Date
बिहि, मंसिर ३, २०८३
Thu, November 19, 2026

नेपाली भाषा र साहित्यको संरक्षणमा सरोकारवालाको जोड

spot_img
spot_img

वीरगंज । विद्यार्थीहरूमा नेपाली भाषा र साहित्यप्रतिको अभिरुचि जगाउन र यसको संरक्षण गर्न विद्यालय, परिवार र समाज सबै उत्तिकै जिम्मेवार हुनुपर्नेमा सरोकारवालाहरूले जोड दिएका छन् । वीरगंजमा आयोजित “नेपाली भाषा र साहित्य” विषयक अन्तरक्रिया कार्यक्रमका सहभागी वक्ता तथा शिक्षकहरूले यस्तो धारणा राखेका हुन् ।

‘साहित्यको विकास, विस्तार र समाजसेवामा समर्पित’ भन्ने नाराका साथ साहित्यिक चौतारी नेपाल मधेश प्रदेश समितिको आयोजनामा वीरगंज पब्लिक कलेज (बिपिसी) मा उक्त अन्तरक्रिया कार्यक्रम सम्पन्न भएको हो ।

कार्यक्रममा वीरगंजका सामुदायिक र संस्थागत विद्यालय तथा कलेजहरूमा नेपाली विषय अध्यापन गराउने शिक्षक–शिक्षिकाहरूले आफ्ना शिक्षण अनुभव र व्यावहारिक समस्याहरू साटासाट गरेका थिए । यस क्षेत्रको मातृभाषा भोजपुरी भएकाले कक्षाकोठामा नेपाली उच्चारण सिकाउन, भाषिक शुद्धता कायम गर्न र शब्दार्थ बुझाउन निकै कठिनाइ भोग्नुपरेको शिक्षकहरूले अनुभव सुनाए । भाषा र साहित्यको विकासका लागि विद्यालयको प्रयासले मात्र नपुग्ने भन्दै सहभागीहरूले घरमा पारिवारिक माहोल र समाजमा पनि साहित्यिक गतिविधि बढाउनुपर्नेमा जोड दिए ।

समितिका वरिष्ठ उपाध्यक्ष प्रमोद पाण्डे हेरम्बको अध्यक्षतामा भएको कार्यक्रममा वरिष्ठ साहित्यकार गणेश प्रसाद लाठ, साहित्यिक चौतारी नेपालकी केन्द्रीय अध्यक्ष गीता भण्डारी, ठाकुरराम बहुमुखी क्याम्पसको नेपाली विषयका विभागीय प्रमुख ईन्द्रप्रसाद भट्टराई, बिपिसी कलेजका प्रिन्सिपल डा. बासुदेव कर्ण, नारायणी वाङ्गमय प्रतिष्ठानका सचिव महेशचन्द्र गौतम, भोजपुरी प्रतिष्ठान वीरगंजकी अध्यक्ष अनिता साह लगायतले मन्तव्य व्यक्त गर्दै नेपाली भाषाको वर्तमान अवस्था र सुधारका उपायबारे चर्चा गरेका थिए ।

क्रममा संस्थाका उपाध्यक्ष सुशिला भण्डारी, कार्यसमिति सदस्य अजमत अली अन्सारी, उमेश अवस्थी आदर्श, अस्मिता पटेल लगायतले रचना वाचन गरेका थिए ।

साहित्यिक चौतारी नेपाल मधेश प्रदेशकी सहसचिव प्रिया मिश्रले स्वागत मन्तव्य व्यक्त गरेकी कार्यक्रमको सहजीकरण संस्थाका सचिव सूर्य शुभचिन्तकले गरेका थिए ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

LEAVE A REPLY

Please enter your comment!
Please enter your name here

थप समाचार

जालिम मियाँका माइला छोरा बसीर अहमद रास्वपामा प्रवेश

वीरगंज । नेकपा एमालेका नेता एवं पर्साको जगरनाथपुर गाउँपालिकाका पूर्व अध्यक्ष जालिम मियाँका माइला छोरा बसीर अहमद राष्ट्रिय स्वतन्त्र पार्टी (रास्वपा) मा प्रवेश गरेका...

पर्सामा एक महिनामा ११८ अपराधका घटना, १२२ फरार प्रतिवादी पक्राउ

वीरगञ्ज । जिल्ला प्रहरी कार्यालय पर्साले २०८३ साल कात्तिक महिनामा जिल्लाभर अपराध नियन्त्रण, अनुसन्धान, लागूऔषध कारोबार नियन्त्रण तथा अवैध गतिविधिविरुद्ध सञ्चालन गरेका कारबाहीको विवरण...

गौरको नेपाल–भारत सीमा क्षेत्रबाट ९ एमएमका २७ थान गोली बरामद

रौतहट । रौतहटको गौर नगरपालिका–१ कानुपट्टीस्थित नेपाल–भारत सीमा क्षेत्रबाट सुरक्षाकर्मीले ९ एमएमका २७ थान गोली बरामद गरेका छन्। मंगलबार सीमा क्षेत्रमा गस्ती गर्ने क्रममा सशस्त्र...