रीवास्तव, एन–प्याब्सन नगर अध्यक्ष जियालाल गुप्ता, समाजवादी प्रेस संगठन पर्साका अध्यक्ष शम्भु कुमार सुमन, प्याब्सन नगर अध्यक्ष राहुल श्रीवास्तव, सचिव अमित आलोक, प्याब्सन सदस्य विजय कुमार बल, राजन श्रीवास्तव, देवेश गुप्ता, कमल चौगाई तथा युथ सर्भ फाउन्डेसनकी उपाध्यक्ष संजना रौनियारलगायत सामाजिक तथा शैक्षिक क्षेत्रका व्यक्तित्वहरूको उल्लेखनीय उपस्थिति रहेको थियो ।
कार्यक्रमका वक्ताहरूले नवगठित कार्यसमितिलाई सफल कार्यकालको शुभकामना व्यक्त गर्दै समाजसेवा, युवा सशक्तीकरण, नेतृत्व विकास तथा सामुदायिक हितका कार्यक्रमलाई अझ प्रभावकारी रूपमा अघि बढाउन सबै पक्षको सहकार्य आवश्यक रहेको धारणा राखेका थिए ।
