वीरगंज । राष्ट्रिय स्वतन्त्र पार्टी (रास्वपा) पर्सागढी नगर समिति, पर्साको आयोजनामा शनिबार पर्सागढी नगरपालिका–३ बढनियारमा रक्तदान कार्यक्रम सम्पन्न भएको छ ।
कार्यक्रमको उद्घाटन पर्सा निर्वाचन क्षेत्र नं. २ का प्रतिनिधिसभा सदस्य सुशील साह कानुले रक्तदान गरेर गरेका थिए । रक्तसञ्चार केन्द्र वीरगंजका अनुसार कार्यक्रममा ३ महिलासहित ६० जनाले रक्तदान गरेका छन् ।
रक्तदान गर्नेहरूमा सांसद सुशील साह कानुसहित रास्वपा नेता सुधिर पटेल, मुस्कान दाहाल, होमप्रसाद न्यौपाने, सन्तोष खवास, पोषण पटेल कुर्मी, हर्कबहादुर अर्याल, आशिक अधिकारी, रैतु आलम अन्सारी, कमलेश रायभर, मनोज रायभर, करण आचार्यलगायत सहभागी रहेका थिए ।
कार्यक्रममा रास्वपा नेता सुधिर पटेल, रास्वपा मधेश प्रदेश यातायात विभाग प्रमुख राम आर्य, क्षेत्र नं. २ का सचिव किशन प्रसाद, रास्वपा वीरगंज नगर सभापति दीपराज पटेल, नेपाल रेडक्रस सोसाइटी रेशमको उपशाखाका सह–कोषाध्यक्ष अभिलाष गुप्ता, स्थानीय बुद्धिजीवी तथा रास्वपा पर्सागढी नगर समितिका पदाधिकारी र कार्यकर्ताहरूको उल्लेखनीय उपस्थिति रहेको थियो ।
रक्तसञ्चार केन्द्र वीरगंजका प्रमुख सौरभ पाण्डेको नेतृत्वमा रहेको प्राविधिक टोलीको सहयोगमा कार्यक्रम सफलतापूर्वक सम्पन्न भएको आयोजकले जनाएको छ ।
