Date
सोम, कार्तिक ३०, २०८३
Mon, November 16, 2026

बाढी प्रभावित क्षेत्रको सांसद कानु र नेता पटेलद्वारा स्थलगत अवलोकन

spot_img
spot_img

वीरगंज । पर्सा निर्वाचन क्षेत्र नं. २ का प्रतिनिधिसभा सदस्य सुशील कानुले वर्षाका कारण उत्पन्न बाढी तथा डुबानबाट प्रभावित क्षेत्रको स्थलगत अवलाेकन गर्दै दीर्घकालीन समाधानका लागि आवश्यक पहल थाल्ने आश्वासन दिएका छन् ।

सांसद कानुले वीरगंज महानगरपालिका–१७, २४, २५ र २६ अन्तर्गत पर्ने बहुअरी, अलौ, सिर्सिया तथा सुगौली क्षेत्रमा पुगेर वर्षाका कारण जलमग्न बनेका खेतीयोग्य जमिन तथा प्रभावित बस्तीको अवलोकन गर्नुभएको हो । स्थलगत अवलाेकनकाे क्रममा उनले धानबालीमा पुगेको क्षति, पानी निकासको समस्या तथा स्थानीयले भोगिरहेका कठिनाइबारे जानकारी लिएका हुन् ।

उनले स्थानीय बासिन्दा, किसान तथा जनप्रतिनिधिसँग छलफल गर्दै वर्षेनी दोहोरिने डुबान समस्याको दीर्घकालीन समाधानका लागि सम्बन्धित निकायसँग समन्वय गरी आवश्यक पहल अघि बढाइने बताए ।

सांसद कानुले विगतदेखि करिब दुई सय बिगहा खेतीयोग्य जमिन वर्षेनी डुबानमा पर्दै आएको उल्लेख गर्दै अब उक्त समस्या स्थायी रूपमा समाधान गर्ने लक्ष्यका साथ आफू सक्रिय रहेको बताए । स्थानीयको जनधनको सुरक्षा, खेतीयोग्य जमिनको संरक्षण तथा प्रभावकारी पानी निकास व्यवस्थापनका लागि आवश्यक योजना कार्यान्वयनमा जोड दिइने उनको भनाइ थियो ।

स्थलगत अवलाेकनमा राष्ट्रिय स्वतन्त्र पार्टी (रास्वपा) का नेता सुधीर पटेल, रास्वपा मधेश प्रदेश यातायात विभाग प्रमुख राम आर्य, रास्वपा क्षेत्र नं. २ का उपसभापति किशोर यादव, स्थानीय जनप्रतिनिधि, किसान तथा स्थानीय बासिन्दाको सहभागिता रहेको थियो ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

आज छठ पर्वको मुख्य दिन : अस्ताउँदो सूर्यलाई अर्घ्य दिएर गरिँदैछ पूजा–आराधना

वीरगञ्ज । लोकआस्थाको महापर्व छठको मुख्य दिन आज देशभरका छठ घाट तथा जलाशयहरूमा व्रतालुहरूले अस्ताउँदो सूर्यलाई अर्घ्य दिएर पूजा–आराधना गर्दैछन्। चार दिनसम्म मनाइने छठ...

राष्ट्रीय पर्व छठलाई रास्वपाको मूल नेतृत्वले वीरगञ्ज र जनकपुरमा मात्रै सिमित गराउन खोज्यो : अध्यक्ष रन्जु साह

काठमाडौं । आम महिला मोर्चाको अध्यक्ष रन्जु कुमारी साहले रास्वपाको मूल नेतृत्वले विश्वभरि फैलिएको लोकआस्थाको महान राष्ट्रीय पर्व छठलाई जनकपुर र वीरगञ्जमा मात्रै सिमित...

छठका दिन घाट क्षेत्रमा माछा–मासु र मदिरा बिक्री तथा सेवन गर्न नपाइने

वीरगञ्ज । छठ पर्वलाई सुरक्षित, सभ्य र मर्यादित रूपमा सम्पन्न गर्न जिल्ला प्रशासन कार्यालय पर्साले पटका, आतिसबाजी तथा विस्फोटकजन्य पदार्थको ओसारपसार, बिक्री वितरण र...