Date
सोम, कार्तिक ३०, २०८३
Mon, November 16, 2026

सरकार बदलियो तर देशको सिच्युएशन बदलिएन : प्रभु साह

spot_img
spot_img

वीरगंज । आम जनता पार्टी (आजपा)का अध्यक्ष तथा पूर्वमन्त्री प्रभु साहले रास्वपा नेतृत्वको सरकारले मुलुकलाई सही तवरले नेतृत्व प्रदान गर्न नसक्दा छोटो समयमा असन्तुष्टि चुलिएको बताएका छन् । राष्ट्रियताको रक्षा, सुशासनको सवाल र विकासको मामिलामा वर्तमान सरकार असफलताको दिशातर्फउन्मुख रहेको साहको आरोप छ ।

आज (शनिबार) रौतहटको कटहरियामा आयोजित आईटी आर्मीको विशेष जिल्ला भेलालाई सम्बोधन गर्दै अध्यक्ष साहले नेपाली जनताले देशको वर्तमान राजनीतिक व्यवस्थामा नै सुधारको लागि रास्वपालाई अभुतपूर्व मत दिँदापनि सोहीअनुसार अहिलेको सरकारले पहलकदमी नलिएको बताए । उनले देशमा सरकार बदलिएपनि सिच्यूएशन नबदलिएको गम्भीर टिप्पणी गरे ।

वालेन्द्र शाहको नेतृत्वमा सरकार बनेको छोटो समयमा नै जनतामा चरम निराशा चुलिएको र स्वयम सरकारको नेतृत्व गरेको दल रास्वपा आन्तरिक विवादमा फसेको पूर्वमन्त्री साहको दाबी छ । गरिव, निमुखा र विपन्न जनता अहिलेको सरकारबाट त्रसित अवस्थामा रहेको भन्दै अझैसम्म विस्थापित सुकुम्वासीहरु रोएर बस्नुपरेको अवस्था पनि उनले चित्रण गराए ।

मूल्यवृद्धि नियन्त्रणको साटो दिनदिनै चुलिएको, विकास खर्च गर्न नसकेको र आन्तरिक तथा वैदेशिक ऋण बढाउने काममा वर्तमान सरकार लागिपरेको भन्दै उनले अहिलेका अर्थमन्त्री स्वर्णिम वाग्लेले देशको अर्थतन्त्रलाई सही तवरले ड्राइभ गर्न नसक्ने ठोकुवा गरे ।

उनले वर्तमान सरकारले विकास कुटनीतिको हल्ला पिटेपनि वैदेशिक सम्बन्ध सुधारको लागि कुनै ठोस पहल नलिएको आरोप लगाए । भारत, चीनलगायतका महत्वपूर्ण छिमेकीहरुसँगको सम्बन्ध अहिले अवरुद्धको अवस्थामा रहेको र ती देशहरुमा राजदूतविहीन बनाउने काम गरिएको भन्दै साहले सरकारको आलोचना गरे । उनले प्रधानमन्त्री शाहले विदेशी राजदूतहरुसँग एक्लाएक्लै नभेट्ने भनेर चर्चा बटुलेपनि आफ्ना सल्लाहकारलाई सुटुक्क दिल्ली दौडमा पठाएको र सम्बन्ध सुधारकोलागि पहल लिएको खबर बाहिरिनुले पनि प्रधानमन्त्रीको राष्ट्रवादी छवि उदांगिएको टिप्पणी गरे । उनले विदेश सम्बन्धमा हचुवा र आलोकाँचो व्यवहार प्रस्तुत नगर्न पनि प्रधानमन्त्रीलाई सुझाव दिए ।

उनले सरकारको हरेक गलत क्रियाकलापहरुको सशक्त प्रतिवाद गर्न पनि युवा पँक्तिलाई निर्देशन दिए । देश बदलावको लागि युवाहरुले नै विशेष भूमिका खेल्नुपर्ने बेला आएको भन्दै सत्तामा बसेकाहरुका अन्धभक्तहरुले साइबर बुलिङ गर्दैमा सत्य कुरा बोल्न नडराउन पनि साहले आग्रह गरेका छन् । यस्तै, उनले परिवर्तन तथा अग्रगामी शक्तिहरुबीच तत्काल सहकार्यको आवश्यकत्ता पनि औंल्याए ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...

छठका दिन घाट क्षेत्रमा माछा–मासु र मदिरा बिक्री तथा सेवन गर्न नपाइने

वीरगञ्ज । छठ पर्वलाई सुरक्षित, सभ्य र मर्यादित रूपमा सम्पन्न गर्न जिल्ला प्रशासन कार्यालय पर्साले पटका, आतिसबाजी तथा विस्फोटकजन्य पदार्थको ओसारपसार, बिक्री वितरण र...